སྤྱི་ཟླ7པའི་ཚེས25ནས27ཉིན་བར་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་སི་ཁྲོན་དུ་ཕེབས་ནས་རྟོག་ཞིབ་གནང་། དེ་ནི་ཚེས25ཉིན་གྱི་ཕྱི་དྲོར་ཞི་ཅིན་ཕིང་གིས་ཀོང་ཡོན་གྲོང་ཁྱེར་ཅན་ཀོ་རྫོང་ཚུའེ་ཡུན་བར་ཁྱམས་སུ་རྟོག་ཞིབ་གནང་བཞིན་པའི་ཚུལ་རེད།

●སྐྱེ་ཁམས་ཤེས་དཔལ་འཛུགས་སྐྱོང་དམ་འཛིན་བྱེད་པར་ངེས་པར་དུ་ལམ་ལུགས་ཀྱི་སྒྲོམ་གཞི་ཡག་པོ་བཙུགས་ནས་ལམ་ལུགས་ལག་བསྟར་དམ་འཛིན་བྱེད་པ་དང་དུས་མཚུངས་སུ་རྒྱ་ཆེ་བའི་མི་དམངས་མང་ཚོགས་ཀྱི་ཧུར་བརྩོན་རང་བཞིན་དང་མ་སྐུལ་དང་བླངས་རང་བཞིན།གསར་གཏོད་རང་བཞིན་བཅས་སྐུལ་སློང་གང་ལེགས་བྱས་ཏེ་དུས་རབས་གསར་པའི་སྐྱེ་ཁམས་ཤེས་དཔལ་འཛུགས་སྐྱོང་གི་གྲུབ་འབྲས་སྲ་བརྟན་དང་འཕེལ་རྒྱས་གཏང་དགོས།

●དེའུ་གསུམ་གནའ་ཤུལ་རྟོག་ཞིབ་གྲུབ་འབྲས་ཀྱིས་འཛམ་གླིང་ཐོག་སྐད་གྲགས་ཆོད་ཡོད། དེ་ནི་ལོ་ངོ་བཞི་སྟོང་ལྷག་གོང་གི་ཤེས་དཔལ་གྱི་གྲུབ་འབྲས་མངོན་ཡོད་པས། ཀྲུང་ཧྭའི་ཤེས་རིག་སྣ་མང་གཞི་གཅིག་དང་། གནའ་བོའི་སི་ཁྲོན་ཤེས་རིག་དང་ཀྲུང་ཡོན་ཤེས་རིག་ཕན་ཚུན་ཤུགས་རྐྱེན་ཐེབས་པ་སོགས་གནའ་རྫས་རྟོག་ཞིབ་ཀྱི་དངོས་དཔང་དེ་བས་ནུས་ལྡན་མཁོ་འདོན་བྱས་ཡོད། རིག་དངོས་སྲུང་སྐྱོང་ཉམས་གསོ་བྱ་རྒྱུ་ནི་ཡུན་རིང་གི་ལས་འགན་ཞིག་ཡིན་པས་རྒྱལ་ཁབ་ཀྱི་རྒྱབ་སྐྱོར་བྱེད་ཤུགས་ཆེ་རུ་གཏོང་བ་དང་།ཤེས་ལྡན་པའི་དཔུང་ཁག་འཛུགས་སྐྱོང་ལ་ཤུགས་སྣོན་པ། ལག་ཤེས་པའི་སྙིང་སྟོབས་གཟབ་ནན་སྒོས་དར་སྤེལ་གཏོང་བ་བཅས་བྱས་ནས་དོན་དག་རེ་རེ་བཞིན་བསྒྲུབས་ཏེ་སྙིང་རུས་གཏན་འཁྱོངས་ཀྱིས་གྲུབ་འབྲས་དེ་བས་ཆེན་པོ་ཐོབ་པ་བྱ་དགོས།

