མཆོད་བྲོ།
བྲོའི་སྒོ་མོས་ཕྱེ་བྲོའི་སྒོ་མོ་ཕྱེས།བྲོའི་སྒོ་མོ་ཕྱེ་ས་སྟོད་ཀྱི་ཉི་མ་ལྷ་ས།སྟོད་ཀྱི་ཉི་མ་ལྷ་ས་ཇོ་བོ་ཡིད་བཞིན་ནོར་བུ་ལྟད་མོ་བྲོ་ལ་གཟིགས་རོགས།ལྟད་མོ་བྲོ་ལ་གཟིགས་ཤིང་བྲོའི་མཆོད་པ་འབུལ་འགྲོ།བྲོའི་སྒོ་མོ་ས་ཕྱེ་བྲོའི་སྒོ་མོ་ཕྱེས།བྲོའི་སྒོ་མོ་ཕྱེ་ས་བར་གྱི་སྡེ་དགེའི་ལུང་པ།བར་གྱི་སྡེ་དགེ་ལུང་པ་སྡེ་དགེ་ས་དབང་རྒྱལ་པོ།སྡེ་དགེ་ས་དབང་རྒྱལ་པོ་ལྟད་མོ་བྲོ་ལ་གཟིགས་རོགས།ལྟད་མོ་བྲོ་ལ་གཟིགས་ཤིང་བྲོའི་མཆོད་པ་འབུལ་འགྲོ།
  བྲོའི་སྒོ་མོ་མ་ཕྱེ་བྲོའི་སྒོ་མོ་ཕྱེ།བྲོའི་སྒོ་མོ་ཕྱེ་ས་སྨད་ཀྱི་རྒྱ་ནག་ལུང་པ།སྨད་ཀྱི་རྒྱ་ནག་ལུང་པ་རྒྱལ་སྲས་འཕགས་པ་འཇམ་དབྱངས།རྒྱལ་སྲས་འཕགས་པ་འཇམ་དབྱངས་ལྟད་མོ་བྲོ་ལ་གཟིགས་རོགས།ལྟད་མོ་བྲོ་ལ་གཟིགས་ཤིང་བྲོའི་མཆོད་པ་འབུལ་འགྲོ།
མེ་ཏོག་གཅིག་ལོ་གཉིས་ལོ་གསུམ་འཁྲུངས་པའི་མེ་ཏོག
ལོ་གསུམ་འཁྲུངས་པའི་མེ་ཏོག་མེ་ཏོག་ཨུཏྤལ་སེར་པོ།
མེ་ཏོག་ཨུཏྤལ་སེར་པོ་འདབ་ཤིང་འདབ་མ་རྒྱས་བྱུང་།
འདབ་ཤིང་འདབ་མ་ཡག་ལེ་སྟེང་ཕྱོགས་ལྷ་ལ་མཆོད་འགྲོ།
མེ་ཏོག་ལོ་གཅིག་ལོ་གཉིས་ལོ་གསུམ་འཁྲུངས་པའི་མེ་ཏོག
ལོ་གསུམ་འཁྲུངས་པའི་མེ་ཏོག་མེ་ཏོག་ཨུཏྤལ་དཀར་པོ།
མེ་ཏོག་ཨུཏྤལ་པ་དཀར་པོ་འདབ་ཤིང་འདབ་མ་རྒྱས་བྱུང་།
འདབ་ཤིང་འདབ་པ་ཡག་པོ་ལེ་འོག་ཕྱོགས་ཀླུ་ལ་མཆོད་འགྲོ།
གནམ་དང་སྤྲིན་གཉིས་བར་ལ།འབྲུག་གི་སྒོ་ང་བཞག་བྱུང་།（ལོ་ལོ།）
སྒོ་ང་ཆག་གས་མེད་ན།དཀོན་མཆོག་མཆོད་པ་འབུལ་འགྲོ།（ལོ་ལོ།）
བྲག་དང་ཤུག་པའི་མཚམས་ལ།ཁུ་བྱུག་གཡུ་སྒོང་བཞག་བྱུང་།（ལོ་ལོ།）
