ལུས་ལ་གཟབ་མཆོར་ལེགས་པར་སྤྲས་པ་དང་རོལ་དབྱངས་ཀྱི་འགྱུར་ཁུག་དང་བསྟུན་ནས་མི་རིགས་ཁག་གི་གྲོང་མིས་གླུ་ལེན་གར་འཁྲབ་བྱེད་བཞིན་པ་སོགས། ཉེ་ཆར། གསར་འགོད་པ་ཤིན་ཅང་ཐོན་སྐྱེད་འཛུགས་སྐྲུན་པིང་ཐོན་ཧྲི་ཤོག་བཅུ་གཉིས་པའི་ནུབ་རིའི་ཞིང་འབྲོག་རའི་ཁམས་བཟང་སྡེ་ཁུལ་དུ་སྐྱོད་སྐབས་སྒོ་རའི་ནང་ནས་དགའ་སྤྲོའི་དགོད་སྒྲ་ལྷང་ལྷང་གྲགས།

ཁམས་བཟང་སྡེ་ཁུལ་ནི་དཔེ་མཚོན་གྱི་མི་རིགས་མང་པོ་འདུས་སྡོད་བྱེད་པའི་སྡེ་ཁུལ་ཞིག་ཡིན་པ་དང་། གྲངས་ཉུང་མི་རིགས་ཀྱི་མི་འབོར་གྱིས་བཟུང་བའི་བསྡུར་ཚད་20%ལྷག་ཙམ་ཟིན་ཡོད། ལོ་མང་རིང་། མི་རིགས་ཁག་གི་གྲོང་མི་རྣམས་མཉམ་སྡོད་འཚོ་བ་བསྐྱལ་བས་མི་རིགས་ཁག་གི་མང་ཚོགས་ཀྱིས“ཁྱིམ་ཚང་ཆུང་ངུ”དེ“ཁྱིམ་ཚང་ཆེན་མོར”བསྒྲིལ་ཡོད།

འདི་ལོ་ལོ་60ལ་སླེབས་པའི་གྲོང་མི་ལུའུ་ཅིན་ཡེ་ལོ་30ལྷག་ཙམ་གྱི་གོང་འདི་གར་ཡོང་ཞིང་། ཁོང་གིས“ང་རང་རྒན་ཡོལ་ཞུས་རྗེས་ས་ཆ་མང་པོར་འགྲོ་མྱོང་ཡོད། དགའ་ཤོས་ནི་འདི་གའི་རྣམ་པ་ཡིན”ཞེས་བརྗོད།

འདི་ནི་རྣམ་པ་གང་འདྲ་ཞིག་རེད་དམ་ཞེ་ན། ཡུ་གུར་རིགས་ཀྱི་བགྲེས་སོང་ཁཱ་པའེ་ལོ་ཧྲིལ་པོར་ཁྱིམ་དུ་སྡོད་ཀྱི་མེད་པས་ལྡེ་མིག་ཁྱིམ་མཚེས་ཕན་ཅུས་ཤིས་ལ་སྤྲད་ནས་ཡིད་ཆེས་བྱེད་པ་དང་། བགྲེས་སོང་ལུང་ཀོང་ཡར་དཀའ་ངལ་འཕྲད་སྐབས་འཕྲལ་མ་ཉིད་དུ་དྲ་མིག་དོ་དམ་པ་ལི་ཁྲུན་ཞ་དྲན་པ། ལོ་7ལ་སོན་པའི་ལྷན་སྐྱེས་རང་བཞིན་གྱི་བྱིས་པ་འོན་པར་སྡེ་ཁུལ་གྱི་ལས་བྱེད་པས་གང་སར་བསྐྱོད་ནས་སྨན་བཅོས་རྒྱུན་འཁྱོངས་བྱེད་པ་སོགས་རེད།

