ལྗང་བུ་ལགས་ནི་༡༩༦༣ལོར་མཚོ་སྔོན་རྨ་ལྷོ་སོག་རྫོང་དུ་སྐྱེས།སྐྱེས་མིང་ལ་རྡོ་རྗེ་ཚེ་རིང་དང་།མིང་གཞན་ལ་ཆབ་བྲག་རྡོ་རྗེ་ཚེ་རིང་དང་བསེ་རུ་སོགས་ཟེར།སློབ་འབྲིང་དགེ་རྒན་དང་སྲིད་འཛིན་དྲུང་ཡིག རྩོམ་རིག་རྩོམ་སྒྲིག ཆེད་ལས་རྩོམ་པ་པོ་བཅས་ཀྱི་ལས་ཀ་གཉེར་མྱོང་།བོད་རྒྱ་ཡིག་རིགས་གཉིས་ཐོག་ནས་རྩོམ་རིག་བརྩམས་ཆོས་མང་ཙམ་སྤེལ་མྱོང་།《ལྗང་བུའི་རྩོམ་བཏུས་སྙན་ངག་དེབ》ཅེས་པ་དང《ལྗང་བུའི་རྩོམ་བཏུས་ལྷུག་རྩོམ་དེབ》《སྙན་རྩོམ་གཟི་མིག་དགུ་བ》《ལྗང་བུའི་རྩོམ་བཏུས་སྒྲུང་གཏམ་དེབ》དང་ལྷུག་རྩོམ་གཅེས་བསྡུས《ཁེར་ལབ་ཐན་ཐུན》བཅས་པར་སྐྲུན་བྱས་ཟིན།