སྤྱི་ཟླ5པའི་ཚེས10ཉིན། དཀར་མཛེས་ཁུལ་གྱིས“ཁང་གསུམ་བཅོས་སྐྱོང”ལས་ཀའི་གྲོས་ཚོགས་དར་མདོར་འཚོགས་པ་རེད། ཁུལ་ཨུའི་ཧྲུའུ་ཅི་གཞོན་པ། སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀྲང་ཐུང་རུང་གྲོས་ཚོགས་སུ་ཞུགས་པས་མ་ཚད་གཏམ་བཤད་བྱས། ཁུལ་སྲིད་གཞུང་གི་ཁུལ་དཔོན་གཞོན་པ། ཁུལ་སྤྱི་བདེ་ཅུས་ཀྱི་མགོ་འཛིན་ཀྲུང་ཁོས་གྲོས་ཚོགས་གཙོ་སྐྱོང་བྱས།

གྲོས་ཚོགས་ཐོག་བསྟན་དོན། དཀར་མཛེས་ཁུལ་གྱིས“ཁང་གསུམ་བཅོས་སྐྱོང”སྤེལ་བ་དེ་རིམ་པ་གཏིང་ཟབ་པའི་ཆབ་སྲིད་ཀྱི་རྨང་གཞི་ཡིན་ལ། ཆུ་ཚད་དེ་བས་མཐོ་བའི་མང་ཚོགས་ལས་ཀ་ཞིག་ཡིན་ཞིང་། བརྟན་བརླིང་སྲུང་སྐྱོང་བྱེད་ཕྱོགས་དེ་བས་ནུས་ལྡན་ཞིག་ཀྱང་ཡིན་པ་རེད། རིམ་པ་ཁག་གིས་གནས་ཚུལ་དངོས་དང་ཟུང་འབྲེལ་བྱས་ནས་སྤྱི་འདོམས་ཇུས་འགོད་དང་སྐུལ་འདེད་ཤུགས་ཆེན་གཏོང་བ་དང་། མང་ཚོགས་ལ་མཐུན་སྒྲིལ་དང་ཁྲིད་སྟོན་བྱས་ནས་རང་འགུལ་གྱིས་སྡོད་ཁང་བཅོས་སྐྱོང་བྱེད་པ་དང་།སྤྱི་ཚོགས་སྲུང་སྐྱོང་ནང་ཧུར་ཐག་གིས་ཞུགས་ནས“ཁང་གསུམ་བཅོས་སྐྱོང”གི་ལས་ཀ་ཡག་པོར་སྒྲུབ་པ་དང་།སྤུས་ཚད་མཐོ་ཞིང་ལས་ཆོད་ཆེ་བའི་སྒོས་དམིགས་འབེན་ལས་འགན་འགྲུབ་པར་བྱ་དགོས།

གྲོས་ཚོགས་ཐོག་ནན་གྱིས་བསྟན་དོན། གཅིག་ནས་ཁང་པར་བརྟེན་ནས་མི་དོ་དམ་བྱེད་པ་འཕྱུགས་མེད་བྱ་དགོས། གཉིས་ནས་ཁང་པར་བརྟེན་ནས་ཞབས་འདེགས་ཞུ་བའི་ཐབས་ལམ་རྒྱ་བསྐྱེད་གཏང་དགོས། གསུམ་ནས་ཁང་པར་བརྟེན་ནས་མཐིལ་ཚད་སྲུང་དགོས་པའི་འགན་འཁྲི་ནན་དུ་གཏང་དགོས། བཞི་ནས་ཆ་ཚང་གི་ལམ་ལུགས་ནང་རྐྱེན་འཐུས་སྒོ་ཚང་དུ་གཏང་དགོས། ལྔ་ནས་ལས་ཀའི་འགན་སྲུང་བྱ་ཐབས་ཇེ་དྲག་ཏུ་གཏང་དགོས།

གྲོས་ཚོགས་ཐོག་ཚོགས་ཞུགས་མི་སྣས་དར་མདོ་གྲོང་ཁྱེར་གྱི“ཁང་གསུམ་བཅོས་སྐྱོང”གི་ཚོད་ལྟ་ལས་ཀའི་ཆེད་བརྙན་ལྟ་བ་དང་། དར་མདོ་གྲོང་ཁྱེར་གྱིས“ཁང་གསུམ་བཅོས་སྐྱོང”གི་ཚོད་ལྟ་ལས་ཀའི་གྲུབ་འབྲས་ལྔ་དང་མྱོང་ཚོར་བདུན་སྙན་སེང་ཞུས་པ་དང་། ལྕགས་ཟམ་རྫོང་དང་འདབ་པ་རྫོང་། གསེར་རྟ་རྫོང་།ཁུལ་བཅོས་བསྒྱུར་འཕེལ་རྒྱས་ཨུ་ལྷན། ཁུལ་སྤྱི་བདེ་ཅུས་སོགས་ཀྱིས་གཏམ་བཤད་བྱས་པ་རེད།

གྲོས་ཚོགས་དེ་བརྙན་འཕྲིན་ཁ་པར་གྱི་རྣམ་པའི་ཐོག་ནས་རྫོང（གྲོང་ཁྱེར）ཁག་ལ་འཚོགས་ཤིང་། ཁུལ་གྱི་མགོ་ཁྲིད་ཡན་ལེ་དང་ཙེང་ཀོང་ཧོ། ནན་ཧུང་བཅས་གྲོས་ཚོགས་ནང་ཞུགས་ཡོད།།（ ལྷ་འཛོམས་ཀྱིས་བསྒྱུར།）