བོད་ཀྱི་དུར་ཁྲོད།

སྒ་བུས་བྲིས། གཉན་པོ་གཡུ་རྩེ། 2011-05-31

མི་ལུས་ཤིག་བླངས་པ་ནས་མཐར་འཆི་བར་ཐུག་ཡོད་ལ། ཤི་བའི་ཚེ་ན་དུར་ཁྲོད་དུ་སྐྱེལ་དགོས་པའང་ཆོས་ཉིད་དོ། ། དེ་བས་བོད་མི་བྱུང་བ་ནས་འཆི་བ་བྱུང་ཡོད་ལ། འཆི་བ་བྱུང་བ་ནས་བོད་ཀྱི་དུར་ཁྲོད་ཀྱང་མགོ་བརྩམས་ཡོད། བོད་མི་བྱུང་ནས་དུས་རབས་མང་བོ་འདུས་ཤིང༌། དུས་རབས་ཀྱི་གོ་རིམ་ཁྲོད་དུ་བོད་མིའི་ཤེས་པའམ་གོ་རྟོགས་ལ་འཕེལ་རྒྱས་བྱུང་ཞིང༌། བོད་མིའི་གོ་རྟོགས་ཇེ་མཐོར་སོང་བ་དང་བསྟུན་ནས། བོད་ཀྱི་དུར་ཁྲོད་ཀྱང་ཁ་ཇེ་ཚང་དང་འཐུས་ཇེ་ལེགས་སུ་གྱུར་ནས། དུར་ཁྲོད་ལ་དབྱེ་བའང་འགར་བྱུང་ཡོད། ༡ བྱ་དུར། ༢ ཆུ་དུར། ༣ ས་དུར། ༤ མེ་དུར་རོ། །

གཅིག བྱ་དུར། བྱ་དུར་ལའང་གཉིས་ཡོད་དེ།
༡ དགོན་པའི་མཐའ་རུ་བེམ་པོ་གཙབས་ཏེ། བྱ་རྒོད་ཀྱི་ཚོགས་ལ་སྟེར་བ། ༢ ས་དབྱིབས་ལེགས་པའི་གནས་ཤིག་ཏུ་བེམ་པོ་བཞག་ནས་བྱར་ཟ་རུ་འཇུག་པ།

གཉིས་པ། ཆུ་དུར། ཆུ་དུར་ནི་བེམ་པོ་ཆུར་འཕངས་ནས་ཆུར་གནས་ཀྱི་ཤ་གཟན་སྲོག་ཆགས་ལ་ཟ་རུ་འཇུག་པ།

གསུམ་པ།ས་དུར། ས་དུར་ནི་བེམ་པོ་ས་འོག་ཏུ་བཅུག་ནས་ས་འོག་གི་འབུ་སྲིན་ལ་ཟ་རུ་འཇུག་པ།

བཞི་བ། མེ་དུར། མེ་དུར་ནི་བེམ་པོ་མེར་བསྲེགས་ནས་དྲི་ཟ་དག་ལ་རོལ་དུ་བཅུག་པ།
བླ་མའི་སྐུ་གདུང་མ་གཏོགས་པ་ཕར་ཆེར་འདིར་མ་འདུས་པ་མེད་ལ།གོང་གི་དུར་ཁྲོད་འདི་དག་གི་རྣམ་པ་མི་གཅིག་པ་ཙམ་ལས་ངོ་བོ་སྦྱིན་པ་ཡིན་ནོ། ། སྤྱིར་བཏང་སྤྱིན་པ་ལ་རྣམ་པ་གསུམ་ཡོད་དེ། ༡ཟང་ཟིང་གི་སྤྱིན་པ། ༢ ཆོས་ཀྱི་སྦྱིན་པ། ༣ མི་འཇིགས་པའི་སྦྱིན་པ། ༤ བྱམས་པའི་སྦྱིན་པ་བཞིའོ། ། དེ་དག་ལས་བོད་ཀྱི་དུར་ཁྲོད་ནི་ཟང་ཟིང་གི་སྦྱིན་པའི་ཁོངས་སུ་འདུའོ།།

བོད་ཀྱི་དུར་ཁྲོད།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10