རྟ་ཐོག་གར་འཆམ།སྟག་ལྷ་རྒྱལ་གྱིས་བསྡུ་སྒྲིག་མཁོ་འདོན་བྱས།མགོ་ལོག་གི་དམངས་ཁྲོད་འཚོ་བའི་ནང་དུ་གནའ་བོའི་བོད་ཀྱི་རིག་གནས་སྒྱུ་རྩལ་གཏིང་ཟབ་ལ་དཔངས་མཐུག་པས།བོད་རིགས་མི་དམངས་ཀྱི་སྲོལ་རྒྱུན་མི་ཆོས་གཞུང་ལུགས་དང་།སློབ་གསོ།རིག་གནས།མཛེས་དཔྱོད་སོགས་སྔར་བཞིན་རྒྱུད་འཛིན་དང་དར་སྤེལ་གཏོང་བཞིན་ཡོད།ད་སྔ་ལེགས་སྒྲིག་བྱས་ཟིན་པའི་གླིང་སྒྲུང་སྐོར་གྱི་ངག་ཐོག་བརྩམས་ཆོས༢༣དང་།སྒྲུང་ཡིག་ལག་བྲིས་མ༣༥སྒྲ་ཐག་དང་བརྙན་འཁོར༣༠ལྷག འབྲེལ་ཡོད་གེ་སར་རྟེན་གཞི་སླར་གསོ་དང་གེ་སར་དངོས་མང་བཤམས་སྟོན་ཁང་སོགས་བསྒྲུབས་དང་སྒྲུབ་བཞིན་པའི་སྒང་ཡིན། ༼རྟ་ཐོག་གར་འཆམ༽ནི་བོད་ཀྱི་ཟློས་གར་འཁྲབ་སྟོན་གྱི་རྨང་གཞིའི་ཐོག་བྱུང་བའི་གར་འཆམ་ཞིག་ཡིན་ལ།མགོ་ལོག་ཚོ་ཁག་བར་གྱི་རྟ་རྒྱུགས་འགྲན་ཚོགས་བརྒྱུད་ནས་རྒྱ་བསྐྱེད་པ་ཞིག་ཡིན།ད་ལྟ་མགོ་ལོག་རྩྭ་ཐང་ཡོངས་སུ་རྟ་ཐོག་རྣམ་ཐར་ཚོགས་པ༦ཡོད་ལ།ཟློས་གར་རིགས་ལའང༼རྟ་རྒྱུགས་རྒྱལ་འཇོག༽གཙོ་བྱས་པའི་༼སྲོང་བཙན་སྒམ་པོ༽དང་།༼དྲི་མེད་ཀུན་ལྡན༽༼གཉན་པོ་གཡུ་རྩེ༽སོགས་ཡོད།ལོ་རེའི་དབྱར་ཟླ་བདུན་པ་དང་བརྒྱད་པའི་ནང་འཁྲབ་སྟོན་བྱེད།༢༠༠༧ལོར་རེབ་གཉིས་པའི་རྒྱལ་ཁབ་རིམ་པའི་དངོས་རྫས་མ་ཡིན་པའི་རིག་གནས་ཤུལ་བཞག་གི་སྡེ་ཚན་ཁྲོད་བཞག