བདེ་ཡངས་ཤར།
   རྩེ་རྣམ་རྒྱལ་གྲྭ་ཚང་གི་དགུ་གཏོར་སྐབས་སུ་མགྲོན་རྣམ་པས་འཆམ་གཟིགས་གནང་ས་དང་དེའི་འོག་ཀ་སྤུངས་རྐོས
་དཀྲོལ་ཅན་གཉིས་དང་གཡས་གཡོན་དུ་རྟ་ལྤགས་ཀྱི་རྔ་བོ་ཆེ་གཉིས་དར་འཕྱངས་བཅས་བཀལ་ཡོད།
     ཕོ་བྲང་བདེ་ཡངས་ཤར་གྱི་རྔ་བོ་ཆེ་གཉིས།
   རྔ་བོ་ཆེ་དེ་གཉིས་ནི་རྩེ་ཕོ་བྲང་གི་འགོ་འཛིན་པས་དགོང་རེ་ཁོར་ཡུག་སྟེང་ཤོད་ལ་བདེ་འཇགས་སྐོར་གཡེང་ཚར་རྗེས
་ཆུ་ཚོད་དགུ་པའི་ཐོག་རྔ་བོ་ཆེ་དེ་གཉིས་བརྡུངས་རྗེས་རྩེའི་བཞུ་མར་གསོད་དགོས་ལ་འགྲུལ་མཚམས་འཇོག་པའི་བརྡ་གཏོང་བྱེད་ཀྱི་ཡོ་བྱད་གལ་ཆེ་ཞིག་རེད།
      གསུམ་སྐས་འགོ
   བདེ་ཡངས་ཤར་མཐོངས་དབུས་ངོས་རྡོ་སྐས་སེའུ་བཅུ་གཉིས་ཀྱི་ལྡིངས་ཆའི་སྟེང་སླར་ཡང་ཤིང་སྐས་གསུམ་ཡོད་པ་ནི
་ཕོ་བྲང་ཤར་བརྒྱུད་ཀྱི་འགྲོ་ལམ་ལྟེ་བ་ཡིན་པ་དང་དབུས་ཀྱི་སྐས་ཐོག་ཏུ་གོང་ས་མཆོག་མ་གཏོགས་སྐྱེ་བོ་གཞན་འགྲོ་སྲོལ་མེ
ད།
      རྩེ་གཉེར་ཚང་ལས་ཁུངས།
   ལས་ཁུངས་དེར་དབུས་ནང་རྫོང་གཞིས་ཁག་ནས་རྨོས་བརྔོས་ཀྱི་འབབ་འབྲུ་དང་།བརྔོས་རྩམ།དངུལ་བཅས་ཁྲལ་བསྡུ་
དང་།རྩེའི་མཆོད་ཁང་ཁག་ལ་གཏོང་སྒོ་གཏོང་རྒྱུ།རྒྱལ་བ་སྐུ་ཕྲེང་རིམ་བྱོན་གྱི་འདས་མཆོད་མཆོད་འབུལ།རྩེའི་དྲུང་རེགས་གྲང
ས175ལསྔར་སྲོལ་གྱར་ཕོགས་ཞེས་ལོ་རེ་སྦྲ་གུར་དང་།སྣམ་བུ།དངུལ་བཅས་སོ་སོའི་གོ་གནས་ལ་གཞིགས་ཏེ་སྤྲོད་རྒྱུ།རྩེའི་ཚོམ
ས་ཆེན་མཛད་སྒོ་ཁག་དང་དྲུང་ཇའི་སར་དཀར་སྤྲོ་སྒྲིག་གཤོམ་སྐབས་སྡེར་ཐོབ་ཀྱི་ལས་ཀ་བཅས་བྱེད་ཀྱི་ཡོད།
     རྩེ་མཆོད་དཔོན་མཁན་པོ།
   གོང་ས་མཆོག་གི་ཆོས་ལུགས་མཛད་སྒོ་གང་ཅིར་ཞབས་ཞུའི་ལས་འགན་འཁུར་རྒྱུ་དང་རྩེ་རྣམ་རྒྱལ་གྲྭ་ཚང་གི་སྤྱི་ཁྱབ་
