དུས་ཀྱི་བུ་མོས་མིའི་རིགས་ཀྱིས་བསྐྲུན་པའི་ལོ་རྒྱུས་རིང་མོ་བརྒྱུད་ནས་དུས་རབས་ཉེར་གཅིག་པའི་ཤིང་སྤྲེལ་ལོ་ལ་གོམ་སྟོབས་བསྒྱུར་བར་བརྩམས།ས་གཞི་ཡངས་པའི་མེས་པོ་རྒྱལ་ཁབ་ཀྱི་མངའ་ཁོངས་སུ་སྤུན་ཟླ་མི་རིགས་ང་དྲུག་གིས་ཞི་བདེའི་ཁོར་ཡུག་གི་ཁྲོད་དུ་འབྱོར་ལྡན་གྱི་འཚོ་བ་རོལ་བ་ནི་དུས་རབས་འཕེལ་ཕྱོགས་ཀྱིས་ང་ཚོར་གནང་བའི་ལེགས་སྐྱེས་རིན་ཐང་བྲལ་བ་ཞིག་རེད་ལགས།
འཛམ་གླིང་གོ་ལ་ཟླུམ་པོའི་སྟེང་དུ་ཡི་གེར་བཀོད་པའི་ལོ་རྒྱུས་ལྡན་པ་ནས་བཟུང་གི་བདེན་དོན་ལ་གཞིགས་ན།མིའི་རིགས་ཀྱིས་འཚོ་གནས་ཐུབ་པའི་ཆེད་དུ་ངལ་རྩོལ་ལ་འབད་ནས་ཡ་མཚན་བའི་འཇིག་རྟེན་ཉིད་བསྐྲུན་པ་ནི་རང་གི་སྤྱང་གྲུང་ལྡན་པའི་བློ་གྲོས་མཚོན་ལ།མིའི་རིགས་ཡོད་དོ་ཅོག་གིས་འབྱོར་ཐང་གིས་ཕྱུག་པའི་བདེ་སྐྱིད་བསྐྲུན་པར་ཕུགས་རེ་བཅངས་པ་ཞིག་ཀྱང་རེད།སྤོབས་པ་ཅན་གྱིས་རུལ་སུངས་སྤྱོད་ངན་ལ་རྡུང་རྡེག་འཐབ་འཛིང་བྱས་ཏེ་མཇུག་འབྲས་ཐོབ་པ་ཞིག་རེད།སྐྱེས་ཆེན་དམ་པས་བློ་རིག་ལ་བརྟེན་ནས་མུན་པའི་གདུང་བས་བཅིངས་པའི་དྲ་རྒྱ་གཏོར་ནས་མིའི་རིགས་ལ་བདེ་སྐྱིད་བསྐྲུན་ཡས་ཀྱི་བདེན་དོན་ལ་གཡུར་ཟའི་འབྲས་བུ་སྨིན་པ་ཞིག་ཀྱང་རེད།དེ་བས་ན་འཇིག་རྟེན་མིའི་ངག་རྒྱུན་དུ་དུས་རབས་ཀྱི་རླབས་རྒྱུན་རྔམ་ཞིང་བརྗིད།བབ་དང་བསྟུན་ན་དར་ཞིང་རྒྱས།།དེ་དང་ལྡོག་ན་རྒུད་ཅིང་འགྲིབ།།ཅེས་པའི་དཔེ་ལྟར།རང་རེ་མེས་པོ་རྒྱལ་ཁབ་ཀྱི་སྐྱེས་བུ་དམ་པ་རྣམས་ཀྱིས་ཀྱང་འདས་པའི་ལོ་རྒྱུས་ལ་ཞིབ་མོ་བློ་ཡིས་ཕྱོགས་བསྡོམས་བྱས་མཐར།སྤུན་ཟླ་མི་རིགས་ང་དྲུག་རྣམས་ལྷན་ཅིག་ཏུ་འོད་སྟོང་འབར་བའི་ཐབས་ལམ་དུ་ཁྲིད་རྒྱུའི་འཕྲིན་ལས་རྒྱུད་མཐུད་ངང་སྤེལ་ལགས་སོ།།
