ཉེ་ཆར། འཕྲིན་ཕྲན་གྱིས་“གཡར་ཡིག་ནུས་པ”ཞེས་པའི་ནུས་པ་གསར་པ་ཞིག་བཏོན་པ་སྟེ། དྲ་གྲོགས་ཚོས་འདི་ནི་ཕན་གོ་ཆོད་པོ་འདུག་སྟེ། རྗེས་ཕྱོགས་སུ་རང་གིས་གཡར་དངུལ་འཁྱེར་ཤོག་ཟེར་ནས་དོམ་འདེད་མི་དགོས་ཟེར། 
   དོན་དངོས་སུ་འདི་ནི་“ཐུན་ཞུན་གློག་རྡུལ་གན་རྒྱ”ཡི་གོ་རིམ་ཆུང་ཆུང་ཞིག་རེད། གཙོ་བོ་ནི་ཕྱོགས་གཉིས་བར་བཞག་པའི་ཁང་པ་བོགས་གླ་གཏོང་བའི་གན་རྒྱ་ལ་སོགས་པའི་འཛིན་ཡིག་སྣ་ཚོགས་དོ་དམ་བྱ་བར་སྤྱད་འཐུས། 
   གོ་ཐོས་ལྟར་ན། ནུས་པ་འདི་ནི་གྲོགས་པོའི་བར་དངུལ་གཡར་བའི་སྐབས་སྟབས་བདེ་པོ་ཞིག་ཡིན་ཏེ། དེ་ལ་བཅའ་ཁྲིམས་ཀྱི་ནུས་པའང་ལྡན་ཡོད། ད་ཆར། གློག་རྡུལ་གཏོང་སྤྲོད་ཁྱབ་རྒྱ་ཇེ་ཆེར་འགྲོ་བཞིན་ཡོད་ཅིང་། ཚང་མས་དངུལ་གཡར་དུས་འཕྲིན་ཕྲན་ཐོག་བརྒྱུད་སྤྲོད་བྱེད་བཞིན་ཡོད་པས། དཔང་ཡིག་ཡག་པོ་ཞིག་འཇོག་ཐབས་མེད་ལ། རྗེས་སུ་གཡར་མཁན་གྱིས་ཁས་མི་ལེན་པའང་གང་མང་ཡོད། ད་ལྟར་བྱུང་འཛིན་འདི་ཡོད་པ་ལས། བློ་བདེ་པོའི་ངང་གཞན་ལ་དངུལ་གཡར་ཆོག་ཅིང་། གཞན་གྱིས་ཀྱང་རང་རྟོགས་ཀྱིས་ཚུར་སྤྲོད་དུ་འཇུག་ཆོག་པས། དོམ་འདེད་པར་སེམས་ཁྲལ་བྱེད་མི་དགོས། 
   བྱུང་འཛིན་དེར་མིང་རྟགས་བཀོད་ནས་དངུལ་གཡར་བའི་དམིགས་ཡུལ་གང་ཡིན་མཆན་གསལ་པོ་འགོད་པ་དང་། གཡར་དངུལ་ཚུར་ལེན་པའི་དུས་ཚོད་ཅིག་སྒྲིག་འགོད་བྱས་ན། དུས་དེར་སླེབས་དུས་ཕ་རོལ་པོར་གཡར་དངུལ་སྤྲོད་དགོས་པའི་དྲན་སྐུལ་རང་ཤུགས་སུ་འབྱོར་རྒྱུ་རེད། 
  གོང་དུ་བརྗོད་པའི་བཀོལ་སྤྱོད་ཚང་མ་བདེ་འཇགས་དང་བློ་གཏད་ཆོག་དམ་ཟེར་ན། 
   དེ་ལ་སེམས་ཁྲལ་བྱ་མི་དགོས། 
“ཐུན་ཞུན་གློག་རྡུལ་གན་རྒྱ”ལ་མིང་རྟགས་བཀོད་པའི་གན་རྒྱ་བེད་སྤྱོད་པ་ལ། དམངས་དོན་ཁྲིམས་གཞུང་གི་གློག་རྡུལ་མིང་རྟགས་བཀོད་པའི་བཅའ་ཁྲིམས་ཀྱི་གཏན་འབེབས་ཁག་ནན་གྱིས་བརྩི་སྲུང་བྱེད་དགོས། གན་རྒྱའི་གློག་རྡུལ་གྱི་དཔང་ཡིག་དང་ཤོག་བུའི་གན་རྒྱའི་ནུས་པ་གཅིག་མཚུངས་ཡིན་པ་མ་ཟད། ད་དུང་དེ་བས་བདེ་འཇགས་ཡིན་པ་སྟེ། གན་རྒྱ་འདིའི་གོ་རིམ་དང་མཇུག་འབྲས་ཚང་མ་ལ་ཚན་ཚན་ཕྲེང་སྦྲེལ་ལག་རྩལ་གྱིས་གཏན་འཇགས་ངང་ཉར་ཚགས་བྱས་ཡོད་པས། གཞན་གྱིས་བཟོ་བཅོས་རྒྱག་མི་ཐུབ།