ལྟ་ཚུལ་ནི་གསར་བཏོད་ཀྱི་དེད་དཔོན་དང་ཐབས་ལམ་གྱི་རྒྱ་ཐིག་རེད་ལ།ཐབས་ལམ་ནི་ལྟ་ཚུལ་གྱི་ཁག་ཐེག་དང་གསར་བཏོད་ཀྱི་གོ་རིམ་ཁོ་ན་རེད།
    སྤྱིར་སློབ་གསོ་ནི་བརྩེ་སེམས་ཀྱི་བྱ་འགུལ་ཞིག་དང་འཛུམ་མདངས་ཀྱི་སྒྱུ་རྩལ་ཞིག་རེད།
    སློབ་གསོ་ནི་མིའི་རིགས་ཀྱི་སྤྱི་ཚོགས་དང་སྤྱི་ཚོགས་དེའི་སྟེང་གི་མི་སོ་སོ་ཕྱོགས་ཡོངས་ནས་འཕེལ་རྒྱས་སུ་འགྲོ་བའི་རྩ་བའི་རྩ་བ་དང་།རྩ་བའི་ཇུས་ཆེན།རྩ་བའི་ཁག་ཐེག་བཅས་རེད།
    མིའི་སེམས་ཁམས་ཀྱི་ན་ཚ་སྔོན་འགོག་བྱེད་པའི་ཉིན་དང་པོ་ནས་མིའི་རིགས་བདེ་སྐྱིད་ཀྱི་ལམ་ལ་གོམ་པ་དང་པོ་སྤོ་བའི་མགོ་བརྩམས་པ་རེད།
    དགེ་རྒན་ནི་བྱིས་པའི་སེམས་ཁམས་བདེ་ཐང་གི་སྨན་པ་དང་སློབ་གྲྭ་ནི་བྱིས་པའི་སེམས་ཁམས་བདེ་ཐང་གི་སྨན་ཁང་རེད་ལ།སློབ་ཁྲིད་ཀྱི་གོ་རིམ་རེ་རེ་ནི་བྱིས་པའི་སེམས་ཁམས་བདེ་ཐང་གི་བྱ་འགུལ་རེ་རེ་རེད།
    ང་ཚོས་འཛམ་གླིང་གི་སློབ་གསོའི་མེ་ཏོག་རེ་རེར་རྒྱང་ལྟ་བྱེད་དགོས་ལ།རྒྱལ་ནང་གི་སློབ་གསོའི་འདབ་མ་རེ་རེར་ཟུར་ལྟ་བྱེད་དགོས་པ་མ་ཟད།ཆེས་གལ་ཆེ་བ་ནི་རང་གི་བྱིས་པའི་མྱུ་གུ་རེ་རེའི་ཆོས་ཉིད་ལ་ཞིབ་ལྟ་བྱེད་དགོས།
    རྨི་ལམ་ནི་དོན་དངོས་འཚོ་བའི་ཐོག་མའི་མྱུ་གུ་དང་འཇིག་རྟེན་གསར་བཏོད་ཀྱི་གོམ་པ་ཨང་དང་པོ་རེད།
    འཛམ་གླིང་གི་ཆེས་ཆེ་བའི་གཏེར་མཛོད་ཆེན་པོ་ཞིག་ཐོབ་པ་ལས་གཏེར་མཛོད་ཆེ་ཕྲ་ཀུན་ལ་དབང་སྒྱུར་བའི་སློབ་གསོའི་ལྡེ་མིག་དེ་ཐོབ་ན་རིན་ཐང་ཆེ་བ་ཡིན།
    སྒོར་དུང་ཕྱུར་བརྒྱས་ཕུལ་བྱུང་གི་བསམ་བློ་གཅིག་ཉོ་མི་ཐུབ་ལ།ཕུལ་བྱུང་གི་བསམ་བློ་གཅིག་གིས་སྒོར་དུང་ཕྱུར་བརྒྱ་སྐད་ཅིག་དེ་ཉིད་ལ་གསར་སྐྲུན་བྱེད་ཐུབ།
    སློབ་གཙོ་བཅིངས་འགྲོལ་བྱས་ཚེ་ད་གཟོད་དགེ་རྒན་བཅིངས་འགྲོལ་བྱེད་ཐུབ་ལ།དགེ་རྒན་བཅིངས་འགྲོལ་བྱས་ཚེ་ད་གཟོད་སློབ་མར་བཅིངས་འགྲོལ་ཐོབ་ཐུབ་ངེས་རེད།