དེར་བརྟེན་ཀྲུང་ཧྭ་རྒྱལ་ཁབ་ཀྱི་ཤར་རིའི་ཕྲག་ཏུ་ཉིན་བྱེད་དབང་པོས་མུན་པ་གསལ་བའི་འོད་སྟོང་སྦྱིན་པ་ནས་བཟུང་སྐྱེ་དངོས་ཡོངས་ལ་གསོན་ཤུགས་ཀྱི་རེ་བས་ཁེངས་པའི་དཔྱིད་དཔལ་ཡོན་ཏན་གྱི་རྗེས་སུ་སྙེགས།དུས་དེ་ནས་བཟུང་འཛམ་གླིང་དབང་ཕྱོགས་སུ་ཆགས་པའི་ས་གཞི་ཡངས་པོའི་སྟེང་དུ་འཚོ་གནས་བྱེད་པའི་མི་སེར་དཀྱུས་མ་དག་གིས་ཀྱང་རང་གི་འདོད་བློ་དང་མཐུན་པའི་མདུན་ལམ་གསར་པ་རྙེད།དོན་དངོས་སུ་བྱུང་བའི་འཕེལ་རྒྱས་བཟང་པོར་ལོ་རྒྱུས་རིག་པས་དཔྱད་འདེམས་བྱེད་སྐབས་དུས་བསྟུན་མདུན་སྐྱོད་ཅེས་པའི་བསྡོམས་ཚིག་བཀོད།རྒན་རབས་པ་རྣམས་ཀྱིས་ཡིད་སྨོན་བྱེད་པའི་བསྔགས་བརྗོད་སྤེལ།
གཞོན་ནུ་ལོ་ཆུང་དག་གིས་དུས་རབས་གསར་པའི་རྣམ་པར་ཉམས་སུ་མྱོང་བཞིན་དེང་རབས་ཚན་རྩལ་སྤྱོད་ཆས་ལ་ལོངས་སུ་སྤྱོད་པར་བྲེལ།གང་ལྟ་རུང་སྨད་མཚོ་རྒྱུད་ས་ཁུལ་ཡན་ཆད་དང་སྟོད་འཛམ་གླིང་ཡང་རྩེ་མན་ཆད།གཞུང་ལམ་གྱི་དྲ་བ་ནི་མཛེས་རྩལ་མཁན་པོའི་སོར་རྩེ་ནས་ཐོན་པའི་རིགས་སུ་མཐུན་་་་་།
གོང་རིམ་ཉིན་བྱེད་དབང་པོའི་སྲིད་ཇུས་ཀྱིས་མཐོ་སྒང་དུ་གནས་པའི་འབྲོག་པ་རྣམས་ཀྱིས་དུས་ཚིགས་བཞི་པོར་སྦྲ་གུར་ལ་བརྟེན་ནས་འཚོ་བ་རོལ་བའི་ལོ་རྒྱུས་ལ་རྫོགས་ཚིག་སྦྱར་བར་བརྟེན།དཔེ་གསར་ཅན་གྱི་སྡོད་ཁང་གིས་མི་རབས་དུ་མར་བརྒྱུད་པའི་འཚོ་བའི་གོམས་སྲོལ་ལ་ཚབ་བྱེད་ཀྱི་འདུགཉི་འོད་ནུས་པའི་གློག་འདོན་འཕྲུལ་ཆས་ཀྱིས་འབྲོག་པ་མི་སེར་དག་གིས་མར་མེ་འོད་ཀྱི་གསལ་ཆ་གཡར་བའི་རྣམ་པ་རྒྱབ་ཏུ་སྐྱུར།དེང་རབས་ཚན་རྩལ་གྱི་འབྲས་བུ་སྟེ་གློག་གི་སྒྲོན་མེ་ཡིས་སོ་ནམ་པའི་ཐོག་བརྩེགས་སྡོད་ཁང་ལ་གསལ་ལ་དྭངས་བའི་འོད་སྣང་སྦྱིན་པ་དང་ཆབས་ཅིགདེང་རབས་ཀྱི་འཚོ་བའི་ཁོར་ཡུག་གི་ཁྲོད་དུ་ཕུན་སུམ་ཚོགས་པའི་འབྱོར་ཐང་ལ་རོལ་བཞིན་ཉིན་རྟགས་པར་དུས་སྟོན་གྱི་རྩེད་འཇོ་ལ་ལོངས་སུ་སྤྱོད་པ་ནི་དུས་རབས་འཕེལ་ཕྱོགས་ཀྱི་གཡུར་ཟའི་འབྲས་བུ་ལགས་སོ།།