སྒོ་ང་ཆག་གས་མེད་ན།དཀོན་མཆོག་མཆོད་པ་འབུལ་འགྲོ།（ལོ་ལོ།）
ཆུ་དང་བྱེ་མའི་མཚམས་ལ།ཉ་སྲན་སྒོ་ང་བཞག་བྱུང་།（ལོ་ལོ།）
སྒོ་ང་ཆག་གས་མེད་ན།དཀོན་མཆོག་མཆོད་པ་འབུལ་འགྲོ།（ལོ་ལོ།）
   འཛོམས་བྲོ།
ཨ་ཆེན་ཐང་ས་གྲུ་བཞི་ལ།རྒྱ་རས་སེར་པོའི་གུར་ཞིག་ཕུབ།        
རྒྱ་རས་སེར་པོའི་གུར་ནང་ལ།སེར་པོ་གསེར་གྱི་ཁྲི་ཞིག་བརྩིག
སེར་པོ་གསེར་གྱི་ཁྲི་ཐོག་ལ།སྟག་གདན་ཁྲ་མོ་གདན་ཞིག་བཏིང་།
སྟག་གདན་ཁྲ་མོའི་གདན་ཐོག་ལ།བླ་ལུ་ཡིད་བཞིན་ནོར་བུ་བཞུགས།
ཨ་ཆེན་ཐང་ས་གྲུ་བཞི་ལ།རྒྱ་རས་སྔོན་པོའི་གུར་ཞིག་ཕུབ།
རྒྱ་རས་སྔོན་པོའི་གུར་ནང་ལ།སྔོན་པོ་གཡུ་ཡི་ཁྲི་ཞིག་བརྩིག
སྔོན་པོ་གཡུ་ཡི་ཁྲི་ཐོག་ལ།གཟིག་ཆུང་ཁྲ་མོའི་གདན་ཞིག་བཏིང་།
གཟིག་ཆུང་ཁྲ་མོའི་གདན་ཐོག་ལ།དཔོན་ལུ་ཡིད་བཞིན་ནོར་བུ་བཞུགས།
ཨ་ཆེན་ཐང་ས་གྲུ་བཞི་ལ།རྒྱ་རས་དཀར་པོའི་གུར་ཞིག་བརྩིག
རྒྱ་རས་དཀར་པོའི་གུར་ནང་ལ།དཀར་པོ་དུང་གི་ཁྲི་ཞིག་བརྩིག
དཀར་པོའི་དུང་གི་ཁྲི་ཐོག་ལ།བལ་སྟན་དཀར་པོའི་གདན་ཞིག་བཏིང་།
བལ་སྟན་དཀར་པོ་གདན་ཆོག་ལ།མ་སྲུ་ཡིད་བཞིན་ནོར་བུ་བཞུགས།
དགུང་ཨ་སྔོན་གཅིག་ལ་འཛོམ་གསུམ་（དོ）ཡོད་（ཟེར།）
སྐྱིད་ཉི་མ་ཟླ་བ་སྐར་མ་（དོ）གསུམ（ཟེར།）
སང་ན་ནིང་མ་འཛོམ་ས་ཐག་（དོ）རིང（ཟེར།）
དགུང་ཨ་སྔོན་གཅིག་ལ་འཛོམ་གསུམ（དོ）ལ་（ཟེར）།སྐྱིད་བ（དོ་）ལ་（ཟེར།）
བྲག་དཀར་འཛོམ་བྱུང་དགའ་བ་（དོ）ཡོད （ཟེར）
ཡང་རྒོད་ཕྲུག་གླག་ཕྲུག་ཁྲ་ཕྲུག（དོ）གསུམ（ཟེར།）
སང་ན་ནིང་མ་འཛོམ་ས་ཐག་（དོ）རིང（ཟེར།）།
དུས་ད་ལོ་འཛོམ་བྱུང་དགའ་བ（དོ）ལ་（ཟེར）།སྐྱིད་བ（དོ་）ལ་（ཟེར།）
