ཉེ་ཆར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་བཞི་པའི་ཐོག་དམངས་འཚོའི་གཙོ་དོན་གྱི་གསར་འགོད་པའི་ཚོགས་འདུ་འཚོགས་པ་རེད། 

  སློབ་གསོ་པུའི་པུའུ་ཀྲང་ཧོའེ་ཅིན་ཕེང་གིས་ཚོགས་འདུར་སློབ་གསོ་པུས་སློབ་གྲྭའི་བདེ་འཇགས་ཀྱི་ཆེད་དོན་བྱ་སྤྱོད་སྤེལ་ནས་སྤྱི་བདེ་དང་འཕྲོད་བསྟེན་བདེ་ཐང་། ཁྲོམ་རའི་ལྟ་སྐུལ་དོ་དམ་སོགས་སྡེ་ཚན་དང་མཉམ་དུ་བྱེད་ཐབས་སྔར་ལས་ནན་པོ་དང་ཏན་ཏིག་སྤྱད་དེ་སློབ་གྲྭའི་བདེ་འཇགས་ཀྱི་འགོག་སྲུང་འཛིང་རགས་བརྟན་པོར་འཛུགས་རྒྱུ་ཡིན་ཞེས་ངོ་སྤྲོད་བྱས་པ་རེད།

སྒྲིག་ཁྲིམས་དང་འགལ་ཏེ་སློབ་གྲྭ་གཉེར་བ་དང་དུས་ཚོད་ལས་བརྒལ་ནས་སློབ་སྦྱོང་བྱེད་པ། སློབ་གྲྭའི་ནང་བརྙས་བཅོས་བྱེད་པ་སོགས་མུ་མཐུད་གཙང་བཤེར་བཅོས་སྐྱོང་བྱེད་པ་དང་། སློབ་གྲྭའི་ཟ་མ་དང་ཟུར་ཁྲིད་རོགས་རམ་མངག་ཉོ། སློབ་གོས་འདེམས་ཉོ་སོགས་འདི་ལོའི་རྨང་གཞིའི་སློབ་གསོའི་ཚད་ལྡན་དོ་དམ་བྱ་སྤྱོད་མུ་མཐུད་སྤེལ་ནས་སྒྲིག་ཁྲིམས་དང་འགལ་བའི་བྱེད་སྤྱོད་ཐོན་ཚེ་རྡུང་རྡེག་བཏང་ནས་གནད་དོན་སླར་ཡང་མི་ཐོན་པའི་སྔོན་འགོག་ནན་པོར་བྱ་རྒྱུ་ཡིན་པ་རེད།