རི་སྐྱེས་སྲོག་ཆགས་གང་བྱུང་བསད་ན་མཇུག་འབྲས་འདི་རེད། ཚང་མས་ལྟོས།

        2020-03-24

རི་སྐྱེས་སྲོག་ཆགས་གང་བྱུང་བསད་ན་མཇུག་འབྲས་འདི་རེད། ཚང་མས་ལྟོས།

     ཞིན་ཧྭ་གསར་འགྱུར་ཁང་ལྷ་ས་ནས་སྤྱི་ཟླ3པའི་ཚེས22ཉིན་འབྱོར་བའི་གཏམ་གསར། གསར་འགོད་པས་བོད་རང་སྐྱོང་ལྗོངས་མངའ་རིས་ས་ཁུལ་གྱི་སྤྱི་བདེ་ལས་ཁུངས་ནས་ཤེས་རྟོགས་བྱུང་དོན། ཉེ་བའི་དུས་རིམ་ནང་མངའ་རིས་ས་ཁུལ་སྒེར་རྩེ་རྫོང་གི་ཉེན་རྟོག་ཕྱོགས་ཀྱིས་རི་སྐྱེས་སྲོག་ཆགས་ལ་གཏོར་བཤིག་གཏོང་བར་འབྲེལ་བ་ཡོད་པའི་ཉེས་དོན་གྱོད་གཞི2དང་སྲིད་འཛིན་གྱོད་དོན1རྩད་ཆོད་ནས་ཁྲིམས་འགལ་ཉེས་ཅན་གྱི་དོགས་ཡོད་མི་སྣ10འཇུ་བཟུང་བྱས་ཤིང་། གཙོད་མགོ3དང་གཙོད་ལྤགས25གཙོད་ལྤགས་ཧྲུག་མ45ཞིབ་བཤེར་རྩད་ཆོད་ལོན་པ་རེད།

སྤྱི་ཟླ3པ་ནས་བཟུང་། མངའ་རིས་ས་ཁུལ་སྒེར་རྩེ་རྫོང་སྤྱི་བདེ་ཅུས་ཀྱིས་རི་སྐྱེས་སྲོག་ཆགས་ཀྱི་ཐོན་ཁུངས་ལ་གཏོར་བཤིག་གཏོང་བའི་གྱོད་དོན་བསྟུད་མར་རྩད་ཆོད་བྱུང་ཡོད་པ་རེད། ཉེན་རྟོག་ཕྱོགས་ཀྱིས་ངོ་སྤྲོད་བྱས་པར་གཞིགས་ན། སྤྱི་ཟླ3པའི་ཚེས12ཉིན་མངའ་རིས་ས་ཁུལ་སྒེར་རྩེ་རྫོང་སྤྱི་བདེ་ཅུས་ཀྱིས་གཙོད་རྔོན་བསད་བྱས་པའི་ཁྲིམས་འགལ་ཉེས་བསགས་གྱོད་དོན་ཞིག་བདེ་བླགས་ངང་རྩད་ཆོད་པས་མ་ཚད། དོགས་ཡོད་ཉེས་ཅན་རྒྱ་ཆེ་གེ་མོ་འཇུ་བཟུང་བྱས་པ་རེད། འདྲི་རྩད་བྱས་པར་བརྒྱུད། 2018ལོའི་ལོ་མཇུག་ནས2019ལོའི་ལོ་སྟོད་བར་དོགས་ཡོད་ཉེས་ཅན་རྒྱ་ཆེ་གེ་མོས་སྒེར་རྩེ་རྫོང་གི་མངའ་ཁོངས་སུ་འཕྲུལ་རྟ་བཞོན་ནས་གཙོད་དེད་དེ་བརྡབས་བསད་བྱེད་པའི་བྱེད་ཐབས་སྤྱད་ནས་གཙོད་གསུམ་བསད་ཡོད་པ་རེད།

དེ་དང་ཆབས་ཅིག   སྒེར་རྩེད་རྫོང་ཉེན་ཕྱོགས་ཀྱིས་ནགས་ཚལ་སྤྱི་བདེ་སོགས་འབྲེལ་ཡོད་ལས་ཁུངས་དང་གཞོགས་འདེགས་བྱས་ནས་ཁྲིམས་འགལ་གྱིས་ཚར་ཉེན་དུ་སླེབས་པའི་རི་སྐྱེས་སྲོག་ཆགས་རྔོན་བསད་དང་ཉོ་ཚོང་བྱེད་མཁན་གྱི་ཚོགས་པ་ཞིག་འཇུས་བཟུང་བྱས་ཡོད་པ་རེད། ཞིབ་བཤེར་རྩད་གཅོད་བྱས་པར་བརྒྱུད། དོགས་ཡོད་ཉེས་ཅན་དབང་ཆེ་གེ་མོ་སོགས་མི6གིས་གཙོད་རྔོན་བཟུང་བྱས་པས་མ་ཚད་ཕྱི་ཚོང་བྱས་པའི་བྱས་ཉེས་དོན་དངོས་སྦ་གསང་མེད་པ་ངོས་ལེན་བྱས་པ་རེད།།

ཡེ་མིང་གིས་བསྒྱུར།

རྩོམ་སྒྲིག་པ། མགར་རྒྱལ་སྲས།


  • ལེ་ཚན་སྔོན་མ།:མཚོ་སྔོན་གྱིས་བཟའ་བཏུང་ཚོང་གཉེར་སྡེ་ཚན་ཁྱོན་ཡོངས་ནས་ཚོང་གཉེར་བསྐྱར་གསོ་བྱེད་འགོ་ཚུགས།
  • ལེ་ཚན་རྗེས་མ།:ནང་སོག་གིས་ཐབས་མང་མཉམ་སྤྱོད་བྱས་ནས་དཔྱིད་ཀྱི་དུས་བྱ་སྲུང་སྐྱོང་བྱེད་པའི་ལས་དོན་སྤེལ།
  • དོ་སྣང་ཆེ་བའི་རྩོམ།