སྐྱིད་ནག་སྟོད་གཅིག་ལ་འཛོམ་གསུམ（དོ）ཡོད （ཟེར）།
ཡང་སྟག་ཕྲུག་གཟིག་ཕྲུག་ཝ་ཕྲུག（དོ）གསུམ（ཟེར།）
སང་ན་ནིང་མ་འཛོམ་ས་ཐག་（དོ）རིང（ཟེར།）།
དུས་ད་ལོ་འཛོམ་བྱུང་དགའ་བ（དོ）ལ་（ཟེར）།སྐྱིད་བ（དོ་）ལ་（ཟེར།）
གཞུང་བྲོ།
ཤར་（ལ）གངས་ལ་ལ་ཡི་ལ་ཁ་ལ（ཡི་གོ）
དར་（ལ）དམར་པོ་ཡོ་ཅན་རླུང་གིས་སྐྱོད་（ཡི་གོ）
དར་（ལ）དམར་པོ་མ་རེད་རྨ་བྱ་རེད（ཡི་གོ）
བྱ（ལ）རྨ་བྱའི་སྒྲོ་རྩ་རླུང་གིས་སྐྱོད་（ཡི་གོ）
ཤར（ལ）གངས་ལ་ལ་ཡི་ལ་སྐེད་ལ（ཡི་གོ）
དར（ལ）སྔོན་པོ་ཡོ་ཅན་རླུང་གིས་སྐྱོད（ཡི་གོ）
དར་（ལ）སྔོན་པོ་མ་རེད་ཁུ་བྱུག་རེད་（ཡི་གོ）
བྱ（ལ）ཁུ་བྱུག་སྒྲོ་རྩེ་རླུང་གི་སྐྱོད（ཡི་གོ）
ཤར་（ལ）གངས་ལ་ལ་ཡི་ལ་མདའ་ལ（ཡི་གོ）
དར྇྇྇（ལ）དཀར་པོ་ཡོ་ཅན་རླུང་གིས་སྐྱོད（ཡི་གོ）
དར（ལ）དཀར་པོ་མ་རེད་ཐང་དཀར་རེད（ཡི་གོ）
བྱ་（ལ）ཐང་དཀར་སྒྲོ་རྩེ་རླུང་གིས་སྐྱོད（ཡི་གོ）
གངས་དཀར་བསིལ་ལྡན་ལུང་པའི་ཕུ་ལ་གསེར་གྱི་རྒྱ་གླིང་ཡག་མོ་འབུད་ཡོད།（ཧོ）
གསེར་གྱི་རྒྱ་གླིང་ཡག་མོ་མ་རེད་རང་སྐྱོང་བླ་ལུ་བཟང་པོའི་གསུང་སྐད（ཧོ）
རང་སྐྱོང་བླ་ལུ་བཟང་པོ་གསུང་སྐད་ཡར་སྒྲོག་ཉི་མའི（ཧོ）
ལ་བསྒྲག་ཡོད།（ཧོ）
ཡར་སྒྲོག་ཉི་མའི་（ཧོ）ལ་བསྒྲགས་ན་མར་སྒྲོན་ནོར་བུ་རྒྱབ་ལ་བསྒྲགས་ཡོད（ཧོ）
གངས་དཀར་བསིལ་ལྡན་ལུང་པའི་སྐེད་ལ་དངུལ་གྱི་རྒྱ་གླིང་ཡག་མོ་འབུད་ཡོད（ཧོ）
དངུལ་གྱི་རྒྱ་གླིང་ཡག་མོ་མ་རེད་རང་སྐྱོང་དཔོན་ལུ་བཟང་པོའི་གསུང་སྐད་（ཧོ）
རང་སྐྱོང་དཔོན་ལུ་བཟང་པོའི་གསུང་སྐད་ཡར་སྒྲོག་ཉི་མའི（ཧོ）ལ་བསྒྲག་ཡོད（ཧོ）
ཡར་སྒྲོག་ཉི་མའི་（ཧོ）ལ་བསྒྲག་ན་མར་སྒྲོག་ནོར་བུ་རྒྱབ་ལ་བསྒྲགས་ཡོད（ཧོ）
