དཔེ་ཆའི་རི་མོའི་ཨང་ཀིའི་ནང་དོན་ལས།   ༡ནང་གི་ཡི་གེ་དམར་པོ་འདིས་གསང་སྔགས་ཀྱི་ཚིག་མཚོན་པ་དང་།   རི་མོ་༢ནང་གི་ཡི་གེ་ནག་པོ་འདིས་དབྱངས་ཀྱི་རྣམ་པ་མཚོན་ཡོད་པའམ་ཡི་གེའི་ང་རོ་མཚོན་པ་དང་།   རི་མོ་༣ནང་གི་བྲམ་ཟེ་མཆོག་སྲེད་ཀྱིས་མཛད་པའི་སྟག་མོའི་ངུར་སྐད་ཀྱི་དབྱངས་ཞེས་པ་འདི་ཡིན་ཏེ།   དེའང་ཡིད་གཟབ་བྱ་དགོས་པ་ཞིག་ལ་(ཨ་མྱེས་ཞབས་ཀྱིས་མཛད་པའི་སཎ་གྱི་《རོལ་མོའི་བསྟན་བཅོས་》ཀྱི་འགྲེལ་པའི་ནང་སྟག་མོའི་ངུར་དབྱངས་ཞེས་པ་འདི་ལོ་ཆེན་རིན་ཆེན་བཟང་པོའི་ལོ་རྒྱུས་ནང་འཁོད་ཡོད་པས་དེ་མིན་ནམ་སྙམ་པས་མུ་མཐུད་ནས་ཞིབ་འཇུག་གི་གནས་སུ་བཞག་ཡོད།)རི་མོ་༤ནང་གི་ཡིག་ནག་གི་སྟེང་དུ་སྒོར་ཐིག་བརྒྱབ་ཡོད་པ་དེས་རོལ་ཚིག་མཚོན་པ་དང་།   རི་མོ་༥ཡིག་དམར་གྱི་སྟེང་དུ་སྒོར་ཐིག་བརྒྱབ་ཡོད་པ་དེ་དབྱངས་དང་རོལ་མོ་ཆབ་གཅིག་ཏུ་ལེན་པའམ་འདོན་དགོས་པའི་མཚོན་རྟགས་ཡིན།  
སྤྱི་ལོ་༢༠༠༦ལོའི་ཟླ་༡༢ནང་ང་ཚོས་ས་སྐྱ་དགོན་དུ་བོད་ཀྱི་གནའ་སྲོལ་དབྱངས་ཡིག་ལ་རྟོག་ཞིབ་བྱེད་པར་བསྐྱོད་སྐབས་རོལ་དབྱངས་སྒྲ་འཇུག་རྒྱུད་རིམ་ནང་མ་དབྱངས་ཀྱི་སྒྲ་འཇུག་ལམ་ཙམ་ལས་ད་ལྟའི་རོལ་དབྱངས་ཀྱི་ཕུའུ་ཙེ་ལ་དགོད་དཀའ་ནའང་བུ་དབྱངས་ཀྱི་དབྱངས་དེ་ད་ལྟའི་རོལ་དབྱངས་ཀྱི་ཕུའུ་ཙེར་དགོད་སླ་ཙམ་ཡོད