ཆུང་འདྲིས་བྱམས་པ་བཞུགས་ས།བྲག་རི་དངུལ་དཀར་མེ་ལོང་།
སེམས་པ་ཐར་ན་མ་གཏོགས།ལུས་པོ་ཐར་ས་མ་རེད།
ཆུང་འདྲིས་ཕར་རིའི་ཀླད་ན།ལྕང་མ་ཡིན་ན་བསམ་བྱུང་།
ང་ནི་དེ་ཡི་ལོགས་སུ།བྱེའུ་ཆུང་ཡིན་ན་བསམ་བྱུང་།
ཆུང་འདྲིས་ཨ་གསར་ཆེ་ལ།ཤོག་བུའི་གོས་ཞིག་དྲུབ་སོང་།
ཆར་པ་གཅིག་རྒྱབ་གཉིས་རྒྱབ།བལྟ་ཉན་ལྟོས་ཉན་མི་འདུག
ཆུང་འདྲིས་རང་གཉིས་སྐད་ཆ།རུམ་ནང་སྲུང་འཁོར་གཡོག་ཡོད།
སྟོང་གསུམ་སྡེ་བའི་སྔ་སོར་།མ་ཡིན་མདོག་རེ་གྱིས་ཤོག
ཆུང་འདྲིས་རྒྱབ་ལ་བུད་ཐལ།རྨ་བྱའི་སྒྲོ་ཞིག་ཁུར་བྱུང་།
ར་རང་དངུལ་དཀར་བུམ་པ།ཡོ་འཁྱོག་མེད་པར་བསྡད་ཡོད།
ཆུང་འདྲིས་བྱམས་པ་ཟེར་བ།སྤྱང་ཀིའི་རིགས་ཤིག་ལོས་ཡིན།
ཤ་དང་སྤགས་པ་འདྲེས་དུས།རི་ལ་ཤོར་དོགས་འདུག་གོ།