འཛམ་གླིང་ཁོར་ཡུག་གི་ཉིན་མོ།

2016-06-07

དུས་རབས་ཉི་ཤུ་བའི་ལོ་རབས་དྲུག་ཅུ་ནས་བདུན་ཅུའི་རིང་ལ་རྒྱལ་ཁབ་སོ་སོས་ཁོར་ཡུག་སྲུང་སྐྱོང་བྱེད་པའི་བྱ་འགུལ་སྤེལ་ཏེ། ཁོར་ཡུག་གི་གནད་དོན་ནི་སྤྱི་ཚོགས་ཀྱི་གནད་དོན་གཙོ་བོ་ཞིག་ཏུ་བཞག་ཡོད། རྒྱལ་མཚམས་ལས་བརྒལ་བའི་ཁོར་ཡུག་གི་གནད་དོན་རེ་འགའ་རྒྱུན་དུ་འབྱུང་བཞིན་ཡོད་པས། ཁོར་ཡུག་གི་གནད་དོན་དང་ཁོར་ཡུག་སྲུང་སྐྱོང་བྱ་རྒྱུའི་བྱ་བ་དེ་རིམ་གྱིས་རྒྱལ་སྤྱིའི་སྤྱི་ཚོགས་ཀྱི་མིག་ལམ་དུ་བཤམས་པ་རེད། 1972ལོའི་ཟླ6པའི་ཚེས5ནས་ཚེས6གི་བར་དུ་མཉམ་འབྲེལ་རྒྱལ་ཚོགས་ཀྱིས་སི་ཐོག་ཁོར་མོ་ནས་མིའི་རིགས་ཀྱི་ཁོར་ཡུག་ཐད་ཀྱི་ཚོགས་འདུ་འཚོགས་པ་དང་། རྒྱལ་ཁབ113ནས་སླེབས་པའི་སྲིད་གཞུང་གི་འཐུས་མི་དང་དམངས་ཁྲོད་ཀྱི་མི་སྣས་འཛམ་གླིང་གི་དེང་རབས་ཁོར་ཡུག་གི་གནད་དོན་དང་འཛམ་གླིང་ཧྲིལ་བོའི་ཁོར་ཡུག་སྲུང་སྐྱོང་བྱེད་པའི་ཐད་ལ་དཔྱད་བསྡུར་བྱས་ཏེ། འཛམ་གླིང་གི་རྒྱལ་ཁབ་སོ་སོའི་མི་དམངས་ཀྱིས་མིའི་རིགས་ཀྱི་ཁོར་ཡུག་རྒྱུན་འཁྱོངས་དང་ཇེ་ལེགས་སུ་གཏོང་བར་སྐུལ་མ་གཏོང་བ་དང་མཛུབ་སྟོན་བྱེད་པའི་ཆེད་དུ《མཉམ་འབྲེལ་རྒྱལ་ཚོགས་མིའི་རིགས་ཁོར་ཡུག་ཚོགས་འདུ་བསྒྲགས་ཡིག 》དང་། ཨང109པའི་གྲོས་གཞི་འདུས་པའི་འཛམ་གླིང་ཧྲིལ་པོའི་ཁོར་ཡུག་སྲུང་སྐྱོང་གི་ལག་བསྟར་འཆར་གཞི་གཏན་འབེབས་བྱས། དེར་ཐུན་མོང་གི་ལྟ་ཚུལ7དང་རྩ་དོན26བཏོན། ཐེངས་འདིའི་ཚོགས་མགོ་བཟུང་བའི་ཉིན་དང་པོ་དེ་འཛམ་གླིང་གི་ཁོར་ཡུག་ཉིན་མོ་རུ་གཏན་འབེབས་བྱེད་དགོས་པའི་གྲོས་གཞི་རུ་གླེང་། གྲོས་གཞི་དེ་1972ལོའི་ཟླ10པར་སྐབས27པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྟེང་གྲོས་འཆམ་བྱུང་སྟེ། ལོ་རེའི་ཟླ6པའི་ཚེས5ལ་འཛམ་གླིང་ཁོར་ཡུག་ཉིན་མོ་རུ་གཏན་ཁེལ་བྱས། མཉམ་འབྲེལ་རྒྱལ་ཚོགས་ཀྱིས་ལོ་དེའི་འཛམ་གླིང་གི་ཁོར་ཡུག་ཐད་ཀྱི་གནད་དོན་གཙོ་ཤོས་དང་གླེང་གཞིར་གྱུར་པའི་ཁོར་ཡུག་གཞི་བྱས་ཏེ། དམིགས་ཡུལ་ཡོད་པའི་སྒོ་ནས་ལོ་རེའི་འཛམ་གླིང་གི་ཁོར་ཡུག་ཉིན་མོའི་བརྗོད་བྱ་གཏན་ཁེལ་བྱེད་རྒྱུ་ཡིན་ལ། མཉམ་འབྲེལ་རྒྱལ་ཚོགས་ཀྱི་ཁོངས་གཏོགས་རྩ་འཛུགས་དང་རྒྱལ་ཁབ་སོ་སོའི་སྲིད་གཞུང་གིས་ལོ་རེའི་ཉིན་དེར་བྱ་འགུལ་སྣ་ཚོགས་སྤེལ་ནས་མིའི་རིགས་ཀྱིས་ཁོར་ཡུག་ལ་སྲུང་སྐྱོང་དང་བཅོས་སྒྱུར་བྱེད་དགོས་པའི་གལ་ཆེན་རང་བཞིན་ཁྱབ་བསྒྲགས་བྱེད་པ་དང་མཉམ་དུ་མཉམ་འབྲེལ་རྒྱལ་ཚོགས་ཀྱི་ཁོར་ཡུག་འཆར་འགོད་ཧྲུའུ་ཡོས《ད་ཡོད་ཁོར་ཡུག་གནས་ཚུལ་གྱི་སྙན་ཞུ་ཡིག་ཆ 》གསལ་བསྒྲགས་བྱས།

འཛམ་གླིང་ཁོར་ཡུག་གི་ཉིན་མོ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10