སེམས་ཀྱི་ཉི་ཟླ་གྲོང་ཁྱེར་གྱིས་གཞི་རིམ་སྨན་བཅོས་ཞབས་ཞུའི་ནུས་པ་ཕྱོགས་ཡོངས་ནས་ཆེ་རུ་བཏང་བ།

    ཀྲུང་གོ་བོད་ཀྱི་དྲ་བ།    2019-03-26

    ཀྲུང་གོ་བོད་ཀྱི་དྲ་བའི་འཕྲིན། བདེ་ཐང་དབུལ་སྐྱོར་གྱི་ལས་དོན་སྤེལ་ཚུན་སེམས་ཀྱི་ཉི་ཟླ་གྲོང་ཁྱེར་གྱིས་སྔ་རྗེས་སུ་ནད་ཆེན་ལ་ཆེད་དོན་གཅིག་སྡུད་སྨན་བཅོས་དང་། རིམ་དབྱེའི་སྨན་བཅོས་ལམ་ལུགས་དང་དེ་བཞིན་ཁྱིམ་ཚང་སྨན་པའི་གན་འཇོག་ཞབས་ཞུ་སོགས་ལག་བསྟར་བྱས་ཤིང་། མང་ཚོགས་ལ་བདེ་འཇགས་དང་། ནུས་ཆེ། སྟབས་བདེ། གོང་ཁེ་བཅས་ཀྱི་སྨན་བཅོས་འཕྲོད་བསྟེན་ཞབས་ཞུ་མཁོ་འདོན་བྱས་ནས་བདེ་ཐང་དབུལ་སྐྱོར་གྱི་སྲིད་ཇུས་ལས་ཁྱིམ་ཚང་དང་དུད་ཚང་ཀུན་ལ་ཕན་པ་ཐོབ་པར་བྱས་པ་རེད།

    མིག་སྔར་སེམས་ཀྱི་ཉི་ཟླ་གྲོང་ཁྱེར་སྨན་ཁང་གིས་ཞིབ་འཇུག་དང་། ཁོར་ཡུག་དཔྱད་དཔོག ས་ཆུ་སྲུང་འཛིན། ས་དཔྱད། འཆར་འགོད། ཡོམ་འགོག་ཆེད་དོན་ཞིབ་དཔྱད། ཐོག་མའི་འཆར་འགོད་དཔྱད་ཞིབ་སོགས་དུས་འགོའི་ལས་དོན་ལེགས་གྲུབ་བྱུང་བ་དང་འབྲེལ་འོས་སྐུལ་འོས་དཔོད་བྱས་ཡོད། ཤང་དང་གྲོང་རྡལ11གི་འཕྲོད་བསྟེན་ཁང་ཚད་ལྡན་ཅན་གྱི་འཛུགས་སྐྲུན་ཚད་གཞིར་སླེབས་པ་དང་། གྲོང་ཚོ49ཡི་འཕྲོད་བསྟེན་ཁང་གི་འཛུགས་སྐྲུན་རྒྱ་ཁྱོན་ཡུན་ནན་ཞིང་ཆེན་གྱི་གྲོང་ཚོའི་འཕྲོད་བསྟེན་ཁང་ཚད་ལྡན་ཅན་འཛུགས་སྐྱོང་གི་གཞི་རྩའི་ཚད་གཞིར་སླེབས་ཤིང་། འཛུགས་སྐྲུན་གྱི་རྒྱ་ཁྱོན་ཆ་སྙོམས་སྨི་ངོས་གྲུ60ཡན་ཟིན་ཡོད། གྲོང་ཚོའི་འཕྲོད་བསྟེན་ཁང་གི་བཀོད་སྒྲིག་ཚད་ལྡན་དང་། མཚོན་རྟགས་དང་བྱང་བུ་གཅིག་གྱུར་བྱས་པ་དང་འབྲེལ་ཚད་གཞིར་གཞིགས་ནས་སྒྲིག་ཆས་སྒྲིག་སྦྱོར་བྱས་ཡོད། མི་ཆིག་སྟོང་རེར་གྲོང་ཚོའི་སྨན་པ1ལས་མི་ཉུང་བའི་ཚད་གཞིར་གཞིགས་ནས་ཞབས་ཞུ་མཁོ་འདོན་བྱས་པ་དང་། གྲོང་ཁྱེར་ཡོངས་སུ་ཤང་དང་གྲོང་ཚོའི་སྨན་པ99བཀོད་སྒྲིག་བྱས་པ་དང་། དུས་མཚུངས་སུ་གྲོང་ཚོའི་འཕྲོད་བསྟེན་ཁང་རེ་རེར་སྨན་སྣ་ཁ80ལས་མི་ཉུང་བའི་ཚད་གཞི་ལྟར་སྒྲིག་སྦྱོར་བྱས་ནས་ཚད་ལྡན་ངང་སྨན་བཅོས་ལས་དོན་སྤེལ་ཡོད། གྲོང་ཚོའི་འཕྲོད་བསྟེན་ཁང་ཚད་ལྡན་ཅན་འཛུགས་སྐྱོང་བྱས་པ་དེས་གྲོང་ཚོའི་སྨན་པའི་སྨན་བཅོས་ཀྱི་གོ་རིམ་ཚད་ལྡན་དུ་ཕྱིན་པ་མ་ཟད། ད་དུང་གྲོང་མིས་ནད་ལྟ་བར་སྟབས་བདེ་བསྐྲུན་པ་དང་ལྷག་པར་དུ་ནད་དཔྱད་ཁང་དང་། སྨན་བཅོས་ཁང་། སྤྱི་པའི་འཕྲོད་བསྟེན་ཁང་། སྨན་སྦྱོར་ཁང་བཅས་ཁང་བཞི་དབྱེ་བ་ཕྱེ་པ་དེས་ནད་དུག་འགོས་ཤུགས་ཆུང་དུ་ཕྱིན་ཡོད་པ་རེད།

