འབྲོག་པ་ཞིག་གིས《རྒྱལ་འཛུགས་སྟོན་ཆེན》ཞེས་པའི་ཁམས་སྐད་དུ་བསྒྱུར་བའི་གློག་བརྙན་ཞིག་ལ་བལྟས་རྗེས་ཧ་ལས་པའི་ཚུལ་གྱིས་ཙུང་ལི་ཀྲུའོ་ཨེན་ལེ་ཡིས་ཀྱང་བོད་སྐད་དེ་འདྲ་ཡག་པོ་བཤད་ཀྱིན་འདུག་ཅེས་བཤད།གློག་བརྙན་དེའི་ཙུང་ལི་ཀྲོའུ་ཨེན་ལེ་ལ་སྒྲ་སྦྱོར་གནང་མཁན་ནི་ཁམས་པའི་སྒྲ་སྦྱོར་བ་གྲགས་ཅན་བཀྲ་ཤིས་དཔལ་འབྱོར་ཡིན་ཞིང་།ཁོང་གིས་སྒྲ་སྦྱོར་སྐབས་ཙུང་ལི་ལགས་ཀྱི་སྐད་གདངས་གཞན་དུ་མ་ཤོར་བ་ཙུང་ལི་རང་ནས་བོད་སྐད་རྒྱག་པ་ནང་བཞིན་གྱི་སྣང་འཆར་ཟབ་མོ་བཞག་ཐུབ་པ་བྱུང་ཡོད།
བཀྲ་ཤིས་དཔལ་འབྱོར་ལགས་ནི་གངས་ལྗོངས་ཁ་བ་རི་བོའི་ཡུལ་ན་དགེ་བཅུའི་དཔལ་འབར་བའི་སྡེ་ཞེས་ཡོངས་སུ་གྲགས་པའི་མདོ་ཁམས་སྡེ་དགེ་དབོན་པོ་སྟོད་ཀོ་སྨད་གྲོང་དུ་སྤྱི་ལོ༡༩༦༨ལོར་ཕ་སེང་གེ་རྒྱལ་པོ་དང་མ་ལྷ་དཀར་གཉིས་ཀྱི་སྲས་སུ་འཁྲུངས།སྐུ་ན་ཕྲ་བའི་དུས་ན་རིག་པ་གསལ་ལ་སྒྲ་སྣ་ཚོགས་ལ་ལད་ཟློས་དག་ཅིང་ཀུ་རེ་དང་ཁ་མཚར།གླུ་གཞས་དང་ཞབས་བྲོ་སོགས་ལ་དགའ་ཞེན་དང་ཡང་དག་མ་འོངས་པའི་སྒྱུ་རྩལ་བ་ཞིག་ཡོང་བའི་རྨང་གཞི་ལེགས་པར་འདིངས།རིམ་པར་སློབ་ཆུང་ནས་ཤེས་བྱ་རིག་པའི་གནས་ལ་བུང་བས་དྲི་ལྡན་མེ་ཏོག་གི་དགའ་ཚལ་ན་རྩེད་དགར་ཅི་འདོད་ལ་རོལ་བཞིན་མཐར་སྤྱི་ལོ༡༩༩༥ལོར་ལྷོ་ནུབ་མི་རིགས་སློབ་གྲྭ་ཆེན་མོ་རུ་ཞུགས་ཏེ་ཙི་ནའི་གཙུག་ལག་གི་བསྟན་བཅོས་ཁག་དང་གངས་ལྗོངས་བཅུ་ཕྲག་རིག་པའི་གནས་ལ་སློབ་སྦྱོང་མཛད།དེ་ཡང་ནུབ་ཕྱོགས་ཀྱི་རིག་གཞུང་ཁག་ལའང་མི་དམན་པའི་སློབ་སྦྱོང་གནང་ཡོད་ལ།སློབ་གྲྭ་ཆེན་མོ་ནས་སློབ་མཐར་ཕྱིན་རྗེས་དཀར་མཛེས་ཁུལ་རིག་གནས་ཅུས་ནང་ཕྱག་ལས་གནང་།གསར་འགྱུར་དང་ཡིག་བསྒྱུར་དུ་མ་ཞིག་གནང་བས་རིམ་པར་དཀར་མཛེས་ཁུལ་དཔེ་མཛོད་ཁང་གི་འགོ་གཙོ་དང་དཀར་མཛེས་ཁུལ་ལི་ཐང་རྫོང་གི་རྫོང་དཔོན་གཞོན་པ།དེང་སང་དཀར་མཛེས་ཁུལ་རིག་གནས་ཁང་གི་འགོ་གཙོ་ཡི་འགན་བཞེས་བཞིན་ཡོད།
