ཤར་ཕྱག་ན་རྡོ་རྗེའི་གནས་རི།


ལྷོ་འཇམ་དཔལ་དབྱངས་ཀྱི་གནས་རི།


བྱང་སྤྱན་རས་གཟིགས་ཀྱི་གནས་རི།
 

དཀར་མཛེས་བོད་རིགས་རང་སྐྱོང་ཁུལ་གྱི་ལྷོ་ངོས་དང་མདོ་དབུས་མཐོ་སྒང་གི་ཤར་ཕྱོགས་སུ་ཆགས་པའི་འདབ་པ་རྫོང་ཁོངས་ཀྱི་རིགས་གསུམ་མགོན་པོའི་གནས་རི་ནི་ཡུལ་ཕྱོགས་སོ་སོ་ནས་ཕེབས་པའི་གནས་སྐོར་བ་རྣམས་ཀྱིས་གངས་རིའི་བརྗིད་ཉམས་དང་རང་བྱུང་གི་མཛེས་སྡུག་ལ་རོལ་མྱོང་བྱེད་པའི་ཡུལ་ཁྱད་དུ་འཕགས་པ་ཞིག་ཡིན་པར་མ་ཟད། དད་ལྡན་སེར་སྐྱ་ཕོ་མོ་ཀུན་གྱིས་རྣམ་དཀར་ལས་ལ་རྩེ་གཅིག་ཏུ་གཞོལ་ཏེ་སྒོ་གསུམ་གྱི་སྒྲིབ་པ་བྱང་བར་མཛད་པའི་གནས་མཆོག་ཅིག་ཀྱང་ཡིན་པ་རེད། ལོ་རྒྱུས་དེབ་ཐེར་ལས་གསལ་བ་ལྟར་ན་འདབ་པའི་གནས་རི་དེ་འཛམ་གླིང་གི་ནང་བསྟན་ཆོས་ལུགས་ཀྱི་གནས་རི24ཁྲོད་ཨང་རིམ11པར་བརྩི་བཞིན་ཡོད།
　　བྱང་འཕགས་པ་སྤྱན་རས་གཟིགས་ཀྱི་གནས་རིའི་མཐོ་ཚད་ལ་སྨི6032ཡོད་པ་དང་། ལྷོ་འཇམ་དཔལ་དབྱངས་ཀྱི་གནས་རིའི་མཐོ་ཚད་ལ་སྨི5958། ཤར་ཕྱག་ན་རྡོ་རྗེའི་གནས་རིའི་མཐོ་ཚད་ལ་སྨི5958བཅས་ཡོད་པ་རེད།