སི་ཁྲོན་ཞིང་ཆེན་སྡེ་དགེ་རྫོང་གི་ཡིད་ལྷུང་ཁོག་ན་ཡོད།བཤད་སྲོལ་ལྟར་ན་ཡིད་ལྷུང་ས་ཆ་ནི་སྟག་རོང་ཁྲོ་ཐུང་གི་ཡུལ་བ་ཡིན་ཞིང་།ཁྲོ་ཐུང་ནས་གེ་སར་གྱིས་གླིང་གི་རྒྱལ་ས་མ་བཟུང་བའི་སྔོན་ལ།རང་ཉིད་ཀྱི་སྟོབས་ཤུགས་
རྒྱ་བསྐྱེད་བྱེད་པའི་ཆེད་དུ་ག་ས་ག་ལ་རྫོང་མཁར་བརྩིགས་ནས་དམག་དཔུང་བསྡད་དེ་རང་ཉིད་ཀྱིས་གླིང་གི་རྒྱལ་ས་འཕྲོག་རྒྱུར་གྲ་སྒྲིག་བྱས།སི་ཁྲོན་ཞིང་ཆེན་ཙམ་དུ་མ་ཟད།བོད་ལྗོངས་ཀྱི་ཆབ་མདོ་རྫོང་།མཚོ་སྔོན་ཞིང་ཆེན་གྱི་དགའ་བདེ་རྫོང་གི་མཁོ་མདོ་ནའང་ཁྲོ་ཐུང་གི་རྫོང་ཟེར་པ་ཞིག་ཡོད།བཤད་སྲོལ་ལ་མཚོ་སྔོན་ཞིང་ཆེན་དགའ་བདེ་རྫོང་གི་ཁྲོ་ཐུང་རྫོང་བརྒྱུད་ནས་རྨ་ཆུའི་བརྒྱུད་དུ་ཡར་ས་ལེ་བར་བཅུ་ཙམ་སོང་ན་རྨ་ཆུར་རབ་ཁ་ཞིག་ཡོད།རབ་ཁ་དེ་ན་གནའ་སྔ་མོར་དབྱིབས་དང་རྣམ་པ་ངོ་མཚར་བའི་ཤིང་གྲུ་ཞིག་ཡོད།དེ་ནི་ཁྲོ་ཐུང་གིས་རྨ་ཆུ་བརྒལ་བྱེད་ཀྱི་གྲུ་བོ་ཡིན་པར་གྲགས།