འདི་སྔར་སྤྱི་ལོ༡༩༨༥ལོ་ནས་ལོ་དུ་མ་ཞིག་ན་དཀར་མཛེས་ཁུལ་གློག་བརྙན་ཀུང་སི་ན་ཡིག་སྒྱུར་དང་གློག་བརྙན་སྐད་སྒྱུར་གྱི་ཕྱག་ལས་མཛུབ་ཁྲིད་གནང་ཡོད།སྔ་ཕྱི་ཀུན་ཏུ་གློག་བརྙན་ཉིས་བརྒྱ་ལྷག་ཙམ་ལ་ཡིག་སྒྱུར་དང་སྐད་སྒྲ་སྒྱུར་གནང་།ཁྱད་པར་དུ་《ལྕགས་རི་རིང་མོའི་དགྲ་འཐབ།》དང་《ཀྲུང་གོའི་དཔའ་རྒོད།》《ཕུང་ཏེ་ཤེའེ།》
《ན་གཞོན་ཉེས་ཅན》སོགས་ཀྱི་གློག་བརྙན་ཁག་ལ་སྐད་སྒྱུར་ཕབ་གནང་བ་ལེགས་འགྲུབ་བྱུང་སྟེ་ཞིང་ཆེན་དང་ལྗོངས་ལྔ་ན་ཡིག་སྒྱུར་ཕུལ་བྱུང་ཅན་གྱི་བྱ་དགའ་ཐོབ་ཡོད།སྤྱི་ལོ༡༩༩༢ལོར《རྒྱལ་འཛུགས་སྟོན་ཆེན།》ཞེས་པའི་དུས་ཚོད་ཆེས་རིང་བའི་གློག་བརྙན་ཆེན་པོ་དེའི་ནང་ཙུང་ལི་ཀྲོའུ་ཨེན་ལེ་གཙོས་མི་སྣ་ཁག་ལ་སྐད་སྒྱུར་སྦྱར་ལེགས་པར་གནང་བས་རྒྱལ་ཡོངས་ཀྱི་གཡུ་འབྲུག་གནམ་འཕུར་ཅན་གྱི་བྱ་དགའ་ཐོབ།སྤྱི་ལོ༡༩༩༨ལོའི་《ཐང་ཙེ་མིང་ཀྲུའུ་ཞི་ཨ་རི་ལ་ལྟ་སྐོར་ཕེབས་པ།》ཞེས་པའི་མངོན་བཤུས་གློག་བརྙན་དང་༡༩༩༩ལོར་《ཆུ་བོ་དམར་པོའི་ལུང་པ།》ཞེས་པའི་རྒྱལ་གཅེས་གློག་བརྙན་ལ་ཡིག་སྒྱུར་དང་སྐད་སྒྱུར་ཕབ་གནང་བ་ལེགས་འགྲུབ་བྱུང་སྟེ་ཞིང་ཆེན་དང་ལྗོངས་ལྔ་ན་ཡིག་སྒྱུར་ཕུལ་བྱུང་ཅན་གྱི་བྱ་དགའ་ཐོབ་ཡོད།སྤྱི་ལོ༡༩༩༢ལོར《རྒྱལ་འཛུགས་སྟོན་ཆེན།》ཞེས་པའི་དུས་ཚོད་ཆེས་རིང་བའི་གློག་བརྙན་ཆེན་པོ་དེའི་ནང་ཙུང་ལི་ཀྲོའུ་ཨེན་ལེ་གཙོས་མི་སྣ་ཁག་ལ་སྐད་སྒྱུར་སྦྱར་ལེགས་པར་གནང་བས་རྒྱལ་ཡོངས་ཀྱི་གཡུ་འབྲུག་གནམ་འཕུར་ཅན་གྱི་བྱ་དགའ་ཐོབ།སྤྱི་ལོ༡༩༩༨ལོའི《ཅང་ཙེ་མིང་ཀྲུའུ་ཞི་ཨ་རི་ལ་ལྟ་སྐོར་ཕེབས་པ།》ཞེས་པའི་མངོན་བཤུས་གློག་བརྙན་དང་༡༩༩༩ལོར་《ཆུ་བོ་དམར་པོའི་ལུང་པ།》ཞེས་པའི་རྒྱལ་གཅེས་གློག་བརྙན་ལ་ཡིག་སྒྱུར་དང་སྐད་སྒྱུར་ཕབ་ཡང་དག་གནང་བས་རྒྱལ་ཡོངས་ཀྱི་བྱ་དགའ་དུ་མ་ཐོབ།གྲངས་ཉུང་མི་རིགས་གློག་བརྙན་སྐད་སྒྱུར་གྱི་ཁྲོད་དུ་སྔོན་ཐོན་ཅན་གྱི་དཔེ་བཟང་ལེགས་པ་བསྟན་ཡོད།