སྤྱི་ཟླ7པའི་ཚེས19ཉིན་གྱི་སྔ་དྲོར། རྨ་ལྷོ་ཉིན་རེའི་ཚགས་པར་ཁང་གིས་སྒྲུབ་འགན་ཁུར་བའི་རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས19པ་དེ་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་ལ་འཚོག་འགོ་ཚུགས་པ་རེད། པེ་ཅིན་དང་ལྷ་ས། མཚོ་སྔོན། ཀན་སུའུ། ཡུན་ནན། སི་ཁྲོན་བཅས་ནས་ཕེབས་པའི་བོད་ཡིག་སྨྱན་སྦྱོར་སྡེ་ཚན40ལྷག་གི་མི70ལྷག་གྲོས་ཚོགས་སུ་ཞུགས་ཡོད་པ་རེད།

ཚོགས་རའི་ཡུལ་དངོས།

    ཏུའོ་ཝུན་ཅུན་གྱིས་འགོ་ཚུགས་མཛད་སྒོ་གཙོ་འགན་བཞེས་ཤིང་། བོད་ལྗོངས་ཉིན་རེའི་ཚགས་པར་ཁང་གི་ཏང་ཨུའི་ཨུ་ཡོན། སྤྱི་ཁྱབ་རྩོམ་སྒྲིག་པ་གཞོན་པ་བཀྲ་ཤིས་དཔལ་ལྡན་དང་རྨ་ལྷོ་ཉིན་རེའི་ཚགས་པར་ཁང་གི་ཧྲེ་ཀྲང་། སྤྱི་ཁྱབ་རྩོམ་སྒྲིག་པ་གོ་ཀོང་ཀྲི་རྣམ་གཉིས་ཀྱིས་ཤིས་ཚིག་ཕུལ་བ་རེད། འགོ་ཚུགས་པའི་ཚོགས་འདུའི་ཐོག་རྨ་ལྷོ་ཉིན་རེའི་ཚགས་པར་ཁང་གི་སྐབས་རིམ་བྱུང་གི་འགོ་ཁྲིད་རྒན་པར་ཁ་བཏགས་ཕུལ་བ་རེད།

ཏུའོ་ཝུན་ཅུན་གྱིས་འགོ་ཚུགས་མཛད་སྒོ་གཙོ་འགན་བྱེད་བཞིན་པ།

བོད་ལྗོངས་ཉིན་རེའི་ཚགས་པར་ཁང་གི་ཏང་ཨུའི་ཨུ་ཡོན། སྤྱི་ཁྱབ་རྩོམ་སྒྲིག་པ་གཞོན་པ་བཀྲ་ཤིས་དཔལ་ལྡན་གྱིས་ཤིས་ཚིག་ཕུལ་བཞིན་པ།

རྨ་ལྷོ་ཉིན་རེའི་ཚགས་པར་ཁང་གི་ཧྲེ་ཀྲང་། སྤྱི་ཁྱབ་རྩོམ་སྒྲིག་པ་གོ་ཀོང་ཀྲིས་ཤིས་ཚིག་ཕུལ་བཞིན་པ།

ཀྲུང་གོ་རྨ་ལྷོ་ཁུལ་ཨུའི་རྒྱུན་ཨུ། དྲིལ་བསྒྲགས་པུའུ་ཡི་པུའུ་ཀྲང་ལི་ཞའོ་ཅུན་གྱིས་གསུང་བཤད་གནང་བཞིན་པ།

    ཀྲུང་གོ་རྨ་ལྷོ་ཁུལ་ཨུའི་རྒྱུན་ཨུ།དྲིལ་བསྒྲགས་པུའུ་ཡི་པུའུ་ཀྲང་ལི་ཞའོ་ཅུན་གྱིས་གསུང་བཤད་གནང་བ་རེད།

    ཕྱིན་ཆད་ཀྱི་ཉིན་གསུམ་གྱི་ནང་དུ་རྒྱལ་ཡོངས་ཀྱི་བོད་ཡིག་ཚགས་པར་དང་དུས་དེབ། རྒྱང་སྒྲོག་བརྙན་འཕྲིན། དྲ་བ། སྨྱན་སྦྱོར་གསར་པ་བཅས་ཀྱི་ཐོག་ནས་བཀོད་པའི་ཕུལ་བྱུང་གསར་འགྱུར་བརྩམས་ཆོས་དང་ཇུས་འགོད། འགྱུར་ཡིག དཔྱད་རྩོམ། པར་ངོས་སོགས་ལ་དཔྱད་བཤེར་བྱ་རྒྱུ་དང་། འོས་སྦྱོར་བྱེད་པའི་ཐ་སྙད་གསར་པ་དཔྱད་བསྡུར་བྱེད་ནས་གཅིག་འགྱུར་གཏན་འཁེལ་བྱ་རྒྱུ་ཡིན་པའི་དུས་མཚུངས་སུ། ཚོགས་ཞུགས་མི་སྣ་ཚོས་ད་དུང་རྨ་ལྷོ་ཁུལ་རེབ་གོང་སྒྱུ་རྩལ་དངོས་མང་བཤམས་སྟོན་ཁང་ལ་ལྟ་སྐོར་བྱ་རྒྱུ་དང་། རྒྱལ་ཁབ་རིམ་པའི་གཟུགས་མེད་ཤུལ་བཞུག་རིག་གནས་ཀྱི་རེབ་གོང་དྲུག་པར་ཀླུ་རོལ་དང་། ཁམས་ར་རྒྱལ་ཁབ་རིམ་པའི་ནགས་ཚལ་གླིང་གའི་ས་གཤིས་གླིང་གརེབ་གོང་སྒྱུ་རྩལ་དཔེ་སྟོན་དུད་ཚང་དང་ལུའུ་ཧྲུའུ་རི་མོའི་རིག་ཚལ། རེན་ཅུན་རེབ་གོང་སྒྱུ་རྩལ་རྒྱུད་འཛིན་ཁང་བཅས་ལ་ཡུལ་དངོས་སུ་བཅར་འདྲི་བྱ་རྒྱུ་ཡིན་པ་རེད།།

ཚོགས་རའི་ཟུར་ཞིག