མི་བརྩི་བའི་ངེས་པ་མེད་པས།དཔེར་ན།རྨ་ལྷོ་ཁུལ་ལ་དགེ་རྒན་3200ཙམ་ཡོད་ལ།དགེ་རྒན་རེ་རེ་ནི་སློབ་མ་རེ་རེའི་འཇོན་ཐང་གི་གཏེར་ཁ་སྔོག་འདོན་པ་རེ་རེ་ཡིན་པ་ལས་སློབ་མ་སྐོར་ཞིག་གི་འཇོན་ནུས་གཏེར་ཁ་སྔོག་འདོན་དང་སློབ་མ་སྐོར་ཞིག“བླུན་རྨོངས་པར”གཏན་འཁེལ་བྱེད་མཁན་མ་ཡིན་མོད།གལ་ཏེ་དགེ་རྒན་སུམ་སྟོང་ཙམ་གྱིས་ལོ་རེར་དགེ་རྒན་རང་གི་སློབ་ཁྲིད་བྱེད་ཐབས་དང་མི་འཚམ་པའི་སློབ་མ་བཅུ་རེ་“བླུན་རྨོངས་པར”ཐག་བཅད་ཚེ་ཕལ་ཆེར་ལོ་རེར་སློབ་མ་“བླུན་རྨོངས་པར”སུམ་ཁྲི་ཉིས་སྟོང་ལྷག་རེ་འབྱུང་ངེས་ཡིན་པས་དངོས་གནས་སྐྱི་གཡའ་བ་ཞིག་མ་ཡིན་ནམ། དེ་བས།ལྷན་སྐྱེས་འཇོན་ཐང་གི་ཐད་ནས་བཤད་ན་འཇིག་རྟེན་གི་མི་སུ་ཞིག་ཡིན་ཡང་ཁོའི་སྟེང་ན་ལྷན་སྐྱེས་འཇོན་ཐང་གི་གཏེར་ཁ་ཡོས་པས་ཁྱབ་ལ།དགེ་རྒན་རྣམས་ཀྱིས་སློབ་མ་རེ་རེའི་ཁྱད་ཆོས་ལྟར་འཇོན་ཐང་དེ་དག་སྔོག་འདོན་བྱས་ཚེ་སློབ་གྲོགས་རེ་རེ་ནི་འབྱུང་འགྱུར་གྱི་འཇོན་ཐང་ཅན་རེ་རེ་ཡིན་པས་ཁྱབ་ན།འཇིག་རྟེན་སྟེང་ན་ལྟོས་བཅས་ཀྱི་“བླུན་རྨོངས་པར”ཙམ་ལས་ཡོད་མི་སྲིད་དེ།དཔེར་ན།དགེ་རྒན་བཀྲ་ཤིས་ཀྱིས“བླུན་རྨོངས་པར”བརྩིས་པའི་སློབ་གྲོགས་བློ་གསལ་དེ་དགེ་རྒན་བསོད་ནམས་ཚེ་རིང་གིས་ཁྲིད་ཚེ་སློབ་གྲོགས་“རིག་པ་ཅན”ཞིག་མ་ཡིན་པའི་ངེས་པ་མེད་ལ།དགེ་རྒན་རྒྱལ་མཚན་གྱིས་སློབ་མ་རིག་པ་ཅན་ཞིག་ཏུ་བརྩིས་པའི་སློབ་གྲོགས་ཚེ་ལོ།དགེ་རྒན་ལྷུན་གྲུབ་རྒྱལ་གྱིས་བལྟས་ན་བྱིས་པ་“བླུན་རྨོངས་པར”ཞིག་མ་ཡིན་པའི་ངེས་པའང་མེད་པས།ཚད་ངེས་ཅན་ཞིག་གི་ཐད་ནས་བཤད་ན།སློབ་གྲོགས་རྣམས་ཀྱི་སློབ་སྦྱོང་གི་རིག་པ་གསལ་མིན་ནི་དགེ་རྒན་གྱི་སློབ་ཁྲིད་བྱེད་ཐབས་ལེགས་མིན་ནམ་སློབ་མའི་ཁྱད་ཆོས་དང་འཚམ་མིན་གྱི་ཐག་གཅོད་བཞིན་ཡོད་པ་ཤ་སྟག་རེད་སྙམ།ང་ཚོས་རྒྱུན་དུ་“སྨྲ་ཤེས་ཤིང་དོན་གོ་བ་མིའི་མཚན་ཉིད་”