●སི་ཁྲོན་གྱི་ལས་དོན་ཁག་ལ་གྲུབ་འབྲས་ཐོབ་པར་ཁས་ལེན་གང་ལེགས་གནང་ཞིང་། སི་ཁྲོན་གྱིས་ཚན་རྩལ་གསར་གཏོད་དང་ཚན་རྩལ་གྲུབ་འབྲས་གཞན་སྒྱུར་ལ་སྐུལ་འདེད་གཏོང་བའི་ཐད་མཉམ་དུ་ཤུགས་བསྣན་ཏེ། དེང་རབས་ཅན་གྱི་ཐོན་ལས་མ་ལག་བསྐྲུན་པའི་ཐད་ཤུགས་འདོན་གནད་ལ་སྨིན་པ་དང་། ཡུལ་སྡེ་དར་རྒྱས་གཏང་བར་སྐུལ་འདེད་གཏོང་བའི་ཐད་ཁྱོན་ཡོངས་ནས་ཤུགས་རྒྱག་པ། འབྲི་ཆུ་དང་རྨ་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཡོལ་བརྟན་དུ་གཏོང་བའི་ཐད་མུ་མཐུད་ཤུགས་སྣོན་པ་བཅས་ཀྱི་རེ་བ་ནན་བཏོན་གནང་བ་རེད།

●ཚན་རྩལ་གསར་གཏོད་ལ་བརྟེན་ནས་འཕེལ་རྒྱས་ཀྱི་ཁྱབ་ཁོངས་གསར་པ་དང་འགྲན་ལམ་གསར་པ་གཏོད་པ་དང་འཕེལ་རྒྱས་ཀྱི་སྒུལ་ནུས་གསར་པ་དང་ལེགས་ཆ་གསར་པ་གཏོད་རྒྱུ་ནི་དུས་ཀྱི་འཁོར་ཕྱོགས་ཡིན་ལ།འཕེལ་རྒྱས་སྤུས་ཚད་མཐོན་པོར་ཁ་ཚ་དགོས་གཏུག་གི་བླང་བྱ་ཞིག་ཀྱང་ཡིན་པས། ངེས་པར་དུ་གསར་གཏོད་གསར་སྐྲུན་དང་ལྷག་པར་དུ་ཚན་རྩལ་གསར་གཏོད་ལ་བརྟེན་ནས་སྒུལ་ཤུགས་བསྒྱུར་བཀོད་དང་སྒུལ་ནུས་གཞན་སྒྱུར་བྱ་དགོས། སི་ཁྲོན་གྱིས་མཐོ་རིམ་སློབ་གྲྭ་དང་ཚན་ཞིབ་སྒྲིག་གཞི་མང་བ་དང་གསར་གཏོད་ཤེས་ལྡན་པ་མང་བའི་ལེགས་ཆ་དང་ཐོན་ལས་མ་ལག་ཅུང་འཐུས་ཚང་དང་ཐོན་ལས་ཀྱི་རྨང་གཞི་ཕུན་སུམ་ཚོགས་པའི་ལེགས་ཆ་འདོན་སྤེལ་བྱས་ནས་ཚན་རྩལ་གསར་གཏོད་དང་ཚན་རྩལ་གྲུབ་འབྲས་གཞན་སྒྱུར་ཐད་མཉམ་དུ་ཤུགས་འདོན་དགོས། ཚན་རྩལ་གསར་གཏོད་མ་ལག་འཐུས་སྒོ་ཚང་དུ་གཏོང་བ་དང་། རྒྱལ་ཁབ་ཀྱི་འཐབ་ཇུས་དང་ཚན་རྩལ་སྟོབས་ཤུགས་དང་ཐོན་ཁུངས་འབྲེལ་མཐུད་ཧུར་ཐག་བྱེད་པ་དང་། གསར་གཏོད་ཐོན་ཁུངས་བཀོད་སྒྲིག་བྱེད་སྟངས་ལེགས་འགྱུར་དང་འཐུས་ཚང་དུ་གཏོང་བ། གནད་འགག་དང་སྲོག་ཤིང་ལྟ་བུའི་ལག་རྩལ་ཁག་ཅིག་གི་འགག་གནད་སྒྲོལ་གང་ཐུབ་བྱས་ཏེ་ནུབ་རྒྱུད་ས་ཁུལ་གྱི་གསར་གཏོད་བཙན་ས་ཧུར་ཐག་བསྐྲུན་དགོས།