1.ཆུ་ཆེན་རབ་བརྟན་རྒྱལ་པོ།(齐钦然登土司)རྒྱལ་རབས་ཉེར་ལྔ་པ་ཁྲོ་བོ་འབུམ་གྱི་སྐབས་སུ་བོད་བཙན་པོའི་ཁོངས་སུ་གཏོགས་པའི་ས་གནས་ཀྱི་རྒྱལ་པོ་ཞིག་ཡིན།དེ་ནས་ཆུ་ཆེན་དེ་གོང་མ་ཆན་ལུང་གིས་ཕམ་བཅུག་པའི་བསོད་ནམས་དབང་རྒྱལ་གྱི་བར་དུ་རྒྱལ་རབས་ཞེ་ལྔ་བྱུང་ཡོད་ཅེས་བཀོད་འདུག ལོ་རྒྱུས་ཁ་ཤས་ཐོག་རྒྱལ་རབས་ལྔ་བཅུ་ང་དགུ་ཞེས་ཀྱང་བཀོད་འདུག འདིའི་རྒྱལ་ས་ནི་ལྷ་སྟེང་སྟེ་དང་སང་རྔ་བ་ཁུལ་གྱི་ཆུ་ཆེན་རྫོང（金川）དུ་ཡོད།
2.བཙན་ལྷ་བདག་ཆེན་རྒྱལ་པོ།（赞拉土司）མདོ་སྨད་ཆོས་འབྱུང་ལས།ཆུ་ཆེན་གྱི་ཉིན་ངོས་སུ་བསྟན་པ།རབ་བརྟན།བཙན་ལྷ་རྣམས་ཀྱི་རྒྱལ་ས་ཡོད།ཕྱི་མ་འདི་གཉིས་སྟོབས་དང་དཔའ་རྩལ་ཆེ་བས་ཧོར་རྒྱལ་པོའི་དུས་མངའ་ཞབས་སུ་མ་ཆུགས་པར་གྲགས་ཞེས་གསུངས་པ་དང་།མ་གཞི་བཙན་ལྷ་དང་རབ་བརྟན་རྒྱལ་པོ་གཉིས་ནི་རྒྱལ་པོ་གཅིག་གི་རུས་བརྒྱུད་ལས་ཆད་པ་ཡིན།རྒྱལ་ས་ནི་རྔ་བ་ཁུལ་གྱི་བཙན་ལྷ་རྫོང（小金）དུ་ཡོད།
3.སོ་མང་རྒྱལ་པོ།（梭磨土司）ཡིག་ཐོག་ཏུ་འཁོད་ཡོད་པ་ནི།ད་ར་དཀོན་མཆོག་སྐྱབས་ནས་རྡོ་རྗེ་དཔལ་བཟང་གི་བར་སྤྱི་ལོ1183ལོ་ནས་བཅིངས་འགྲོལ་བཏང་བའི་བར་རྒྱལ་རབས་ཉི་ཤུ་ཙམ་བྱུང་ཡོད་ལ།རྒྱལ་ས་ནི་རྔ་བ་ཁུལ་གྱི་འབར་ཁམས་རྫོང་གི （马尔康县梭磨乡）    མངའ་ཁོངས་སུ་ཡོད།
4.རྫོང་འགག་རྒྱལ་པོ།（松岗土司）འགའ་ཤས་ཀྱིས་རྫི་འགག་དང་།གཟི་འགག་ཏུའང་བྲིས་འདུག  ཡིག་ཐོག་ཏུ་གསལ་བ་འཕན་བཞེར་ནས་མགོན་པོ་རྣམ་རྒྱལ་གྱི་བར་ཏེ་སྤྱི་ལོ634ནས་བཅིངས་འགྲོལ་བཏང་བའི་བར་རྒྱལ་རབས་ཉེར་བཞི་ཙམ་བྱུང་ཡོད་ལ།རྒྱལ་ས་ནི་དེང་གི་རྔ་བ་ཁུལ་འབར་ཁམས་རྫོང་གི(马尔康县松岗镇)མངའ་ཁོངས་ཁོངས་སུ་ཡོད།
5.ཅོག་ཙེ་རྒྱལ་པོ།(桌克基土司)གྱེར་ཙ་ཡང་ཟེར།འབྲེལ་ཡོད་ལོ་རྒྱུས་ནང་བཀོད་པ་ལྟར་ན།གསལ་བ་སྟག་འབུམ་ནས་ཚེ་དབང་ཕུན་ཚོགས་བར་ཏེ་སྤྱི་ལོ1286ནས་བཅིངས་འགྲོལ་བཏང་བའི་བར་རྒྱལ་རབས་བཅོ་བརྒྱད་ཙམ་བྱུང་འདུག རྒྱལ་ས་ནི་རྔ་བ་ཁུལ་འབར་ཁམས་རྫོང་གི(马尔康县桌克基镇)མངའ་ཁོངས་སུ་ཡོད།