ཀྱི་འགན་འཁུར་ཞིང་དེའི་འགོ་དཔོན་ལ་རིམ་པ་བཞི་པ་ཆེ་བའི་གོ་གནས་ཡོད།
     ཚོམས་ཆེན་ཤར་སྲིད་ཞི་ཕུན་ཚོགས།
   ཚོམས་ཆེན་སྲིད་ཞི་ཕུན་ཚོགས་རྙིང་པ་དེ1645ལོར་རྒྱལ་བ་ལྔ་པས་བོད་སྲིད་དབང་བཞེས་རྗེས་སྡེ་སྲིད་བསོད་ནམས་
རབ་བརྟན་གྱིས་གསར་སྐྲུན་བྱས་པ་རེད།ཚོམས་ཆེན་འདིའི་ནང་རྒྱལ་ཁབ་སྐུ་ཕྲེང་རིམ་བྱོན་གྱི་ཐོག་མའི་ཁྲི་ཕེབས་ཀྱི་མཛད་སྒོ་རིམ་པ་གནང་བ་དང་ལོ་རེའི་སྒྲུབ་མཆོད་དང་ལོ་གསར་སོགས་མཛད་སྒོ་ཁག་ཚོགས་ཀྱི་ཡོད་པ་རེད།
     ཚོམས་ཆེན་ཤར་གྱི་ལྡེབས་བྲིས།
   ཚོམས་ཆེན་ཤར་གྱི་ལྡེབས་བྲིས་ནི་གཙང་པ་དབུ་ཆེན་ཆོས་དབྱིངས་རྒྱ་མཚོ་ཞེས་སྐད་གྲགས་ཅན་དེས་བྲིས་པའི་རྒྱན་དྲུ
ག་མཆོག་གཉིས་དང་།ཆོས་རྒྱལ་ཁྲི་སྲོང་ལྡེ་བཙན་སོགས་ཀྱི་ལོ་རྒྱུས།ཇོ་བོ་རྗེ་བོད་དུ་ཕེབས་པའི་སྐོར།མཁས་ཆེན་དམ་པ་གཡུ་ཐོག་ཡོན་ཏན་མགོན་པོ་སོགས་ཀྱི་ལྡེབས་བྲིས་ཡོད།
     རྔམ་བརྗིད་ལྡན་པའི་ཕོ་བྲང་སེང་འབྲུག་སྟག་རྩེ།
  སྐད་གྲགས་དང་རྔམ་བརྗིད་ལྡན་པའི་འཛམ་གླིང་གེ་སར་རྒྱལ་པོའི་སྐུ་མཁར་་སེང་འབྲུག་སྟག་རྩེའི་རྗེས་ཤུལ1990ལོའི
ཟླ6པར་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་འཛུགས་སྐྲུན་ཤང་གི་མར་གཤམ་དར་གྱི་ས་ནག་ལུང་པའི་མདོ་ནས་གསར་རྙེད་བྱུང་།རྗརས་ཤུལ་གྲགས་ཅན་དེ་རྙེད་རྗེས་དར་ལག་ས་ཆའི་སེར་སྐྱ་མང་ཚོགས་ཀྱིས་ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་ཀྱི་དགོངས་དོན་ལ་བརྟེན་ནས་འབྲེལ་ཡོད་སྡེ་ཁག་གི་རྒྱབ་སྐྱོར་དང་གོང་རིམ་གོང་རིམ་རྩ་འཛུགས་ཀྱི་གཟིགས་སྐྱོང་འོག་གནའ་བོའི་ཕོ་བྲང་དེ་ཁང་རྩེག་ལྷ་ཁང་གི་ཚུལ་དུ་སླར་གསོ་བསྐྱར་བཞེངས་བྱེད་འགོ་བརྩམས།མིང་དུ་གྲགས་