རྫོང་སར་བཀྲ་ཤིས་ལྷ་རྩེ་འདི（ཆུ་བོ་གཙང་རྒྱུད་རི་ལ་འཁྲུངས་པའི）
བྲག་རི་རྩེ་ལ་ཆགས་ཡོད（ཆགས་ལེ་དོ་ཡོད）
ཕྱི་ལ་སྐོར་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་）གྲྭ་ཚོགས་སྟོང་གི་བསྐོར་ཡོད（སྐོར་ལེ་དོ་ཡོད）
ནང་ལ་བཞུགས་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་འཇམ་སྤྲུལ་སྐུ་དབྱངས་མཁྱེན་བརྩེ་（བཞུགས་ལེ་དོ་ཡོད།）
དེ་ལ་ཕྱག་གསུམ་འཚལ་ན（ཆུ་བོ་གཙང་རྒྱུད་རི་ལ་འཁྲུངས་པའི་）
ཕྱི་མ་ངན་གསུམ་མི་འགྲོ་（མི་ལ་དོ་འགྲོ）
ཁམས་ཀྱི་བྱེ་མ་ཐང་ཆེན་འདི་（ཆུ་བོ་གཙང་རྒྱུད་རི་ལ་འཁྲུངས་པའི་）
ཆུ་གཉིས་འགྲམ་ལ་ཆགས་ཡོད།（ཆགས་ལེ་དོ་ཡོད།）
ཕྱི་ལ་སྐོར་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་）རྒྱ་ལྕང་ལྕང་མའི་བསྐོར་ཡོད་（སྐོར་ལེ་དོ་ཡོད།）
ནང་ལ་བཞུགས་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་）
རྒྱལ་བ་བྱམས་པ་མགོན་པོ（བཞུགས་ལེ་དོ་ཡོད།）
དེ་ལ་ཕྱག་གསུམ་འཚལ་ན་（ཆུ་བོ་གཙང་རྒྱུད་རི་ལ་འཁྲུངས་པའི་）
ཕྱི་མ་ངན་གསུམ་མི་འགྲོ（མི་ལ་དེ་འགྲོ）
གནས་ཆེན་དཀར་མོ་སྟག་ཚང་འདི（ཆུ་བོ་གཙང་རྒྱུད་རི་ལ་འཁྲུངས་པའི་）སྤང་རི་འགོ་ལ་ཆགས་ཡོད་（ཆགས་ལེ་དོ་ཡོད）
ཕྱི་ལ་སྐོར་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་）ལྷ་ཤིང་ཤུག་པས་བསྐོར་ཡོད་（སྐོར་ལེ་དོ་ཡོད།）
ནང་ལ་བཞུགས་པ་ཡག་ལེ（ཆུ་བོ་གཙང་རྒྱུད་རི་ལ་འཁྲུངས་པའི་）བླ་མ་ཚེ་དབང་རྡོ་རྗེ་བཞུགས་ལེ་དོ་ཡོད།
དེ་ལ་ཕྱག་གསུམ་འཚལ་ན（ཆུ་བོ་གཙང་རྒྱུད་རི་ལ་འཁྲུངས་པའི་）ཕྱི་མ་ངན་གསུམ་མི་འགྲོ（མི་ལེ་དོ་འགྲོ）