6.བསྟན་པ་རྒྱལ་པོ།(党坝土司)དམ་པའང་ཟེར།དེབ་ཐེར་དུ་བཀོད་པ་ལྟར་ན།དགེ་ལེགས་ནས་བསོད་ནམས་དབང་མོའི་བར་ཏེ་སྤྱི་ལོ1658ནས་བཅིངས་འགྲོལ་བཏང་བའི་བར་རྒྱལ་རབས་བཅུ་གཉིས་ཙམ་བྱུང་ཡོད་ལ།རྒྱལ་ས་ནི་རྔ་བ་ཁུལ་འབར་ཁམས་རྫོང་གི(马尔康县党坝乡)མངའ་ཁོངས་སུ་ཡོད།
7.ཁྲོ་སྐྱབས་རྒྱལ་པོ།(倬斯甲土司)ཆོས་རྒྱལ་ཁྲི་སྲོང་ལྡེའུ་བཙན་སྐབས་ཀྱི་ཚ་རོང་ཁོ་འཕན་ཟེར་བ་ནས་ཡུན་མི་རིང་ཙམ་ན་ཁོང་གི་གདུང་བརྒྱུད་དུ་རྒྱལ་པོ་ཁྲོ་བོ་སྐྱབས་ཟེར་བ་བྱུང་ཞིང་དེས་ཕོ་བྲང་བརྩིགས་ཤིང་རྒྱལ་སྲིད་བསྐྱངས་པ་ནས་ཁྲོ་སྐྱབས་རྒྱལ་པོ་ཐོགས།ཁོ་འཕན་ནས་རྟིང་མའི་རྒྱལ་པོ་རྒྱལ་མཚན་བར་དུ་རྒྱལ་རབས་ཞེ་གཅིག་ཙམ་བྱུང་ཡོད།རྒྱལ་ས་ནི་རྔ་བ་ཁུལ་གྱི་ཆུ་ཆེན(金川)དུ་ཡོད།
8.རྒྱལ་ཁ་བཀྲ་ཤིས་གླིང་།(杂谷土司)འདི་ལ་བྲག་སྒམ་ནང་དང་།ཁོག་སྲུང་སྟག་མོ་རྫོང་།རྒྱལ་ཁ་རྒྱལ་པོ་སོགས་སུ་འབོད་ལ།འདིའི་རྒྱལ་རབས་གསལ་ཆ་ཅན་ཡིག་ཆར་མི་འདུག་ཀྱང་།རྫོང་འགག་རྒྱལ་པོའི་རྒྱལ་རྒྱུད་དང་འདྲ་ཟེར།མིང་རྒྱལ་རབས་ཡན་ནས་རྒྱལ་རབས་དུ་མ་ཞིག་སོང་ཡོད་པ་སོགས་ལ་གཞིགས་ན་རྒྱལ་རོང་གི་རྒྱལ་ཁག་གཞན་དག་ལས་རྒྱལ་རབས་མ་མང་ཡང་མི་ཉུང་བ་ནི་གདོན་མི་ཟ་བའོ།རྒྱལ་ས་ནི་རྔ་བུ་ཁུལ་གྱི་ལིས་ཞན(里县杂谷脑镇)ན་ཡོད།།
9.འོག་གཞི་རྒྱལ་པོ།(沃日土司)འདི་ལ་དུས་ཡུན་ཤིན་ཏུ་རིང་མོའི་ལོ་རྒྱུས་ཡོད་མོད་ཀྱང་རྒྱལ་རབས་ཀྱི་ཡིག་ཆ་ལག་ཏུ་མ་སོན་པས་གནས་སྐབས་རྒྱལ་རབས་ཀྱི་གྲངས་བགྲངས་མ་ནུས།རྒྱལ་ས་ནི་རྔ་བ་ཁུལ་བཙན་ལྷ་རྫོང་(小金)དུ་ཡོད་ལ།ཕོ་བྲང་གི་ཤུལ་ཡང་དེང་སང་བསྐྱར་གོས་ཡང་དག་བྱས་ཡོད།
10.མདོ་ལུང་རྒྱལ་པོ།(瓦寺土司)མདོ་ནང་དང་།མདོ་ལིང་།མདོ་གླིང་།ལོང་རྒུ།ལུང་དགུ།ཝ་སི་སོགས་བྲིས་འདུག