གནའ་བོའི་གྱང་ཤུལ།

རྒྱལ་ལམ318ཀྱི་ལྷོ་ཕྱོགས་སུ་ཉག་ཆུ་རྫོང་གི་མགོ་ལོག་ཅེས་ཁམས་པའི་ཕ་སར་གྱི་གྲོང་སྡེར་གྲགས་པའི་ས་ཆ་ཞིག་ཡོད།གནས་དེ་ནི་གནའ་བོའི་ཇ་འདྲེན་བརྡལ་ལམ་གྱི་ས་ཚུགས་གཙོ་བོ་ཞིག་ཡིན།གུར་གུམ་སྟེང་ཞེས་སྙན་པའི་གྲགས་པ་འབར་བའི་མཛེས་ལྗོངས་དེ་ནི་མགོ་ལོག་གི་རི་མགོར་གནས་ལ།གུར་གུམ་མེ་ཏོག་ཧ་ཅང་མང་པོར་བཞད་པའི་གནས་མཆོག་ཅིག་ཡིན་པས་མིང་དེ་ལྟར་ཐོབ།གྲོང་པ་ནས་རྟ་བཅིབས་ཏེ་འགྲོ་ན་ཆུ་ཚོད་གཅིག་ཙམ་གྱི་རིང་ལ་གུར་གུམ་སྟེང་ལ་བསླེབས།གུར་གུམ་སྟེང་ནི་རི་མགོར་གཅལ་དུ་བཀྲམ་པའི་རྩྭ་་ཐང་ཞིག་ཡིན་ལ་ཕྱོགས་བཞིའི་རི་བོ་རྣམས་ཀྱིས་དེའི་ཕྱོགས་སུ་ཁ་འཁོར་བས་པད་མའི་གདན་དང་འདྲ་ལ་ཐང་ངོས་སུ་ཉི་མའི་མཚོ་དང་ཟླ་བའི་མཚོ་ཞེས་གཡུ་ཡི་མེ་ལོང་ལྟ་བུའི་མཚེའུ་གཉིས་ཡོད།གཡས་ངོས་སུ་ནགས་ཚལ་གྱི་དཀྱིལ་དུ་ཀྲུང་གོའི་ས་བཀྲ་དང་དངོས་སུ་མཚུངས་པའི་སྤང་ཐང་ཞིག་ཡོད་ལ་དེའི་ཐོག་གི་རྟ་ནོར་ལུག་གསུམ་ནི་ཀྲུང་གོའི་ས་ཁུལ་སོ་སོའི་རྟགས་མཚན་དང་འདྲ།གཡུ་ཡི་མེ་ལོང་དང་འདྲ་བའི་མཚོ་དང་གནའ་བོའི་གཟི་ཉམས་མཚོན་པའི་ཁང་ཤུལ།དྲི་ཞིམ་རྣམ་པར་ཐུལ་བའི་མེ་ཏོག སྤུ་སྡུག་རྣམ་པར་མཛེས་པའི་འདབ་ཆགས།བོད་མིའི་གནའ་རབས་ཀྱི་ཡུལ་སྲོལ་གོམས་གཤིས་བཅས་ཀྱིས་ཡུལ་སྐོར་བ་རྣམས་ཀྱི་ཡིད་ཀྱི་དང་བ་དྲངས་དང་འདྲེན་བཞིན་ཡོད་དོ།།

།