མི་དམངས་དྲ་བའི་འཕྲིན། 2019ལོའི་ཟླ8ཚེས8ཉིན། མི་རིགས་རིག་གནས་ཕོ་བྲང་གིས་གཙོ་སྒྲུབ་གནང་ཞིང་། ཀྲུང་གོའི་མི་རིགས་དཔེ་མཛོད་ཁང་དང། མི་རིགས་རིག་གནས་འགྲེམས་སྟོན་ཁང་། མི་རིགས་རིག་གནས་ཕོ་བྲང་རྟེན་རྫས་བཤམས་མཛོད་ཁང་བཅས་ཀྱིས་རོགས་སྒྲུབ་བྱེད་པའི་“ང་དང་ངའི་མེས་རྒྱལ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ70འཁོར་བ། ཀྲུང་གོའི་མི་རིགས་ཀྱི་ཡི་གེའི་ཡིག་གཟུགས་བརྩམས་ཆོས་དང་ཚད་ལྡན་ཡིག་ཆ་འགྲེམས་སྟོན”མི་རིགས་རིག་གནས་ཕོ་བྲང་འགྲེམས་སྟོན་ཁང་དང་ཀྲུང་གོའི་མི་རིགས་དཔེ་མཛོད་ཁང་དུ་སྤེལ་བ་རེད། 
    ཐེངས་འདིའི་འགྲེམས་སྟོན་ལ་རྒྱ་ཡིག་དང་སོག་ཡིག བོད་ཡིག ཡུ་གུར་གྱི་ཡི་གེ ཧ་སག་གི་ཡི་གེ ཁྲའོ་ཞན་གྱི་ཡི་གེ་སོགས་ཡིག་རིགས51གི་ཡིག་གཟུགས་བརྩམས་ཆོས200དང་ཚད་ལྡན་ཡིག་ཆ100ལྷག་འགྲེམས་སྟོན་བྱས་ཡོད། 
    ཐེངས་འདིའི་འགྲེམས་སྟོན་ལ་པེ་ཅིང་དང་ནང་སོག ཤིན་ཅང་། ཀོང་ཞི། ཉིང་ཞ། བོད་ལྗོངས། ཧེ་ལང་ཅང་། ཅི་ལིན། ལིའང་ཉིང་། ཧོ་པེ། སི་ཁྲོན། ཀུའེ་ཀྲོའུ། ཡུན་ནན། མཚོ་སྔོན་བཅས་ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་གྱི་མི་རིགས་སོ་སོའི་ཡིག་གཟུགས་མཁས་པ་དང་། རིགས་གཅིག་མཁས་པ96གིས་ཤུགས་ཆེན་པོས་རྒྱབ་སྐྱོར་དང་རོགས་རམ་བྱས་པ་དང་། རིམ་པ་སོ་སོས་འགོ་ཁྲིད་དང་རིགས་གཅིག་མཁས་པ། མཛའ་ཉེ་གྲོགས་པོ་ཚོས་མཉམ་དུ་སྐུལ་འདེད་བྱས་པས། ཁྱོན་བརྩམས་ཆོས209འགྲེམས་སྟོན་ལ་ཞུགས་ནས། མི་རིགས་སོ་སོའི་ཡིག་གཟུགས་ཀྱི་ཐུན་མོང་མ་ཡིན་པའི་ཁྱད་ཆོས་མཛེས་སྡུག་ཡང་དག་མངོན་ཡོད། འགྲེམས་སྟོན་ནི་ཟླ8ཚེས13ཉིན་མཇུག་སྒྲིལ་ཡོད།