ཁམས་པའི་སྒྱུ་རྩལ་དུས་ཆེན་སླེབ་ལ་ཉེ་བའི་སྐབས་འདིར། དར་རྩེ་མདོ་གྲོང་གི་ལམ་དང་ཟམ་པ། རི་དང་ཆུ་བོ་སོགས་གྲོང་མཁར་གྱི་ག་ས་གང་དུ་སྔར་མེད་ཀྱི་རྣམ་པ་གསར་པ་ཞིག་གིས་ཡོངས་སུ་བརྒྱན་པ་དང་། ལྷག་ཏུ་མདོ་གྲོང་གི་མཚན་མོ་ནི་དེ་བས་ཀྱང་ལྟ་ན་སྡུག་པ་ཞིག་སྟེ་སྐར་མའི་ཕྲ་ཚོམ་བཏབ་པའི་རི་བོ་དང་། ཚོན་མདངས་རྣམ་པར་བཀྲ་བའི་ཆུ་བོ། བརྗིད་ཆགས་བང་རིམ་བརྩེགས་འདྲའི་ཁང་བཟང་སོགས་ཁྲོན་བོད་མཐོ་སྒང་གི་དབྱིག་འཛིན་ཕང་བ་རུ་ཕྱོགས་བཅུའི་མཛེས་སྡུག་གཅིག་ཏུ་སྤུངས་པའི་མུ་ཏིག་ཕུང་པོ་ཞིག་དང་ཀུན་ནས་མཚུངས།