ང་ཚོ་བློ་ལྡན་སློབ་མ།།

དགེ་རྒན་དམ་པའི་མིག་ཡིན།།

ཕ་མ་བཟང་པོའི་སྙིང་ཡིན།།

ཀ་ཁ་ག་ངའི་གླུ་ཤེས།།

ང་ཚོ་ཡ་རབས་སློབ་མ།།

གངས་རིའི་མཛེས་པའི་མེ་ཏོག།

ང་ཚོ་གངས་རིའི་མེ་ཏོག།

མེ་ཏོག་གངས་ལྷ་མེ་ཏོག།

ཨ་ཕའི་ཁ་ཏ་སྙན་མོ།།

ཨ་མའི་འཛུམ་ཆུང་མེ་ཏོག།

ལམ་གྱི་གླུ་ཆུང་ལེན་ཞོར།།

སློབ་གྲྭའི་ནང་ལ་ཁྱེར་ཡོད།།

དཔེ་ཆ་ཆུང་ཆུང་ནང་ལ།།

གླང་ཆེན་སྣ་རིང་ཞིག་དང་།།

རི་བོང་བློ་ལྡན་ཞིག་ཡོད།།

ང་ཚོས་མཉམ་དུ་ལྟ་ལྟ།།

འཛིན་གྲྭའི་སློབ་གྲོགས་ཆུང་ཆུང་།།

མཉམ་དུ་རྩེད་མོ་རྩེ་རྩེ།།

མཉམ་དུ་གླུ་ཆུང་ལེན་ལེན།།

མཉམ་དུ་ཀ་ཁ་སྦྱངས་སྦྱངས།།

ང་ཚོ་ཁྱོད་ཀྱི་སློབ་གྲོགས།།

ཁྱོད་ཚོ་ང་ཡི་སློབ་གྲོགས།།

སློབ་གྲོགས་བཟང་པོ་ཡིན་ཡིན།།

མཐུན་པ་སྤུན་བཞི་ཡིན་ཡིན།།