ཀྲུང་གོའི་བོད་ལྗོངས་དྲ་བ། 2012-12-25
འདི་ནི་མཆོད་རྟེན་དཀར་པོ་དང་བོད་ལྗོངས་ས་ཁུལ་གྱི་ཆེས་ཆེ་བའི་མ་ཎི་རྡོ་འབུམ་ཡིན།
མ་ཎི་རྡོ་འབུམ་ནི་ཁ་དོག་སྣ་ཚོགས་ཀྱི་རྡོ་སྤུངས་པ་ལས་གྲུབ་ཅིང་། རྡོའི་ཆེ་ཆུང་དང་དབྱིབས། རྡོའི་རྒྱུ་སོགས་འདྲ་མིན་སྣ་ཚོགས་འདུས། དང་ཐོག་སྤུངས་པའི་མ་ཎི་རྡོ་འབུམ་ནི་དེ་འདྲའི་ཆེ་རྒྱུ་མེད་ན་ཡང་། མཐོ་སྒང་དུ་འཚོ་བའི་བོད་མི་རྣམས་ཀྱི་གོམས་སྲོལ་ལྟར་ན། ལམ་ཁར་ཡོད་པའི་མ་ཎི་རྡོ་འབུམ་བརྒྱུད་ནས་འགྲོ་དུས་ཁ་ནས་མ་ཎི་བཟློ་བཞིན་བསྐོར་བ་གཅིག་བརྒྱབ་ཁར། སྔར་གྱི་རྡོ་འབུམ་གྱི་སྟེང་དུ་རྡོ་འཇོག་པའི་སྲོལ་ཡོད་པས། དེ་ལྟར་ཉིན་ནས་ཟླ། ཟླ་ནས་ལོ་བྱས་ཏེ་གཅིག་ཐོག་གཅིག་ལ་སྤུངས་བའི་དུས་ཡུན་རིང་བོ་ཞིག་འདས་རྗེས། རྡོ་འབུམ་གྱི་རྒྱ་ཁྱོན་རང་བཞིན་གྱིས་ཆེན་པོར་གྱུར། སྤྱིར་བཏང་མ་ཎི་རྡོ་འབུམ་གྱི་སྟེང་དུ་བཀོད་པའི་ནང་དོན་དེ་དག་ཚང་མ་ནང་པའི་ཆོས་ལུགས་ཏེ། བཀའ་ཆོས་ཀྱི་སྐོར་མང་ན་ཡང་། མང་ཆེ་བ་མ་ཎི་ཡིག་དྲུག་བརྐོས་པའི་རྡོ་འབུམ་ཡིན་ལ། གཞན་ད་དུང་བཀྲ་ཤིས་རྟེན་འབྲེལ་མཚོན་བྱེད་ཀྱི་ཡི་གེ་དང་། སྐུ་འདྲ་སོགས་ནང་དོན་ཕུན་སུམ་ཚོགས་པ་མཆིས་སོ།
དོ་སྣང་ཆེ་བའི་རྩོམ།
རྩོམ་གསར། 10