（འོ་འོ་ན་ལེ）རྒྱ་ཡར་རྩེ་མར་རྩེ་དར་རྩེ་མདོ།（འོ་འོ་ན་ལེ）རྒྱ་དར་རྩེ་མདོ་ཤོགས་གོང་མ་ནང་།（འོ་འོ་ན་ལེ）དྲིལ་སྨུག་ཆུང་བརྒྱ་ཡིས་གདོངས་ར་སྒྲིག
（འོ་འོ་ན་ལེ）སྙིང་འཚིངས་པོ་ཨེ་འདུག་ཚོང་དཔོན་ཚོ།（འོ་འོ་ན་ལེ）ཕོ་རང་ལ་མེད་དེ་བསམ་པ་དགའ།
（འོ་འོ་ན་ལེ）རྒྱ་ཡར་རྩེ་མར་རྩེ་དར་རྩེ་མདོ།（འོ་འོ་ན་ལེ）རྒྱ་དར་རྩེ་མདོ་ཤོགས་བར་མའི་ནང་།（འོ་འོ་ན་ལེ）རྟ་མདོ་དགའ་བརྒྱ་ཡིས་གདོངས་ར་སྒྲིག
（འོ་འོ་ན་ལེ）སྙིང་འཚིངས་པོ་ཨེ་འདུག་སྟག་ཆུང་ཞོ།（འོ་འོ་ན་ལེ）ཕོ་རང་ལ་མེད་དེ་བསམ་པ་དགའ།
（འོ་འོ་ན་ལེ）རྒྱ་ཡར་རྩེ་མར་རྩེ་དར་རྩེ་མདོ།（འོ་འོ་ན་ལེ）རྒྱ་དར་རྩེ་མདོ་ཤོགས་འོག་མའི་ནང་།（འོ་འོ་ན་ལེ）འབྲི་ཟིལ་དཀར་བརྒྱ་ཡིས་གདོངས་ར་སྒྲིག（འོ་འོ་ན་ལེ）སྙིང་འཚིངས་པོ་ཨེ་འདུག་མ་བསུ་ཚོ།（འོ་འོ་ན་ལེ）རང་ལ་མེད་དེ་བསམ་བ་དགའ།
  བྱེ་བྲོ།
གསེར་ལ་ལ་ཡི་ཕར་ནང་གསེར་ལ་ལ་ཡི་ཚུར་ནང་།
གསེར་ལ་ལ་ཡི་ཆུར་ནང་གསེར་གྱི་མདའ་དང་བཙུགས་ཡོད།
གསེར་གྱི་མདའ་དར་མདུན་ལ་ཤར་རྒྱུ་ཁྲི་གདུགས་ཉི་མ།
ཤར་རྒྱུ་ཡོད་ན་དགའ་བྱུང་ཐིམ་རྒྱུ་མེད་ན་སྐྱིད་བྱུང་།
（བྲོའི་རྣ་རྒྱན）ཤོམ་བྲོ་ཤོམ་བྲོ་ཤོམ་བོ་བསོད་ནམས་དབྱངས་ཀྱི་ཤོམ་བྲོ།
རྡོག་བྲོ་རྡོག་བྲོ་རྡོག་བྲོ་སྨན་ཆུང་བུ་མོའི་རྡོག་བྲོ།
དངུལ་ལ་ལ་ཡི་ཕར་ནང་དངུལ་ལ་ལ་ཡི་ཚུར་ནང་།
དངུལ་ལ་ལ་ཡི་ཚུར་ནང་དངུལ་གྱི་མདའ་དར་བཙུགས་ཡོད།
དངུལ་གྱི་མདའ་དང་མདུན་ལ་ཤར་རྒྱུ་ངང་བསིལ་ཟླ་བ།
ཤར་རྒྱུ་ཡོད་ན་དགའ་བྱུང་ཐིམ་རྒྱུ་མེད་ན་སྦྱིད་བྱུང་།
（བྲོའི་རྣ་རྒྱན）ཤོམ་བྲོ་ཤོམ་བྲོ་ཤོམ་བྲོ་བསོད་ནམས་དབྱངས་ཀྱི་ཤོམ་བྲོ།
