ནང་བསྟན་རྩྭ་ཐང་ཆེན་མོ་ནི་རྟའུ་རྫོང་ཞི་བདེ་ཤང་གི་ནང་ཁུལ་དུ་ཁྲོན་བོད་གཞུང་ལམ་གྱི་གཡས་གཡོན་ལ་གཅལ་དུ་བཀྲམ་ཡོད།ལོ་རེར་རྩྭ་ཐང་གི་ཁ་དོག་སྣ་ཁ་བཅུ་གཉིས་ལ་བསྒྱུར་ཏེ་ཚོན་མདངས་རྣམ་པར་བཀྲ་བས་ཡིད་སེམས་མྱོས་པར་བྱས།བཤད་སྒྲོས་སུ་གླིང་གེ་སར་རྒྱལ་པོས་གནས་འདི་རུ་དམག་སྒར་བཙུགས་མྱོང་པས་དམག་དཔོན་གདམ་པའི་སྟེགས་བུ་དང་འབྲུག་མོ་མཚོ།གེ་སར་གྱི་ཞབས་རྗེས།གེ་སར་གྱིས་རལ་གྲི་ཚོད་ལྟ་བྱེད་སའི་རྡོ་སོགས་གནའ་ཤུལ་མང་པོ་མཇལ་རྒྱུ་ཡོད་པ་ན་ཀུན་གྱིས་གེ་སར་ཐང་ཞེས་ཀྱང་འབོད།