པའི་ཕོ་བྲང་དེ་སླར་གསོ་བཟོ་སྐྲུན་གྱི་གཙོ་འགན་འཁུར་མཁན་ནི་ཀྲུང་གོ་བོད་རྒྱུད་ནང་བསྟན་སློབ་གླིང་གི་སློབ་དཔོན་ཆེན་མོ།མཚོ་སྔོན་ཞིང་ཆེན་མི་དམངས་འཐུས་མི་ཚོགས་ཆེན་གྱི་འཐུས་མི།མགོ་ལོག་ཁུལ་སྲིད་གྲོས་ཀྱི་རྒྱུན་ལས་ཨུ་ཡོན།དར་ལག་རྫོང་སྲིད་གྲོས་ཀྱི་ཀྲུའུ་ཞི་གཞོན་པ་དང་རྫོང་མི་རིགས་སློབ་འབྲིང་གི་མཚན་འཛིན་ཞའོ་ཀྲང་བཅས་ཡིན་པའི་སྤྲུལ་སྐུ་བསྟན་པའི་ཉི་མ་ཡིན།ད་ལྟ་གསར་བཞེངས་བྱས་པའི་སྐུ་མཁར་དེ་དེ་སྔའི་སྐུ་མཁར་སེང་འབྲུག་སྟག་རྩེ་དངོས་ཀྱི་གཟི་རྔམ་དང་རྒྱ་ཁྱོན་མཐོ་ཚད་སོགས་མེད་ནའང་རྒྱ་ཕིབས་དང་གསེར་ཏོག་སོགས་མཁར་དེའི་ཕྱི་ནང་གི་བཀོད་པ་ཡོད་ཚད་གནའ་མཁར་ངོ་མ་དང་ཡོངས་སུ་མཚུངས་པར་བཞེངས་ཡོད།མཐོ་སྒང་མགོ་ལོག་རྩྭ་ཐང་ལ་མཚོན་ན་ཐེངས་དང་པོར་སླར་གསོ་བཟོ་སྐྲུན་བྱས་པའི་གནའ་མཁར་ལྷ་ཁང་རྔམ་བརྗིད་ཅུང་ཆེ་ཤོས་རེད།ལྷ་ཁང་དེའི་ནང་རྟེན་གཙོ་བོ་ལ།གསེར་ཟངས་ལས་གྲུབ་པའི་གེ་སར་རྒྱལ་པོའི་སྐུ་ཞི་བ་དང་དྲག་པོ།འཇིམ་ལས་བཟོས་པའི་གེ་ས་རྒྱལ་པོའི་སྐུ།འཇིམ་ལས་བཟོས་པའི་གླིང་གི་དཔའ་ཐུལ་སུམ་ཅུདང་།གསེར་ཟངས་ལས་གྲུབ་པའི་ཡང་ཐུལ་དམ་པའི་མི་བདུན་ཅུ་གྱི་སྐུ་བརྙན་བཅས་བཞེངས་ཡོད་པར་མ་ཟད།གཞན་ད་རུང་སྔོན་བྱོན་སངས་རྒྱས་མང་པོ་ཞིག་གི་གསེར་སྐུ་དང་འཇིམ་སྐུ།རས་ཐང་དང་ལྡེབས་རིས་སོགས་མང་པོ་བཞུགས།ཕོ་བྲང་དེ་ལྟ་བུ་ཞིག་སླར་གསོ་བཟོ་སྐྲུན་བྱས་པ་ནི་གཅིག་ནས་གླིང་སྒྲུང་མྱུར་སྐྱོབ་ཀྱི་ནང་དོན་གཙོ་བོ་ཞིག་དང་།གཉིས་ནས་བོད་མི་རིགས་ཀྱི་བཟོ་སྐྲུན་སྒྱུ་རྩལ་གྱི་རྣམ་པའི་ལྟད་མོ་སླར་ཡང་བསྟན་པ་ཞིག་གསུམ་ནས་མཐོ་སྒང་རྩྭ་ཐང་གི་མཛེས་ལྗོངས་གཟིགས་སྐོར་བྱེད་ས་བཟང་པོ་ཞིག་བཅས་རེད།