རྡོག་བྲོ་རྡོག་བྲོ་རྡོག་བྲོ་སྨན་ཆུང་བུ་མོའི་རྡོག་བྲོ།
དུང་ལ་ལ་ཡི་ཕར་ནང་དུང་ལ་ལ་ཡི་ཚུར་ནང་།
དུང་ལ་ལ་ཡི་ཚུ་ནང་དུང་གི་མདའ་དར་བཙུགས་ཡོད།
དུང་གི་མདའ་དར་མདུན་ལ་ཤར་རྒྱུ་སྐར་མ་སྨིན་དྲུག།
ཤར་རྒྱུད་ཡོད་ན་དགའ་བྱུང་ཐིམ་རྒྱུ་མེད་ན་སྐྱིད་བྱུང་།
（བྲོའི་རྣ་རྒྱན）ཤོམ་བྲོ་ཤོམ་བྲོ་ཤོམ་བྲོ་བསོད་ནམས་དབྱངས་ཀྱི་ཤོམ་བྲོ།
རྡོག་བྲོ་རྡོག་བྲོ་རྡོག་བྲོ་སྨན་ཆུང་བུ་མོ་རྡོག་བྲོ།
ཁྱོད་ནི་གངས་སྟོད་མཐོན་པོ་（ཡི་གོ）ལ་མོ་འདི་ཡི་ཕར་ནང་།
ང་ནི་སེང་ལྕམ་དཀར་མོ（ཡི་གོ）ལ་མོ་འདི་ཡི་ཚུར་ནང་།
ལ་མོ་ཕར་ནང་ཚུར་ནང་（ཡི་གོ）ལ་མོ་འདི་ཡི་ཕར་ནང་།
ང་ནི་སེང་ལྕམ་དཀར་མོ་（ཡི་གོ）ལ་མོ་འདི་ཡི་ཚུར་ནང་།
ལ་མོ་ཕར་ནང་ཚུར་ནང་（ཡི་གོ）ཐུག་བསམ་སེམས་ལ་ཡོད་ན།
ཐུག་བསམ་སེམས་ལ་ཡོད་ན（ཡི་གོ）ཐུག་པའི་སྨོན་ལམ་འདེབས་འགྲོ།
ཁྱོད་ནི་བྲག་སྟོད་མཐོན་པོ་（ཡི་གོ）ལ་མོ་འདི་ཡི་ཕར་ནང་།
ང་ནི་ཐང་དཀར་རྒོད་པོ་（ཡི་གོ）ལ་མོ་འདི་ཡི་ཚུར་ནང་ལ་མོ་ཕར་ནང་ཚུར་ནང（ཡི་གོ）ཐུག་བསམ་སེམས་ལ་ཡོད་ན།
ཐུག་བསམ་སེམས་ལ་ཡོད་ན་（ཡི་གོ）ཐུག་པའི་སྨོན་ལམ་འདེབས་འགྲོ།
   བཀྲ་ཤིས་བྲོ།
ཤར་ཕྱོགས་ཤར་ལ་སུ་བཞུགས་སུ་མ་བཞུགས།
ཤར་ཕྱོགས་ཤར་ལ་རྡོ་རྗེ་སེམས་དཔའ་བཞུགས།
ཕྱག་གཡས་པས་བཀྲ་ཤིས་མདའ་དར་འཛིན།
ཕྱག་གཡོན་ཤོས་ཚེ་རིང་བུམ་ཆུང་འཛིན།
བཀྲ་ལ་ཤིས་པའི་མདའ་དར་བཀྲ་ལ་ཤིས།
ཚེ་ལ་རིང་པའི་བུམ་ཆུང་ཚེ（ལ་）རིང་།
ལྷོ་ཕྱོགས་ལྷོ་ལ་སུ་བཞུགས་སུ་མ་བཞུགས།
ཕྱག་གཡས་པས་བཀྲ་ཤིས་མདའ་དར་འཛིན།
ཕྱག་གཡོན་ཤོས་ཚེ་རིང་བུམ་ཆུང་འཛིན།
