ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་དང་བཀོད་སྒྲིག་ལག་ལེན་མཐར་ཕྱིན་བསྟར་ཆེད། ཉེ་དུས་ནོར་སྲིད་པུའུ་ཡིས2026ལོའི་ཕྲུ་གུ་གསོ་བའི་ཁ་གསབ་རོགས་དངུལ་སྒོར་དུང་ཕྱུར999སྤྲད་པ་དེ་ན་ལོ་ལས་བརྒྱ་ཆ10.6འཕར་ནས་ས་གནས་ཁག་གི་ཆ་རྐྱེན་དང་མཐུན་པའི་ཕྲུ་གུ་དམར་འབྱར་ལ་ཁ་གསབ་རོགས་དངུལ་སྤྲོད་རྒྱུར་རྒྱབ་སྐྱོར་བྱས་པ་རེད། སྔོན་དཔག་བྱས་ན་ལོ་ཧྲིལ་པོར་རིམ་ཁག་ནོར་སྲིད་ཀྱིས་ཁ་གསབ་མ་དངུལ་ཁྱོན་སྒོར་དུང་ཕྱུར1100ཙམ་བཀོད་སྒྲིག་བྱས་ཡོད་པ་རེད། 

   མིག་སྔར། 2026ལོར་ཕྲུ་གུ་གསོ་བའི་ཁ་གསབ་སྤྲོད་པའི་ལས་དོན་བརྟན་བརླིང་དང་གོ་རིམ་ལྡན་པའི་ངང་སྤེལ་བཞིན་ཡོད། འབྲེལ་ཡོད་དོ་དམ་གཏན་འབེབས་གཞིར་བཟུང་། རིམ་ཁག་འཕྲོད་བསྟེན་བདེ་ཐང་སྡེ་ཚན་གྱིས་ཕྲུ་གུ་གསོ་བའི་ཁ་གསབ་ཞིབ་བཤེར་གཏན་འབེབས་དང་འགྲེམ་གཏོང་སྒྲིག་འཛུགས་ལག་ལེན་བསྟར་བའི་འགན་འཁུར་དགོས་པ་དང་། རྩ་དོན་ཐོག་དུས་ཚིགས་རེར་ཉུང་མཐར་ཡང་གཅིག་སྡུད་ཐོག་ཁག་གཅིག་འགྲེམ་གཏོང་བྱ་དགོས། དུས་ཚིགས་གོང་མར་གཏན་འབེབས་ཞིབ་བཤེར་ཆོག་མཆན་ཐོབ་པའི་རེ་ཞུ་དེ་དུས་ཚིགས་འདིའི་དུས་མཇུག་ལ་སྤྲད་ཚར་དགོས། ནོར་སྲིད་པུའུ་ཡིས་མུ་མཐུད་དེ་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་དང་མཉམ་དུ་ཕྲུ་གུའི་ཁ་གསབ་ལམ་ལུགས་ལག་ལེན་ཡག་པོ་བསྟར་ནས་མ་དངུལ་དོ་དམ་ནན་པོ་དང་ལྟ་སྐུལ་ཞིབ་བཤེར་ལ་ཤུགས་སྣོན། སྲིད་ཇུས་ནུས་པ་འདོན་སྤེལ་བཅས་བྱས་ཏེ་བུ་བཙའི་མཛའ་མཐུན་རྣམ་པའི་སྤྱི་ཚོགས་སྐྲུན་པར་རམས་འདེགས་བྱ་རྒྱུ་ཡིན་པ་བསྟན།  

   ཕྲུ་གུ་གསོ་བའི་ཁ་གསབ་ཕུད། མངལ་ཆགས་པ་ནས་བཟུང་ཕྲུ་གུ་ལོ་གསུམ་ལ་སླེབས་པའི་བར་ཁྱོན་འཚོ་ཕན་ཁག7ལོངས་སུ་སྤྱད་ཆོག། 

༡. མངལ་སྦྲུམ་སྐབས་ཞིབ་བཤེར་འགྲོ་སོང་རྩིས་ཞུ། 

   མངལ་ཆགས་ནས་གཟའ་འཁོར12ཀྱི་ཡིག་ཚགས་བཟོས་རྗེས། གཏན་འཁེལ་སྨན་ཁང་དུ་བུ་བཙའ་ཞིབ་བཤེར་བྱ་དགོས། སྲིད་ཇུས་དང་མཐུན་པའི་བུ་བཙའ་ཞིབ་བཤེར་རྣམ་གྲངས་ཡིན་ཚེ། རྩིས་རྒྱག་སྐབས་ཐད་ཀར་འགྲོ་སོང་རྩིས་ཞུ་བྱ་ཐུབ། ལས་བཟོའི་སྨན་བཅོས་ཉེན་སྐྱོབ་དང་ཡང་ན་གྲོང་མིའི་སྨན་བཅོས་ཉེན་སྐྱོབ་གང་ཡིན་རུང་སྨན་བཅོས་ཉེན་སྐྱོབ་རྒྱུན་གཏན་ལྟར་ཉེན་སྐྱོབ་ནང་ཞུགས་ཚེ་ཞིབ་བཤེར་གྱི་འགྲོ་སོང་རྩིས་ཞུ་བྱེད་པའི་འཚོ་ཕན་ལོངས་སུ་སྤྱད་ཐུབ།