ཟབ་གསང་གཏེར་གྱི་ཀློང་མཛོད་ལས་སྤྱན་དྲངས་བའི་གླིང་རྗེ་གེ་སར།(2)

ཞི་ཆུང་།        2010-08-25


 མོན་གླིང་གཡུལ་འགྱེད།
འདི་ནི་གེ་སར་རྒྱལ་པོས་ཕྱོགས་བཞིའི་རྒྱལ་ཁམས་བཏུལ་བའི་ལོ་རྒྱུས་ནང་གི་གཅིག་རེད།  ཚིགས་ལྷུག་མ་བརྩིས་ན། ཚིགས་བཅད་༩༦༣༥ཡོད་པས་མ་ཚན་པ་ཅུང་ཟད་རིང་པོ་ཞིག་རེད།   གེ་སར་རྒྱལ་པོས་སྔོན་ཆད་གླིང་གི་དཔའ་བོ་བསད་པ་ལ་འཁོན་ལེན་པའི་ཆེད་དུ། ས་སྟེང་ལྷ་ཡིས་གེ་སར་གྱི་རྨི་ལམ་ལ་རྒྱུ་ནོར་དང་བུད་མེད་ལ་ཆགས་པ་ཆེ་བའི་ཨ་ཁུ་ཁྲོ་ཐུང་ནས་མོན་མ་ཆུང་མ་བསླངས་ཀྱང་མ་བྱིན་པ་ན། རྒྱལ་ཁམས་གཉིས་ཀྱི་བར་ལ་འཐབ་འཁྲུག་བྱུང་རྗེས་སུ། མོན་ཤིང་ཁྲི་རྒྱལ་པོ་འཇའ་འོད་ཀྱིས་སྐས་ལ་འཛེགས་ནས་བྲོས་པར་མ་ཟད། ལོ་གསུམ་གྱི་རྗེས་སུ་སླར་ཡང་འཁོན་ལན་སློག་རྒྱུ་ཡིན་ཞེས་ལབ་འུར་བརྒྱབ་པ་ན། གེ་སར་རྒྱལ་པོས་མདའ་འཕངས་ཏེ་འོད་ཀྱི་སྐས་གཏོར། ཤིང་ཁྲི་བར་སྣང་ནས་ས་ལ་གཡུག་པའི་ཚེ་གླིང་དམག་གིས་དེིའ་མེམ་པོ་མེ་ལ་བསྲེགས། སྲས་མོ་མེ་ཏོག་ལྷ་མཛེས་ཀྱི་མགོ་བཏགས་པར་མ་ཟད་འབྲས་རྫོང་གི་སྒོ་ཕྱེ། གླིང་དམག་གིས་འབྲས་བླངས་ནས་རྒྱལ་ཁའི་ངང་ནས་ཕྱིར་རང་ཡུལ་ལ་ལོག་གོ།          
སུམ་པ་མཛོ་རྫོང་།
         སྒྲུང་ཡིག་འདིའི་ཚིགས་ལྷུག་མ་བརྩིས་ན་ཚིགས་བཅད་༣༠༡༥ཡོད། ནང་དོན་ནི་སུམ་པ་རྒྱལ་ཁབ་ཀྱི་རྒྱལ་པོ་ལ་མཛེས་ཤིང་ཡིད་འཕྲོག་པའི་བུ་མོ་ཞིག་ཡོད་པ་དེ་ཁྲོ་ཐུང་གིས་རྫུ་འཕྲུལ་གྱིས་ཁྱེར་བར། སུམ་པའི་བློན་པོ་དང་དམག་གིས་བདས་ནས་ཁྲོ་ཐུང་བཟུང་། ལམ་དུ་གྲུ་གུ་བརྒྱུད་སྐབས་གླིང་བློན་ཆོས་འགྲུབ་ཀྱིས་འཕྲོག་པ་རེད། རྗེས་ནས་སུམ་པའི་དམག་གིས་གླིང་གི་མཐའ་མཚམས་སུ་འཁྲུག་པ་བརྒྱབ་སྟེ་ཚོང་རྣམས་བསད། དེའི་ཕྱིར་སུམ་གླིང་བར་ལ་འཐག་འཁྲུག་བྱུང་བས་སུམ་པ་ཕམ་པར་གྱུར། སུམ་པ་རྒྱལ་པོ་བྱ་གསོབ་ལ་བསྡད་ནས་ནམ་མཁར་འཕུར་ཏེ། སུམ་ཡུལ་གྱི་སྤང་སྣ་རྩེ་མོར་བབས་པས་ད་ཅི་དྲག་བསམ་ན། གེ་སར་སུམ་སུམ་ལྷར་སྤྲུལ་ནས་གླིང་ལ་འཐབ་ན་རྒྱལ་ཁ་ལོན་ཅེས་རྫུན་ལུང་བསྟན་པས་བདེན་དུ་བཟུང་སྟེ་བྱ་གསོབ་ཕུད་པ་དང་། གེ་སར་རྒྱལ་པོས་ཞགས་པ་འཕངས་ཏེ་བཟུང་། དེ་ནས་སུམ་པ་རྒྱལ་པོས་གླིང་ལ་མགོ་བཏགས། སུམ་པ་རྒྱལ་པོའི་རོགས་རམ་འོག་ཏུ་གེ་སར་རྒྱལ་པོས་མདའ་འཕངས་ནས་སུམ་པ་མཛོ་རྫོང་གི་བྲག་སྒོ་གཏོར་ཏེ་མཛོ་བྱེ་བ་མང་པོ་ལོན། དེ་ནས་བཟུང་སྟེ་བོད་ལ་མཛོ་ཞེས་བྱ་བའི་སྒོ་ཕྱུགས་འདི་ཡོད་པར་གྱུར།
 
   
  • ལེ་ཚན་སྔོན་མ།:གུར་ནག་རྩེ་རྒྱལ།
  • ལེ་ཚན་རྗེས་མ།: མོན་གླིང་གཡུལ་འགྱེད།