གྲོས་ཚོགས་འདིའི་ནང་ནགས་རྩྭ་མེ་ཟོན་ཐད་ལ་འདི་ལྟར་བཤད་འདུག

ཐུབ་ཀྱིས་བསྒྱུར།        2020-10-16

    གྲོས་ཚོགས་འདིའི་ནང་ནགས་རྩྭ་མེ་ཟོན་ཐད་ལ་འདི་ལྟར་བཤད་འདུག
   ཚེས15ཉིན་ལ་ཁུལ་ཨུའི་རྒྱུན་ལས་ཨུ་ལྷན་སྐབས་བཅུ་པས་ཚོགས་འདུ་ཐེངས94པ་འཚོགས་ནས《ཀྲུང་གོ་གུང་ཁྲན་ཏང་ཀྲུང་དབྱང་ཨུ་ཡོན་ལྷན་ཁང་གི་ལས་དོན་སྲོལ་ཡིག》བརྒྱུད་བསྒྲགས་དང་སློབ་སྦྱོང་བྱས་པ་དང་། ཞིང་ཆེན་ནགས་ཚལ་དང་རྩྭ་ཐང་གི་མེ་གསོད་མེ་ཟོན་ཆེད་དོན་བཅོས་སྒྲིག་ལས་དོན་མགོ་ཁྲིད་ཚོ་ཆུང་གི་ཚོགས་འདུའི་སྙིང་དོན་བརྒྱུད་བསྒྲགས་ལག་བསྟར་བྱས་ཤིང་།《ཡུལ་སྡེ་བཅོས་སྐྱོང་ནུས་པ་ཆེ་རུ་གཏང་རྒྱུའི་སྐོར་གྱི་བྱ་ཐབས་འགའ་ཞིག(ཞིབ་བཤེར་ཞུ་ཡིག)》སོགས་ལ་ཞིབ་བཤེར་གཏན་འབེབས་བྱས་པ་རེད། ཁུལ་ཨུའི་ཧྲུའུ་ཅི་ལིའུ་ཁྲེང་མིང་གིས་ཚོགས་འདུ་གཙོ་སྐྱོང་གནང་བ་རེད། 

     ཚོགས་འདུའི་ཐོག་དཀར་མཛེས་ཁུལ་ནི་ནགས་ཚལ་དང་རྩྭ་ཐང་དུ་མེ་སྐྱོན་ཐོན་སླ་བའི་ས་ཁུལ་ཞིག་ཡིན་པས་ནགས་ཚལ་དང་རྩྭ་ཐང་གི་མེ་སྐྱོན་འགོག་ཟོན་ལས་དོན་ཡག་པོ་བསྒྲུབས་ནས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་ཡོང་བ་འགན་ལེན་བྱ་རྒྱུ་དེ་གལ་འགངས་ཤིན་ཏུ་ཆེ་བ་ཞིག་རེད། ཁུལ་ཡོངས་ཀྱི་གོང་འོག་ཚང་མས་ནགས་ཚལ་དང་རྩྭ་ཐང་གི་མེ་གསོད་མེ་ཟོན་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱས་ནས་ཏང་ཀྲུང་དབྱང་དང་། རྒྱལ་སྲིད་སྤྱི་ཁྱབ་ཁང་། ཞིང་ཨུ་དང་ཞིང་ཆེན་སྲིད་གཞུང་བཅས་ཀྱི་བཀོད་སྒྲིག་བླང་བྱ་ཁག་དོན་འཁྱོལ་ནན་ཏན་བྱེད་པ་དང་མི་དམངས་གོང་དུ་བཀུར་རྒྱུ་དང་ཚེ་སྲོག་གོང་དུ་བཀུར་རྒྱུ་མཐའ་འཁྱོངས་ཀྱིས་ཆེད་དོན་བཅོས་སྒྲིག་གི་ཆབ་སྲིད་འགན་འཁྲི་གལ་ཆེན་ཏན་ཏིག་ཁུར་ནས། དག་ཐེར་དང་ལེགས་གཏོང་གི་དུས་རིམ་ལས་དོན་ཁག་ནན་སྒྲུབ་་བྱ་དགོས། གཅིག་ནས་འགན་འཁྲི་དོན་འཁྱོལ་བྱ་རྒྱུར་ཤུགས་བརྒྱབ་ནས་ཏང་སྲིད་ཀྱི་འགན་འཁྲི་གཅིག་མཚུངས་དང་ལས་གནས་གཅིག་ལ་འགན་འཁྲི་གཉིས་ཞེས་པ་དོན་འཁྱོལ་ནན་ཏན་བྱས་ཏེ་གོང་རིམ་གྱི་ཐབས་ཇུས་བཀོད་སྒྲིག་ཁག་དོན་ཐོག་ཏུ་འཁྱོལ་བ་བྱ་དགོས། གཉིས་ནས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་གཅིག་སྡུད་ཐོག་བཅོས་སྒྲིག་མུ་མཐུད་བྱས་ནས། དག་ཐེར་གྱི་ཕན་འབྲས་སྲ་བརྟན་དང་ལེགས་སུ་གཏོང་བ་དང་བསྐྱར་ལོག་ཡོང་བ་སྔོན་འགོག་བྱ་དགོས། གསུམ་ནས་ཉེན་ཁ་འགོག་ཟོན་ཏན་ཏིག་བྱས་ནས་མངོན་མེད་རྐྱེན་ངན་སྣ་ཚོགས་ཐོན་མགོ་ཚུགས་དུས་ནས་མེད་པ་མཐའ་གཅིག་ཏུ་བཟོ་དགོས། བཞི་ནས་དྲིལ་བསྒྲགས་སློབ་གསོ་ཡག་པོ་རྒྱག་པ་དང་ཉེན་ཟོན་སློབ་གསོ་རྒྱག་ཤུགས་ཆེ་རུ་བཏང་ནས་མང་ཚོགས་ཀྱི་མེ་ཟོན་འདུ་ཤེས་དང་བྱ་སྤྱོད་ཀྱི་རང་རྟོགས་ཆེ་རུ་གཏང་དགོས། ལྔ་ནས་ལྟ་སྐུལ་ཞིབ་བཤེར་བྱེད་ཤུགས་ཆེ་རུ་བཏང་ནས་འགན་འཁྲི་དོན་འཁྱོལ་དང་ལས་ཀ་དོན་འཁྱོལ་ཐུབ་པའི་འགན་ལེན་བྱ་དགོས།

  • ལེ་ཚན་སྔོན་མ།:དུས་རབས་གསར་པའི་བོད་སྐྱོང་མཛད་ཇུས་སྐོར་གྱི་དྲིས་ལན་བཅོ་བརྒྱད་མ།
  • ལེ་ཚན་རྗེས་མ།:སྨན་བཅོས་ཉེན་སྐྱོབ་བྱས་ནས་མི་སེར་བདེ་ཐང་སྐྱོང་།། དབུལ་ཐར་འགག་སྒྲོལ་ཐུབ་ནས་འབྱོར་འབྲིང་ཕྱོགས་སུ་སྐྱོད།།
  • དོ་སྣང་ཆེ་བའི་རྩོམ།