བོད་ལྗོངས་འཕན་པོ་ལྷུན་གྲུབ་རྫོང་ཁོངས་སུ་ཡོད།དེ་སྔའི་བཟའ་དམ་རྫོང་གནས་ཡུལ་གྱི་མཁར་ཤུལ་དེ་ནི་སྔོན་དུས་བཙན་པོ་སྲོང་བཙན་སྒམ་པོ་སྐུ་འདས་ས་འཕན་ཡུལ་ཟལ་མོ་སྒང་ཞེས་པ་དེ་ཡིན་སྐད་དང་།བོད་སིལ་བུའི་དུས་སུ་ཟ་དང་དོམ་པ་བཙན་པའི་མཁར་ལ་བརྟེན།ཞེས་པའི་མཁར་ཡང་བཟའ་དམ་གྱི་མཁར་དེ་ཡིན་ཟེར།དགའ་ལྡན་ཕོ་བྲང་གིས་དབང་བསྒྱུར་སྐབས་བཟའ་དམ་རྫོང་གནས་ཡུལ་ཐོག་མར་རི་སྟེང་མཁར་རྫོང་དེར་བྱས་ཤིང་།རྗེས་སུ་རི་གཤམ་དུ་རྫོང་ཁང་གསར་རྒྱག་བྱས་ཀྱང་རི་སྟེང་མཁར་ཤུལ་དེར་དར་ལྕོག་འཛུགས་སྲོལ་འདུག