དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།

ཨོ་རྒྱན་གྱིས།        2020-08-05

 

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།

    སྤྱི་ཟླ8པའི་ཚེས5ཉིན་གྱི་སྔ་དྲོར། རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་པའི་སྨྱན་སྦྱོར་མཉམ་འདྲེས་འཕེལ་རྒྱས་སྐོར་ལ་ཉམས་མྱོང་སྤེལ་རེས་ཀྱི་བགྲོ་གླེང་གྲོས་ཚོགས་མདོ་སྨད་ཆབ་ཆ་གྲོང་རྡལ་མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ལྟེ་གནས་ཀྱི་སྙན་སྒྲོན་ཚོམས་ཆེན་དུ་འཚོགས་པ་རེད།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།

མཚོ་སྔོན་དགེ་ཐོན་སློབ་ཆེན་གྱི་གསར་འགྱུར་ཁྱབ་སྒྲོག་སློབ་གླིང་གི་དགེ་རྒན་ཆེན་མོ་གཞོན་པ་ལི་ཡུས་ཀྱིས་མདོ་འཛིན་བྱེད་བཞིན་པའི་ཚུལ།

     ཚོགས་ཐོག་ཏུ་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཀྱི་རྩོམ་སྒྲིག་པ་གཡང་རྒྱལ་ཚེ་རིང་གིས་འགན་འཁྲི་སེམས་ལ་དམ་པོར་བཅངས་ཏེ་དུས་རབས་གསར་པའི་བོད་ལྗོངས་ཀྱི་གཏམ་རྒྱུད་ཡག་པོ་བཤད་ཅེས་པ་ཁ་བྱང་བྱས་ནས་གཏམ་བཤད་བྱས་པ་དང་། བོད་ལྗོངས་ཉིན་རེའི་ཚགས་པར་ཁང་བོད་ཡིག་རྩོམ་སྒྲིག་ཁང་གི་ཀྲུའུ་རེན་ཚེ་རིང་ཆོས་འཕེལ་གྱིས་གཞི་གཅིག་ཅན་གྱི་འཕེལ་རྒྱས་ཁ་ཕྱོགས་རྒྱུན་འཁྱོངས་བྱས་ཏེ་སྨྱན་སྦྱོར་མཉམ་འདྲེས་གདིང་ཟབ་ཡོང་བར་སྐུལ་འདེད་གཏང་དགོས་ཞེས་པ་ཁ་བྱང་བྱས་ནས་གཏམ་བཤད་བྱས། མཚོ་སྔོན་ཉིན་རེའི་ཚགས་པར་ཁང་གི་སྨྱན་སྦྱོར་གསར་པ་ཁྱབ་སྒྲོག་ལྟེ་གནས་ཀྱི་ཀྲུའུ་རེན་གཞོན་པ་ཚེ་བྷོ་ཡིས་བོད་ཡིག་སྨྱན་སྦྱོར་མཉམ་འདྲེས་ཞེས་པ་ཅི་ཞིག་འདྲེས་དགོས་པ་དང་ཅི་ལྟར་འདྲེས་དགོས་ཞེས་ཁ་བྱང་བྱས་ནས་གཏམ་བཤད་བྱས། ཁམས་པ་བརྙན་འཕྲིན་ཁང་སྤྱི་ཁྱབ་རྩོམ་སྒྲིག་ཁང་གི་ཞུས་ཆེན་ལོ་ཙཱ་བ་སྐལ་ཁོས་སྨྱན་སྦྱོར་མཉམ་འདྲེས་འཕེལ་རྒྱས་ཡོང་བར་སྐུལ་འདེད་ཟབ་སྤེལ་བཏང་སྟེ་མི་རིགས་ཀྱི་གཙོ་རྒྱུན་སྨྱན་སྦྱོར་གསར་པ་རྩེ་གྲ་གསར་བསྐྲུན་བྱ་དགོས་ཞེས་པ་ཁ་བྱང་བྱས་ནས་གཏམ་བཤད་བྱས།   དཀར་མཛེས་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་གཞོན་པ་གངས་དབང་གིས་རྒྱུན་འཛིན་དང་གསར་གཏོད་ཅེས་པ་ཁ་བྱང་བྱས་ནས་གཏམ་བཤད་བྱས། བདེ་ཆེན་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་པད་མ་ཚེ་རིང་གིས་བདེ་ཆེན་བོད་ཁུལ་དུ་གསར་འགྱུར་སྨྱན་སྦྱོར་ཁྱབ་སྒྲོག་འཕེལ་རྒྱས་བྱུང་བ་ཞེས་པ་ཁ་བྱང་བྱས་ནས་གཏམ་བཤད་བྱས། མཚོ་ལྷོ་ཚགས་པར་ཁང་གི་མགོ་གཙོ་དབྱང་ཁྲེན་ཏེ་ཡིས་དོན་དངོས་ལ་དམིགས་ཤིང་རྨང་གཞི་ལེགས་པོ་བཏིང་སྟེ་སྨྱན་སྦྱོར་འཕེལ་རྒྱས་ཡོང་བར་སྐུལ་འདེད་བརྟན་པོར་གཏང་དགོས་ཞེས་པ་ཁ་བྱང་བྱས་ནས་གཏམ་བཤད་བྱས། མཚོ་སྔོན་ཐོན་མིའི་ཆ་འཕྲིན་ཚན་རྩལ་ཚད་ཡོད་སྤྱི་གཉེར་ཁང་གི་གསར་གཏོད་པ་སྟག་ལ་འབུམ་གྱིས་ཐོན་མིའི་ཡིག་སྒྱུར་མ་ལག་སྐོར་གྱི་ངོ་སྤྲོད་བྱས་པ་རེད།

