སྤྱི་ཟླ3པའི་ཚེས4ཉིན་རྟའུ་རྫོང་ཆ་ཚང་སློབ་ཆུང་གཉིས་པས་རིམས་ནད་འགོག་ཟོན་དང་། བདེ་འཇགས་སློབ་གསོ། སློབ་གྲྭའི་ནང་གི་བརྙས་བཅོས་འགོག་པ་སོགས་ལ་དམིགས་ནས“སློབ་འགོ་ཚུགས་པའི་སློབ་ཚན་དང་པོའི”བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་བ་རེད།

     བྱེད་སྒོ་སྤེལ་རིང་འཛིན་གྲྭ་ཁག་གིས་སློབ་གྲྭའི་བླང་བྱ་གཞིར་བཟུང་ནས། རྣམ་པ་སྣ་ཚོགས་དང་སྣ་མང་ཕུན་སུམ་ཚོགས་པའིPPTསློབ་ཚན་གྲ་སྒྲིག་བྱས་ནས་རིམས་ནད་འགོག་ཟོན་དང་། བཟའ་བཅའི་འཕྲོད་བསྟེན། འགྲིམ་འགྲུལ་བདེ་འཇགས། ནགས་ཚལ་དང་རྩྭ་ཐང་གི་མེ་འགོག་པ་དང་སློབ་གྲྭའི་ནང་གི་བརྙས་བཅོས་འགོག་པ་སོགས་གཙོ་གནད་དུ་བྱས་ཏེ་གསོན་ཉམས་དོད་ལ་ཞིབ་ཕྲའི་དཔེ་མཚོན་ཐོག་ནས་སློབ་མར་གོ་རུ་བཅུག་ཅིང་། སློབ་མའི་རང་ངོས་ཀྱི་དོགས་ཟོན་དང་། རང་སྐྱོབ་དང་ཕན་ཚུན་རོགས་སྐྱོབ་དགོས་པ་སོགས་ཀྱི་འདུ་ཤེས་མཐོ་རུ་བཏང་བ་རེད།