དཀར་མཛེས་བོད་རིགས་རང་སྐྱོང་ཁུལ་སྡེ་རོང་རྫོང་གི་མངའ་ཁོངས་སུ་གནས་པའི་འབྲི་ཆུའི་ཆུ་ཁུག་དང་པོ་ནི་ཀྲུང་གོའི་མཛེས་ལྗོངས་ཆེན་པོ་བཞི་བཅུའི་ནང་གི་ཡ་གྱལ་ཞིག་ཡིན་པ་རེད། སྡེ་རོང་རྫོང་གི་མངའ་ཁོངས་ཧྲིལ་པོར་བརྒྱུད་པའི་སྡིངས་ཆུ་ཡིས་སྔོན་རྗེས་སུ་མ་ཡི་ཆུ་བོ་དང་ཤོག་ཆུ་གཉིས་ལ་བསུ་མ་བྱས་པའི་སྟངས་སྟབས་ཤིག་མངོན་མཐར་གཟོད་འབྲི་ཆུའི་ནང་དུ་འབབ། དེའི་རང་བྱུང་ཁམས་ཀྱི་ནུས་ཤུགས་ལ་བརྟེན་ནས་རི་གསུམ་གྱི་བར་དུ་ཡ་མཚན་ཆེ་བའི་མཛེས་ལྗོངས་ཤིག་གྲུབ་ཅིང་། གྲོག་རོང་བརྒྱུད་ནས་འབབ་པའི་འབྲི་ཆུ་ཡང་ས་གནས་དེར་སླེབས་དུས་གྲོག་རོང་གི་ཞེང་ཁ་ཇེ་ཆེར་གྱུར་པ་དང་། གཙང་ཆུ་འབབ་པའི་སྟངས་སྟབས་ཀྱང་འཇམ་ཞིང་གཉེན་པོར་གྱུར་འདུག་པ་འདི་ནི་ས་གནས་དེ་རུ་སླེབས་སྐབས་དབུགས་ལྷོད་བྱས་ནས་ངལ་གསོ་ཕྲན་བུ་བརྒྱག་པ་དང་ཀུན་ནས་མཚུངས། དེ་དང་ཆབས་ཅིག་མཆོད་རྟེན་ཆགས་གཟུགས་དང་མཚུངས་པའི་རུ་སྟོད་ལ་ནི་གནས་སྐོར་བ་རྣམས་ཡིད་དབང་འཕྲོག་པའི་མཛེས་ལྗོངས་ཤིག་ཏུ་གྲུབ་པ་དེ་ནི་ཀྲུང་གོའི་མཛེས་ལྗོངས་ཤིག་ཏུ་གྲུབ་པ་དེ་ནི་ཀྲུང་གོའི་མཛེས་ལྗོངས་བཞི་བཅུའི་ནང་གི་འབྲི་ཆུའི་ཆུ་ཁུག་དང་པོ་ཞེས་པ་དེ་ཡིན་པ་རེད། རྒྱུ་ཞགས་སྒོར་མོ་དང་མཚུངས་པའི་མཛེས་ལྗོངས་དེར་རང་གི་འདྲེན་བྱེད་དབང་པོས་ལོངས་སུ་སྤྱོད་དུས། མཛེས་ལྗོངས་དེའི་བརྗིད་ཉམས་དང་ཡ་མཚན་ཆེ་བ། གཡང་གཟར་བཅས་ལས་གྲུབ་པའི་རང་བྱུང་གི་ཆོས་ཉིད་ལ་ཧ་ལས་དགོས་པ་ཞིག་རེད།
  ས་གནས་དེ་གའི་དམངས་ཁྲོད་ཀྱི་ངག་རྒྱུན་དུ་བཤད་པ་ལྟར་ན་ཡུན་ནན་བདེ་ཆེན་གྱི་གཞི་བདག་གིས་ཝང་ཐང་（གྲུ་ག་ཞིག）སཉིད་ཧམ་བཟུང་བྱེད་བསམ་ནས་སྦྲུལ་ཆེན་ཞིག་མངགས་ཏེ་འབྲི་ཆུ་དེ་བཀག་ནས་ཆུ་ཐམས་ཅད་ཐང་ཆེའི་སྟེང་ཕྱོགས་ནས་འབབ་བཅུག་ཐུབ་ན་ཐང་ཆེན་ཉིད་རང་ལ་དབང་བ་རེད་བསམ། དེའི་དུས་སུ་སྡེ་རོང་གི་གཞིས་བདག་གིས་ཀྱང་ལྷ་བྱ་ཞིག་མངགས་ནས་སྦྲུལ་ཆེན་ལ་ཕར་རྒོལ་བྱེད་དུ་བཅུག་མཐར་ལྷ་བྱ་དེ་སྦྲུལ་ཆེན་ལས་རྣམ་རྒྱལ། འཐབ་འཛིང་བྱས་ནས་དུས་ཚོད་འགའ་འགོར་བའི་དབང་འབྲི་ཆུ་ཡིས་ཝ་ཁ་ཐང་དེ་ནུབ་ཉེན་ཡོད་པའི་སྐབས་སུ་ལྷ་བྱ་དེ་ལྷའི་གནག་ཕྱུགས་ཞིག་མངགས་ནས་ཆུ་ཐམས་ཅད་ཕར་བཀག་བཅུག   དེར་བརྟེན་ཆུ་ཐམས་ཅད་ཐང་ཆེན་གྱི་འོག་ཕྱོགས་ནས་འབབ་མཐར་ཡ་མཚན་ཆེ་བའི་མཛེས་ལྗོངས་འདི་ཉིད་གྲུབ་པ་རེད། དེང་སང་མིག་ལམ་དུ་མཐོང་རྒྱུ་ཡོད་པའི་འབྲི་ཆུའི་ཆུ་ཁུག་དང་པོའི་རུ་སྟོད་ལ་ནི་ལྷའི་གནག་ཕྱུགས་དེའི་གྲུབ་གཟུགས་ཡིན་པ་རེད་ཅེས་ས་གནས་དེ་གའི་དམངས་ཁྲོད་དུ་བཤད་རྒྱུན་འདུག