     མཉམ་འཛོམས་ཀྱི་གོ་སྐབས་བཟང་པོ་འདི་དམ་འཛིན་བྱས་ནས་མཁས་བརྒྱ་འགྲན་གླེང་གནང་བ་བརྒྱུད། ཚོགས་ཞུགས་མི་སྣ་ཡོངས་ལ་དུས་རབས་གསར་པའི་ནང་བོད་སྐད་ཡིག་སྨྱན་སྦྱོར་མཉམ་འདྲེས་འཕེལ་རྒྱས་ཅི་ལྟར་གཏོང་བའི་སྐོར་ལ་བསམ་བློའི་བློ་སྒོ་ཕྱེ་ཞིང་། བོད་སྐད་ཡིག་སྨྱན་སྦྱོར་སྡེ་ཁག་སོ་སོའི་དབར་ལ་ཕན་ཚུན་མཉམ་ལས་དང་སྐུལ་སྤེལ། ཡར་ཐོན་དང་གསར་གཏོད་བཅས་ལ་སྔར་ལས་ཤུགས་བརྒྱབ་ནས་བོད་སྐད་ཡིག་གི་གཙོ་རྒྱུན་སྨྱན་སྦྱོར་གསར་གཏོད་དང་འཕེལ་རྒྱས་ཀྱི་ལམ་བུ་སྔར་ལས་ཡངས་པོར་གཏོང་ཐུབ་པར་གཅིག་གྱུར་གྱི་མོས་མཐུན་བྱུང་བ་རེད།

 

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།

ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཀྱི་རྩོམ་སྒྲིག་པ་གཡང་རྒྱལ་ཚེ་རིང་གིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
བོད་ལྗོངས་ཉིན་རེའི་ཚགས་པར་ཁང་བོད་ཡིག་རྩོམ་སྒྲིག་ཁང་གི་ཀྲུའུ་རེན་ཚེ་རིང་ཆོས་འཕེལ་གྱིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
མཚོ་སྔོན་ཉིན་རེའི་ཚགས་པར་ཁང་གི་སྨྱན་སྦྱོར་གསར་པ་ཁྱབ་སྒྲོག་ལྟེ་གནས་ཀྱི་ཀྲུའུ་རེན་གཞོན་པ་ཚེ་བྷོ་ཡིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
ཁམས་པ་བརྙན་འཕྲིན་ཁང་གི་སྤྱི་ཁྱབ་རྩོམ་སྒྲིག་ཁང་གི་ཞུས་ཆེན་ལོ་ཙཱ་བ་སྐལ་ཁོས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
 དཀར་མཛེས་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་གཞོན་པ་གངས་དབང་གིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
བདེ་ཆེན་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་པ་པད་མ་ཚེ་རིང་གིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
མཚོ་ལྷོ་ཚགས་པར་ཁང་གི་མགོ་གཙོ་དབྱང་ཁྲེན་ཏེ་ཡིས་གཏམ་བཤད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།
མཚོ་སྔོན་ཐོན་མིའི་ཆ་འཕྲིན་ཚན་རྩལ་ཚད་ཡོད་སྤྱི་གཉེར་ཁང་གི་གསར་གཏོད་པ་སྟག་ལ་འབུམ་གྱིས་ཐོན་མིའི་ཡིག་སྒྱུར་མ་ལག་ངོ་སྤྲོད་བྱེད་བཞིན་པའི་ཚུལ།

དེ་རིང་མདོ་སྨད་ཆབ་ཆ་ལ་བགྲོ་གླེང་ཡག་པོ་ཞིག་བྱས་སོང་།

གཏམ་བཤད་པ་ལྷན་རྒྱས་ཀྱི་མཉམ་པར།

 

 

  • ལེ་ཚན་སྔོན་མ།:ཁྱད་ཆོས་ཐོན་ལས་དར་རྒྱས་བཏང་ནས་མང་ཚོགས་ཕྱུག་འགྱུར་ལམ་དུ་སྐྱོད་དུ་བཅུག
  • ལེ་ཚན་རྗེས་མ།:བརྒྱད་ཟིལ་རྫོང་གིས་ཁྱིམ་ཚང་སྨན་པར་གན་རྒྱ་འཇོག་པའི་ཞབས་ཞུ་དམ་འཛིན་བྱས།
  • དོ་སྣང་ཆེ་བའི་རྩོམ།