ཁུལ་ཨུའི་རྒྱུན་ཨུ། དྲིལ་བསྒྲགས་པུའུ་ཡི་པུའུ་ཀྲང་བྱམས་བློས་རྒྱལ་དར་སྒྲེང་པའི་མཛད་སྒོ་གཙོ་སྐྱོང་གནང་བཞིན་པ།

   སྤྱི་ཟླ10པའི་ཚེས1སྟེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ༧༠འཁོར་བའི་ཉིན་མོའི་ཞོགས་པའི་ཆུ་ཚོད8པའི་སྟེང་། དར་མདོའི་མཛའ་གཞས་ཐང་ཆེན་དུ་སྐར་ལྔའི་དར་དམར་ལྷབ་ལྷུབ་གཡོ་ཞིང་། ས་གནས་རང་གི་ལས་གནས་ཁག་དང་སློབ་གྲྭ། དགོན་པ་ཁག་སོགས་ཀྱི་འབྲེལ་ཡོད་མི་སྣ་དང་མི་སེར་རྣམས་ལྷན་གཅིག་ཏུ་འཛོམས་ནས་རྒྱལ་དར་སྒྲེང་པའི་མཛད་སྒོར་ཞུགས་པ་རེད།

   དཀར་མཛེས་ཁུལ་ཨུའི་རྒྱུན་ཨུ། དྲིལ་བསྒྲགས་པུའུ་ཡི་པུའུ་ཀྲང་བྱམས་བློས་རྒྱལ་དར་སྒྲེང་པའི་མཛད་སྒོ་གཙོ་སྐྱོང་གནང་བ་དང་། ཁུལ་ཨུའི་ཧྲུའུ་ཅི་ལིའུ་ཁྲེང་མིང་དང་ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་ལི་ཁང་། ཁུལ་ཨུའི་རྒྱུན་ཨུ། རྒྱུན་ལས་ཁུལ་དཔོན་གཞོན་པ་ལིའུ་ཅི་ཞང་། ཁུལ་ཨུའི་རྒྱུན་ཨུ། ཁུལ་དཔོན་གཞོན་པ་ལི་ཞིང་ཝུན། ཁུལ་ཨུའི་རྒྱུན་ཨུ། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་སུའུ་ཏ་ཁྲུན། ཁུལ་ཨུའི་རྒྱུན་ཨུ། དར་མདོ་གྲོང་ཨུའི་ཧྲུའུ་ཅི་ཏེང་ལི་ཅུན། ཁུལ་ཨུའི་རྒྱུན་ཨུ། རྩ་འཛུགས་པུའུ་ཡི་པུའུ་ཀྲང་ཡའོ་པིང་། ཁུལ་ཨུའི་རྒྱུན་ཨུ། དཀར་མཛེས་ཡན་ལག་དམག་ཁུལ་ཁང་གི་དམག་སྤྱི་ལི་ཡུང་། ཁུལ་དཔོན་གཞོན་པ་ཀྲེན་ཐེན་ཆང་བཅས་མཛད་སྒོ་རུ་ཞུགས་ཡོད་པ་རེད།