བོད་མིར་ལག་པ་གཉིས་ཀྱི་ཐལ་མོ་སྦྱོར་བའི་སྲོལ་ཞིག་ཡོད།དེའང་དགོན་པ་དང་ལྷ་ཁང་སོགས་ལ་ཆོས་མཇལ་ཞུ་སྐབས་ལྷ་སྐུ་རྟེན་གསུམ་གྱི་མདུན་དུ་ལག་པ་གཉིས་ཐལ་མོ་སྦྱར་ཏེ་གསོལ་བ་སྨོན་ལམ་འདེབས་པ་དང་།རང་ལས་མཐོ་བའི་མི་དང་འཕྲད་སྐབས་ལག་གཉིས་ཀྱིས་ཐལ་མོ་སྦྱར་ནས་གུས་བཀུར་ཞུ་བ་དེ་ཡིན།ལག་གཉིས་ཐལ་མོ་སྦྱོར་བའི་ཚུལ་དེའི་གོ་དོན་ནི་སྙིང་ཐག་པ་ནས་དད་སེམས་ཞུ་བ་མཚོན་པར་བྱེད་པ་དང་།གཞན་ལ་གུས་བཀུར་གྱི་ཉམས་ཀྱང་མཚོན་པར་བྱེད་ཀྱི་ཡོད།ཡང་དེ་ལས་ལྡོག་སྟེ་ལག་པ་ཡ་གཅིག་གིས་མཛུབ་མོ་ལྔ་ཀ་རུབ་རུབ་ཀྱིས་སྟོན་སྲོལ་ཞིག་ཡོད་པ་དེ་ནི།ཁྱོད་ཀྱིས་ཁ་ཚུམས་ཇུས་གཏོགས་མེད།ཅེས་གུས་ཞབས་གཏན་ནས་མེད་པའི་ངང་ནས་མི་གཞན་ལ་འཕྱ་དམོད་བྱེད་པའི་དོན་རེད།།