ཉི་ཟླ་རི་བོ་གཉིད་ལ་ཤོར་མེད་ཚིག་

གི་དབུ་རྒྱན་བཏགས་ནས་ཡོད།།

ནང་སེམས་མེ་ལོང་གསལ་དུ་སོང་ཡོད་

དྲན་པའི་ཆུ་མོ་འཐུང་གིན་ཡོད།།

བརྒལ་བར་མི་ཚར་ལོ་ཟླའི་རི་རབ་སྲིད་

པའི་རྩེ་རུ་བརྟན་པོར་བཞུགས།།

རྟ་ཐོག་བུ་ལོའི་སེམས་རྒྱུད་དྲང་མོ་

གནམ་སའི་མཐའ་རུ་བསྲིངས་ནས་ཡོད།།

མི་སྡོད་འཁོར་བའི་སྒྱུ་མའི་ངོས་སུ་མི་

རྟག་རླུང་གི་འཁྱུག་འགྲོས་ཡོད།།

ཇག་ལམ་བཅིངས་པའི་རྩྭ་ཡི་གླིང་བུ་

རྟག་པར་མ་ཆད་འབུད་ཀྱིན་གདའ།།

སེམས་ཀྱི་ཕྱི་ནང་ཁབ་ཏུ་བཞེས་པའི་ལས་

ཀྱི་ཨ་ཡིག་འཁོར་བཞིན་འདུག།

ཚེ་རབས་སྟོང་གི་སྨོན་ལམ་རིང་མོ་

དཀའ་སྡུག་ཀློང་ན་འདེབས་ཀྱིན་ཡོད།།

ཉི་མ་ནུབ་ཁའི་མཚམས་སྤྲིན་དམར་པོས་

ནང་སེམས་ལྷོད་ལ་སྐོར་བཞིན་དུ།།

འབྱུང་འགྱུར་ཟེར་བའི་ཁ་ཡིག་ཅིག་ལ་

དབུ་ཁྱུད་འབྲི་བར་བྲེལ་བཞིན་གདའ།།

རྨི་ལམ་ཟེར་བའི་ཉག་ག་ཆ་མེད་བདག་

ལ་ཡང་ཡང་བསླངས་ཙ་ན།།

འཇིག་རྟེན་མགྲོན་པོར་སྡུག་སྣང་མེད་ལ་

སྐྱིད་སྣང་ཆུང་བ་བདག་གིས་རྟོགས།།

སྲོད་ཀྱི་ཕ་གིའི་གྲིབ་ཆེན་གོན་པའི་

ཉམས་སྣང་དེ་ལ་བལྟས་ཙམ་གྱིས།།

བདག་སེམས་གཉོམ་པོར་བདེ་སྣང་ཞིག་

གིས་ཀུན་ནས་བསུས་ཏེ་བག་ཕེབས་བསྒྱུར།།

མི་ཚེའི་ས་ཚིགས་མཐའ་མ་དེ་ལ་ལག་

འཇུ་ཐེངས་ཤིག་བྱེད་པའི་དུས།།

ཡང་སྙིང་སྟོང་གིས་ཚག་སྒྲ་བསྐྱེད་དེ་མི་

རྟག་འཆི་བ་འདི་རུ་བཀུག།

རེ་བའི་སྐར་ཆུང་ས་ལ་ཕོག་འདྲའི་

སེམས་འདུན་ནམ་མཁའི་འོད་ཆུང་དེ།།

མི་ཡུལ་སྣང་བ་གསལ་ལེར་འགོད་པའི་

རྣམ་ཤེས་གསེར་གྱི་སྒྲོ་གཤོག་ཡིན།།

འཚོ་བའི་རི་མོ་ཐར་ལ་ཆད་པའི་མི་ཡུལ་

བདེ་དགའི་ཞིང་མཆོག་ནས།།

སེམས་ཀྱི་རྟ་དབྱངས་ཚིག་ལ་དྲངས་ཏེ་

ཚོར་བའི་སྙན་ངག་ང་ཡིས་འབྲི།།

རྒྱང་རིང་བྱང་ཐང་སྒོ་མེད་དེ་རུ་གསལ་

བའི་ཀི་རིང་བཏབ་ཀྱང་རུང་།།

རྣམ་དཔྱོད་གྲུ་གཟིངས་གྲུ་གཡོར་

བསྒྲེངས་ཏེ་རྒྱལ་ཁམས་སེམས་ཀྱིས་

འགྲིམ་ཡང་ཆོག།

ག་ལེར་རྒྱང་བཞུད་ཡིད་ཀྱི་སྨིན་དྲུག་

ལན་གཅིག་ཕེབས་རྒྱུ་བྱུང་བ་ན།།

སེམས་བྱུང་ཚིག་མདུད་ཚིག་གིས་བཤིག་

སྟེ་བྲག་སྲུབས་རྒོད་པོ་ང་ཡིག་འགུག།

དོ་ནུབ་བཞེངས་པའི་ཚོར་བའི་རྦ་རླབས་

དུང་སེམས་གཙང་མའི་ཉིང་ཁུ་ཡིན།།

རྣ་བར་ལྷུང་བའི་ཚིག་གི་རྒྱུད་སྐུད་ཡང་

དག་སྟོང་གི་ཞུན་མ་ཡིན།།

ལན་ཆགས་མིན་པའི་ལས་ཀྱི་བསྐོས་

ཐང་གསེར་གྱི་བཀའ་ཐམ་རྩ་ཆེན་ཡིན།།

དིང་གླིང་སྙན་མོའི་རམ་དཀྲོལ་ཟེར་

བ་མི་ཡུལ་འདི་ཡི་དུང་ཞེན་ཡིན།།