འོག་མིན་གྱི་དབྱིངས་སུ་སྟོན་པ་གཤེན་རབ་ལོངས་སྤྱོད་རྫོགས་པའི་སྐུ་རུ་བཞུགས་པའི་ཐུགས་སུ་བསྙུངས་ཏེ་རྩ་གསུམ་གྱི་གནས་ན་ལྷ་བུ་ཏམ་པ་ཏོག་དཀར་འདུག་པ་དེས་ཐུལ་བར་དགོངས་ཏེ་སྟོན་པས་ཏམ་པ་ཏོག་དཀར་གདན་དྲངས་ཏེ་བདུད་འདུལ་བའི་ལུང་ཕོག་ཅིང་གདམས་པ་བསྟན་
ནས། ཐབས་ལ་མཁས་པས་བདུད་ཐུལ་ཅིག་བདག་གི་གཡུང་དྲུང་གི་བོན་ཕྱིན་ནང་གསང་བ་ཡང་གསང་གི་དོན་རྣམས་ཁྱོད་ཀྱིས་ས་གནས་དེ་རུ་དཀྲོལ་གྱིས་རབ་ཏུ་ཆོས་ཞེས་བྱ་བ་སྟོན་ཅིག་གསུངས་ནས། སྤྲུལ་པའི་སྐུ་དེ་ལ་མངལ་གྱི་དྲི་མས་མི་གོས་པར་མི་བརྗེད་པའི་གཟུངས་ཀྱི་དབང་བསྐུར།གསུང་གི་སྤྲུལ་བ་རུ་བྱིན་རླབས་ནས་བཏང་ངོ། དེ་ནས་སྤྲུལ་བའི་སྐུ་དེ་སྟོན་པའི་བཀའ་བཞིན་རྒྱ་གར་ཝ་ར་ན་སི་རུ་རྒྱལ་པོ་ཤཱཀྱའི་རིགས་གཙང་མ་ཟས་དང༌། ཡུམ་དངོས་གྲུབ་ལྷ་བཞིན་མཛེས་གཉིས་ཀྱི་སྲས་སུ། རྒྱལ་བོ་དིང་ཁྲི་འཁྲུངས་ནས་ལོ་བདུན་སོང་བའི་ལྕགས་སྤྲེལ་ས་ག་ཟླ་བའི་ཚེས་བདུན་ལ་འུ་བྷིའི་ཚལ་དུ་སྐུ་བལྟམས་ལས་དགེ་སྡིག་གི་དོན་གཏན་ལ་ཕབ། ཏོག་གཟུངས་ཆེན་པོའི་མདོ་གསུངས། སུ་ཏ་ར་སྙོམས་པའི་གྲུབ་པ་བསྙེས། ན་བཟའ་གཡང་བཞི ( གཞི ) སེར་པོ་བཞེས། རྡོར་དྲིལ་ཐོགས་ནས་ང་མིན་ཆོས་པོའི་དྲུང་དུ་ཕེབས་ནས་འདི་སྐད་གསུངས། ཀྱེ་ཆོས་མཛད་སྟོན་པ་འགྲོ་བའི་མགོན། བདག་ཀྱང་ཉིད་ཀྱི་རྗེས་སུ་གཞོལ་བར་བགྱི། གསུངས་པས། ཁོ་དགའ་ནས་ཀྱེ་སྐྱེས་བུ་ཆེན་པོ་ཆོས་ལ་མོས་པ་ཤིན་ཏུ་ལེགས། ཁྱེད་ནི་ཞག་གསུམ་དྲོས་བཞི་ནས་ཕུང་བོ་ལྷག་མེད་མི་ལུས་པར་སངས་རྒྱས་པར་འགྱུར། བདུད་རྩི་ཨ་བ་དེའི་དངོས་གྲུབ་འདི་ལྕེ་ལ་བཞག་པ་ཙམ་གྱིས་མི་ཤིག་རྡོ་རྗེའི་ཏིང་ངེ་འཛིན་ལ་གནས་པར་འགྱུར་རོ། ཟེར་ནས་བདུད་ཀྱི་དུག་ཆང་ཁོང་དུ་བསྟིམ་མོ། རྒྱལ་བུས་དུག་ཉིད་བདུད་རྩིར་བསྒྱུར་ནས་མྱོས་པའི་ཚུལ་
དུ་མི་ཤིག་གཡུང་དྲུང་གི་ཏིང་ངེ་འཛིན་ལ་བཞུགས་སོ། དེ་ནས་ཞག་གསུམ་དྲོས་བཞིའི་དུས་བདུད་དེས་རྒྱལ་བུ་ལ་སྤུ་གྲི་ཀ་མ་རེག་ཆོད་བྱ་བ་བཏབས་པས་མ་ཆོད་དོ། དེར་རྒྱལ་བུ་དེ་སེང་གེ་རྣམ་པར་བསྒྱིངས་ ( འགྱིངས ) ) པའི་ཏིང་ངེ་འཛིན་ལ་བཞུགས་ནས་གསུངས་པ། ཞེ་སྡང་ནག་པོ་རུ་ཏྲ་བདུད་ཀྱི་བུ། ཁ་ནས་ཆོས་བྱེད་ཟེར་ཞིང་ལས་སུ་སྡིག་ཚོགས་བསགས། ཆོས་ཀྱིས་སངས་རྒྱས་ཟེར་ཞིང་འགྲོ་བའི་མི་ཤ་ཟོས། བཀའ་ལ་བཀུར་ ( བསྐུར ) བ་འདེབས་ཤིང་ལོག་པ་སྣ་ཚོགས་བྱེད། ང་བཞིན་ཆོས་ལ་སྤྱོད་དམ་ད་ལྟ་བསྒྲལ་ལ་གཏོང༌། གསུངས་པས། བདུད་དེ་ཤིན་ཏུ་མི་སྡུག་པར་བྱས་ནས་སྨྲས་པ། རྒྱལ་བ་ཤཱཀྱའི་སྲས་པོ་སེང་གེའི་ལྟ་ལྟང་（སྟངས）ཅན། ཤཱཀྱའི་སེང་གེའི་ཆོས་ལ་མི་སྤྱོད་དོ། ད་ལྟ་ཉིད་དུ་བསྒྲལ་ལ་གཏོང་ཟེར་ཏེ། རྔམ་པའི་གཟུགས་སུ་སྤྲུལ་ནས་རྒྱལ་བུ་ཁྱུད་（ཁྱུར）མིད་བྱས་སོ། རྒྱལ་བུ་དེ་བདུད་ཀྱི་ཁོག་པ་ན་དབལ་གྱི་ཁྲོ་བོ་ཆེན་པོ་གཡུང་དྲུང་གི་ཡན་ལག་ལ་རྡོ་རྗེའི་སྡེར་མོ་ཅན་ཁྱུང་གི་དབུ་བརྙན་ཉི་ཟླའི་སྤྱན་མིག་ཅན་རྟ་ཡི་ཐོར་གཙུག་ཡོད་པ་ཞིག་ཏུ་སྤྲུལ་ནས་བདུད་ཀྱི་ནང་ཁྲོལ་རབ་ཏུ་དཀྲུགས་ནས་རྩ་ལགས་（ལག）རྒྱངས་ཏེ་གླད་པ་ཚལ་བ་བཞི་རུ་བཀས་ནས་ཡར་ཐོན་ཏེ་ཁྱུང་སྐད་ལྷང་ལྷང་རྟ་རྒོད་ཙེར་ཙེར་རབ་ཏུ་བསྒྲགས་པས་བདུད་དེ་ཤིན་ཏུ་སྐྲག་གོ རྒྱལ་བུ་སྤྲུལ་བ་སླར་བསྡུས་ཏེ་ཀློད་པས་བདུད་ཀྱིས་སྐད་འབྱིན་ནུས་པར་གྱུར་ཏེ། རྔམ་གཏུམ་དྲག་པོ་ཤཱཀྱའི་རིགས། ང་ལ་དབལ་དུ་མ་རྔམ་ཞིག ཉིད་ཀྱི་རྗེས་སུ་བདག་གཞོལ་གྱིས། བཀའ་ལ་རབ་ཏུ་གདགས་སུ་གསོལ། ཞེས་ཞུས་ཏེ་སྲོག་ཕུལ་ལོ། དེར་རྒྱལ་བུ་བདུད་ཀྱི་ཁོག་ནས་ཕྱིར་ཐོན་ཏེ་གསུངས་པ། ང་མིན་ཆོས་པོ་བདུད་ཀྱི་བུ། ལོག་པའི་ཆོས་ཀྱིས་སངས་མི་རྒྱས། སངས་རྒྱས་ཟེར་གྱིན་སེམས་ཅད་ཟོས། སློབ་བུ་ཟོས་པས་དམྱལ་བར་བཏང༌། དེ་ལྟར་ངེས་སམ་མ་ངེས་པ། དེ་ལྟར་བརྒྱ་ ( རྒྱལ ) ཁ་རྐུན་དོང་ནང་དུ་ལྟོས། ཞེས་གསུངས་ནས་བདུད་ཀྱི་རྐུན་དོང་སློག་པས་སྔར་སངས་རྒྱས་ཟེར་བའི་སེམས་ཅན་རྣམས་ཀྱི་གོས་རྒྱན་རུས་ལྤགས་རྣམས་ཐོན་བྱུང་བ་ལ་བདུད་ནི་རབ་ཏུ་སྐྱེངས་ཏེ་མི་རྣམས་ངེས་ཤེས་སྐྱེས་སོ། དེར་བདུད་དེ་དད་པ་སྐྱེས་ནས་དགེ་བསྙེན་བྱས་ཏེ་ཐར་བ་གཞོན་ནུ་ཞེས་བཏགས་སོ། རྒྱལ་བུ་བུད་ཐུལ་ཤཱཀྱ་ཐུབ་པ་ཞེས་མཚན་གསོལ་ཏོ།ཞེས་གསུངས། དེ་མ་གཏོགས་ཁྱུང་བོ་བློ་གྲོས་རྒྱལ་མཚན② ( དུས་རབས་བཅུ་བཞི་བ ) གྱིས་བརྩམས་བའི་གླིང་གཞི་བསྟན་པའི་འབྱུང་ཁུངས་ ( ་བྲིས་མའི་ཤོག་ལྷེ་ཉེར་གཉིས་ནས་བཟུང་ ) ) ན་ཡང་ཞིབ་ཏུ་བཀོད་ཡོད།