གངས་ཅན་ཡུལ་གྱི་ས་མིང་རིག་གནས་འདི་ཡང་།ནང་དོན་ཕུན་སུམ་ཚོགས་པ་དང་ལོ་རྒྱུས་རང་བཞིན་ལྡན་པ།ཞིབ་འཇུག་རིན་ཐང་ཆེ་བ་ཞིག་ཡིན་ལ།ས་མིང་གི་ལོ་རྒྱུས་རྒྱབ་ལྗོངས་རེ་རེས་ང་ཚོར་དྲན་སྐུལ་གྱི་བསམ་གཞིགས་ལྗིད་ཏིག་ཏིག་ཅིག་འཁྲུངས།སྤྱིར་བོད་ཀྱི་ས་མིང་ལ་འདོད་རྒྱལ་གྱི་མིང་དང་རྗེས་གྲུབ་ཀྱི་མིང་འདོགས་ཚུལ་གཉིས་ཡོད་པས།ཕལ་ཆེར་རྗེས་མའི་ཁོངས་སུ་གཏོགས་པ་ཞིག་རེད་སྙམ།
   བོད་ཀྱི་ས་མིང་འདོགས་ཚུལ་དུ་གཙོ་བོ་ལོ་རྒྱུས་ཐོག་བྱུང་བིའ་འབྲེལ་ཡོད་མི་སྣ་དང་དོན་དག  རིགས་རུས།དམངས་ཁྲོད་གཏམ་རྒྱུད་དང།ས་ཡི་ཆགས་ཚུལ།དབྱིབས་དང་ཁ་དོག  གནམ་གཤིས་དྲོ་གྲང་།རི་དྭགས།གཅན་གཟན།རྩི་ཤིང་།མཚོ་དང་ཆུ་བོ་སོགས་ལས་ཐོགས་པ་གང་མང་ཡོད་པ་དཔེར་ན།ས་སྐྱ།རྒྱལ་མོ་ཚ་བ་རོང་།བྲག་དམར།དམེ་ཤར།དམག་འབུད།བན་ལུང་།ཇོ་ལུང་།རྟ་ཤར།གཡག་ཆད་ལ།བསང་ཁོགཆོས་སྒར།ཉི་མ་ལུང་།ལྕང་ལུང་།འཁྱག་ལུང་།མཛོ་རྒན་ར་བ་སོགས་བགྲང་གིས་མི་ལང་བ་ཡོད་དོ།དེ་བཞིན་དུ་གླིང་སེང་ཆེན་རྒྱལ་པོའི་མཛད་པ་ལས་བྱུང་བའི་ས་མིང་གཏམ་རྒྱུད་བོད་གངས་ཅན་ལྗོངས་སུ་ས་ཁྱབ་རྡོ་ཁྱབ་ཡིན་པ་ཀུན་གྱིས་མཁྱེན་གསལ་ལྟར་རོ།།དེས་ན་དབལ་ཤུལ་གསེར་རྟ་ཡུལ་འདི་ཡང་དགྲ་བླའི་རྒྱལ་པོའི་མཛད་འཕྲིན་ཤིན་ཏུ་རྒྱས་པའི་ཡུལ་གྲུ་གཅིག་ཡིན་གཤིས།དེ་དང་འབྲེལ་བའི་ས་མིང་ཤོད་སྲོལ་ཡང་གང་མང་མཆིས་པར།འདིར་རེ་ཟུང་ཙམ་བསྙད་ན།དེ་ཡང་སང་ཆེན་རྒྱལ་པོས་ཡར་སྟོད་བྱང་མའི་རི་རྒྱུད་དུ།བདུད་ཀླུ་བཙན་འདུལ་བར་ཆས་པ་ན།བདུད་རྒན་ཕྱིར་ལ་སོང་ཤུལ་དུ།གེ་སར་རྒྱལ་པོ་ཤ་ར་གནམ་རྫོང་དུ་གབ།ཀླུ་བཙན་ཚུར་རང་མཁར་དུ་སླེབས་ཚེ།གེ་སར་ཡོད་པ་ཤེས་ནས་མྱུར་དུ་བྲོས།གེ་སར་གྱིས་རྗེས་དེད་དེ།གསེར་རྟ་ཡུལ་གྱི་ཟླའི་ཐང་དཀར་མར་སླེབས་ཚེ།རྗེས་ཟིན་པས་ས་དེར་འདོ་རྗེ་རྐྱང་རྒོད་ལ་སྒྲོག་བརྒྱབ་ནས་བཏགས་པའི་སྒྲོག་རྗེས་དང་རྟའི་རྨིག་རྗེས་ད་ལྟཡང་མཇལ་རྒྱུ་ཡོད།དེ་ནས་གེ་སར་གྱིས་མདའ་གཅིག་འཕང་བར།བདུད་རྒན་ལ་མ་ཕོག་པར་ཅུང་རིང་སོང་བས་ལུང་བ་དེང་དེང་སང་མདའ་རིང་ཟེར།ཡང་གཅིག་འཕངས་དུས་ཐུང་སོང་བར་དེར་མདའ་ཐུང་ཟེར།དེ་ནས་བདུད་རྒན་གྱིས་ས་ལ་སྤར་འཐམས་པས།དེའི་ཤུལ་ལ་སྤར་ཤག་ཟེར་བའི་ལུང་ཕྲན་ལྔ་གཤིབ་ནས་ཡོད།ས་དམར་ཞེས་པའི་ལུང་བར་སླེབས་དུས།གེ་སར་གྱིས་བདུད་རྒན་དེ་བཏུལ་ཏེ།ཤ་ཁྲག་གི་རི་ལུང་ཆུ་བྲག་དམར་པོ་བྱས་པས་དེར་དེང་དུས་སུ་ས་དམར་འབོད་པ་སོགས་ལྟ