རྒྱལ་པོ་ཁྲི་སྲོང་ལྡེ་བཙན་གྱི་སྐུ་དུས་འདིར། བོད་ཀྱི་གསོ་རིག་ལོ་རྒྱུས་ཐོག་གསུབ་ཏུ་མེད་པའི་མཛད་རྗེས་མང་ཡང་འབྲིར་མི་ལང་ལ། བོད་སྨན་མཁས་པ་མི་དགུར་གྲགས་པ་ནི། སྟོད་ན་གཡུ་ཐོག་ཡོན་ཏན་མགོན་པོ། བི་བྱི་ལེགས་མགོན། འུག་པ་ཆོས་བཟང་གསུམ། བར་ན་ཆེར་རྗེ་ཞིག་པོ། མི་ཉག་རོང་རྗེ། བྲང་ཏི་རྒྱལ་བཟང་གསུམ། སྨད་ན་གཉའ་བ་ཆོས་བཟང་། སྟོང་སྨན་གྲགས་རྒྱལ། མཐའ་བཞི་དར་པོ་བཅས་སོ། །

     དེ་རྣམས་ལས་ཀྱས་ཁྱད་དུ་འཕགས་པ་སྨན་པའི་རྒྱལ་པོར་གྲགས་པ་གཡུ་ཐོག་ཡོན་ཏན་མགོན་པོ་ནི་རྒྱལ་པོ་དང་དགུང་མཉམ་ཡིན་ཏེ་སྒོ་བཞི་རེ་ཐང་དུ་སྐུ་འཁྲུངས། བོད་ཀྱི་གསོ་རིག་གི་གཞུང་དང་ལག་ལེན་ཐམས་ཅད་ཐུགས་སུ་ཆུད་པ་མཛད།རྒྱལ་ཁམས་དུ་མ་བསྐོར་ནས་བོད་ཀྱི་གསོ་རིག་ཆ་ཚང་བར་མཛད་པ་སོགས་ཁོང་གི་རྣམ་ཐར་ལས་ཤེས་པར་གྱིས་ཤིག་གུ།