བོད་མི་རིགས་ནི་འཛམ་གླིང་ཐོག་ལོ་རྒྱུས་རིང་བའི་མི་རིགས་ཤིག་ཡིན་པ་དང་ཁྱད་དུ་འཕགས་པའི་བོད་རིག་གནས་དང་བརྐོས་མའི་ལག་རྩལ་དེ་ད་ལྟར་འཛམ་གླིང་ཐོག་གི་རྒྱལ་ཁབ་གི་ཞིབ་འཇུག་པ་རྣམས་ཀྱིས་ཞིབ་འཇུག་བྱས་ནས། ཚད་མཐོན་པོའི་སྒོ་ནས་མཐོང་ཆེན་ཐོབ་པ་རེད།
བོད་ཀྱི་བརྐོས་མའི་ལག་རྩལ་དེ་བོད་རང་ཉིད་ཀྱི་ཁྱད་ཆོས་ལྡན་ལ་རྒྱ་གར་དང་། བལ་བོ། རྒྱ་ནག་སོགས་ཀྱི་བརྐོས་མའི་སྙིང་བཅུད་ཀྱང་བསྡུ་ལེན་བྱས་ནས་ངོ་མཚར་ལྡན་པའི་བོད་སྲོལ་རྒྱུན་གྱི་ལག་རྩལ་ཞིག་ཏུ་ཆགས་ཡོད་པ་རེད། ཁྱད་པར་དུ་ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་གསུམ་པ་འཚོགས་ཚུན་ཏང་གི་མི་རིགས་སྲིད་ཇུས་དོན་ཐོག་ཏུ་འཁྱོལ་བ་བྱས་རྗེས། བོད་ཀྱི་བརྐོས་མའི་ལག་རྩལ་སོགས་སྐྱར་གསོ་བྱུང་ཡོད་པ་དང་ཆབས་ཅིག་བོད་མང་ཚོགས་ཀྱི་དབུལ་བཅོས་ཕྱུག་འགྱུར་གྱི་ཐབས་ལམ་ཞིག་འགྱུར་ཡོད་པ་རེད།