ཕྱག་གཡོན་ཤོས་ཚེ་རིང་བུམ་ཆུང་འཛིན།
བཀྲ་（ལ）ཤིས་པའི་མདའ་དང་བཀྲ（ལ）ཤིས།
ཚེ་（ལ）རིང་པའི་བུམ་ཆུང་ཚེ་（ལ）རིང་།
ནུབ་ཕྱོགས་ནུབ་ལ་སུ་བཞུགས་སུ་མ་བཞུགས།
ནུབ་ཕྱོགས་ནུབ་ལ་སྣང་བ་མཐའ་ཡས་བཞུགས།
ཕྱག་གཡས་པས་བཀྲ་ཤིས་མདའ་དར་འཛིན།
ཕྱག་གཡོན་ཤོས་ཚེ་རིང་བུམ་ཆུང་འཛིན།
བཀྲ（ལ）ཤིས་པའི་མདའ་དར་བཀྲ་（ལ）ཤིས།
ཚེ་（ལ）རིང་བའི་བུམ་ཆུང་ཚེ་（ལ）རིང་།
བྱང་ཕྱོགས་བྱང་ལ་སུ་བཞུགས་སུ་མ་བཞུགས།
བྱང་ཕྱོགས་བྱང་ལ་དོན་ཡོད་གྲུབ་པ་བཞུགས།
ཕྱག་གཡས་བཀྲ་ཤིས་མདའ་དར་འཛིན།
ཕྱག་གཡོན་ཤོས་ཚེ་རིང་བུམ་ཆུང་འཛིན།
བཀྲ（ལ）ཤིས་པའི་མདའ་དར་བཀྲ（ལ）ཤིས།
ཚེ་（ལ）རིང་པའི་བུམ་ཆུང་ཚེ་ལ་རིང་།
བཀྲ་ཤིས་ལུང་པའི་ཕུ་ལ་འཆི་མེད་གསེར་མཚོ་འཁྱིལ་བྱུང་།
འཆི་མེད་གསེར་མཚོའི་ཁ་ལ་གསེར་ཤིང་སྡོང་པོ་འཁྲུངས་བྱུང་།
གསེར་ཤིང་སྡོང་པོའི་རྩེར་ལ་གསེར་བྱ་བརྒྱད་ཅུ་བབ་བྱུང་།
གསེར་བྱ་བརྒྱད་ཅུ་གསུང་སྐད་པི་ཝང་བསྒྲག་ལས་སྙན་བྱུང་།
བཀྲ་ཤིས་ལུང་པའི་སྐེད་ལ་འཆི་མེད་དངུལ་མཚོ་འཁྱིལ་བྱུང་།
འཆི་མེད་དངུལ་མཚོའི་ཁ་ལ་དངུལ་ཤིང་སྡོང་པོ་འཁྲུངས་བྱུང་།
དངུལ་ཤིང་སྡོང་པོའི་རྩེར་ལ་དངུལ་བྱ་བརྒྱད་ཅུ་བབ་བྱུང་།
དངུལ་བྱ་བརྒྱད་ཅུ་གསུང་སྐད་པི་ཝང་བསྒྲགས་ལས་སྙན་བྱུང་།
བཀྲ་ཤིས་ལུང་པའི་མདའ་ལ་དུང་གི་མཚོ་མོ་འཁྱིལ་བྱུང་།
དུང་གི་མཚོ་མོ་ཁ་ལ་དུང་ཤིང་སྡོང་པོ་འཁྲུངས་བྱུང་།
དུང་གི་མཚོ་མོ་ཁ་ལ་དུང་ཤིང་སྡོང་པོ་འཁྲུངས་བྱུང་།
དུང་ཤིང་སྡོང་པོའི་རྩེར་ལ་དུང་བྱ་བརྒྱད་ཅུ་བབ་བྱུང་།
དུང་བྱ་བརྒྱད་ཅུ་གསུང་སྐད་པི་ཝང་བསྒྲག་ལས་སྙན་བྱུང་།