    ཤང་དང་གྲོང་རྡལ་གྱི་འཕྲོད་བསྟེན་ཁང11དང་། སྡེ་ཁུལ་གྱི་འཕྲོད་བསྟེན་ཞབས་ཞུའི་ལྟེ་གནས་1དང་། བུད་མེད་དང་འཆར་བཙའ་ལྟེ་གནས་སུ་ཀྲུང་ལུགས(བོད་ལུགས)སྨན་བཅོས་ཁང(ཁོའོ)སྐྲུན་ཟིན་ཡོད། 80%ཡན་གྱི་གྲོང་ཚོའི་འཕྲོད་བསྟེན་ཁང་དང50%ཡན་གྱི་སྡེ་ཁུལ་འཕྲོད་བསྟེན་ཞབས་ཞུའི་ས་ཚིགས་ཀྱིས་ཚད་ལྡན་ངང་མེ་བཙའ་དང་། འཕུར་མཉེད། མེ་བུམ། སྲུབ་འབྲད། ཀྲུང་ལུགས་སྨན་སྦྱོར་བཅས་རིགས་ལྔ་ཡན་གྱི་ཀྲུང་ལུགས(བོད་ལུགས)སྨན་བཅོས་ཀྱི་བབ་བསྟུན་ལག་རྩལ་སྤྱོད་ཐུབ་ཀྱི་ཡོད་པ་རེད།

  • ལེ་ཚན་སྔོན་མ།:སེམས་ཀྱི་ཉི་ཟླ་གྲོང་ཁྱེར་གྱིས་བྱེད་ཐབས་གསུམ་གྱིས་མི་རིགས་མཐུན་སྒྲིལ་ལ་སྐུལ་སྤེལ་བཏང་།
  • ལེ་ཚན་རྗེས་མ།:སེམས་ཀྱི་ཉི་ཟླ་གྲོང་ཁྱེར་གྱིས་གཞི་རིམ་སྨན་བཅོས་ཞབས་ཞུའི་ནུས་པ་ཕྱོགས་ཡོངས་ནས་ཆེ་རུ་བཏང་བ།
  • དོ་སྣང་ཆེ་བའི་རྩོམ།

    རྩོམ་གསར། 10