“གྲོང་མིའི་དོན་དག་མང་ཆེ་བ་ནི་ཉེ་འགྲམ་གྱི་དོན་དག་ཆུང་ཙག་རེད། འོན་ཀྱང་ང་ཚོས་དོན་དག་རེ་རེ་བཞིན་ཐག་གཅོད་ནན་ཏན་བྱས་པས་གྲུབ་འབྲས་ཆེན་པོ་ཐོབ་པའི་ཚོར་སྣང་ཡོང་གི་འདུག”ཅེས་ཏང་གི་ཚོགས་ཆེན་ཉི་ཤུ་པའི་འཐུས་མི་དང་ཁམས་བཟང་སྡེ་ཁུལ་གྱི་ཏང་སྤྱི་ཁྱབ་ཀྲི་པུའི་ཧྲུའུ་ཅི་མ་ལིས་བརྗོད།

ཁམས་བཟང་སྡེ་ཁུལ་གྱིས“གསར་བརྗེའི་ཁྱིམ་མཚེས། བདེ་སྐྱིད་ཁམས་བཟང”གི་ཏང་འཛུགས་སྐྱོང་གི་སྤུས་རྟགས་སྣེ་ཁྲིད་དུ་བྱས་ཏེ་གྲོང་མིའི་དགོས་མཁོར་གཞིགས་ནས་རྒན་རྒོན་ཞབས་བྲོ་རུ་ཁག་དང་། ཞྭ་དམར་ཆུང་ཆུང་། འཕྲལ་སྡོམ་རོགས་སྐྱོབ་སོགས་ཀྱི་དང་བླངས་ཞབས་ཞུའི་རུ་ཁག་7བཙུགས་ནས་དུས་བཀག་བཞིན་སྲིད་ཇུས་དྲིལ་བསྒྲགས་དང་དང་བླངས་ཞབས་ཞུ་སྒྲིག་འཛུགས་བྱས་པར་གྲོང་མི་ཚོས་ཧ་ཅང་དགའ་པོ་བྱེད་ཀྱི་ཡོད།

“བྱེད་སྒོ་གཞི་རྟེན་དུ་བྱས་ནས་གྲོང་མི་རྣམས་རྒྱུན་ཆད་མེད་པར་འཆམ་མཐུན་ཡོང་བ་བྱེད་པ”ནི་ཁམས་བཟང་སྡེ་ཁུལ་གྱིས་མང་ཚོགས་ཀྱི་ལས་དོན་སྤེལ་བའི“ཐབས་མཆོག”ཅིག་རེད།

ཉིན་ཤས་གོང་། ལོ་གཅིག་དུས་གཅིག་གི“ཁྱིམ་ཚང་མང་པོའི་གསོལ་སྟོན”བྱེད་སྒོ་ཁམས་བཟང་སྡེ་ཁུལ་དུ་གཉེར་བ་དང་། མི་རིགས་ཁག་གི་གྲོང་མིས་རང་ཉིད་ཀྱི་བཟོ་མཁས་ཤོས་ཀྱི་ཚལ་ཁྱེར་ནས་གསོལ་སྟོན་ལ་ཞུགས་ཤིང་། ཤ་བག་ལེབ་དང་། འབྲས་ཤ་ཚིལ་མ། ལུག་ཤ་སྣུམ་སྲེག་སོགས་ཚང་མས་ཟ་ཞོར་དུ་གླེང་མོལ་བྱས་པས། ཚ་ཚ་འུར་འུར་གྱི“ཁྱིམ་ཚང་མང་པོའི་གསོལ་སྟོན”ལས་ཁྱིམ་མཚེས་དབར་གྱི་བརྩེ་སེམས་ཟབ་ཏུ་ཕྱིན་ཡོད།

“ལོ་ལྟར་ང་རང་འཁྲབ་ཚན་ལྟ་བ་དང་། ཞིམ་ཟས་ཀྱི་བྲོ་བ་མྱོང་བ། ཅི་འཕྲོས་མོལ་འཕྲོས་བཅས་བྱེད་པར་ཡོང་གི་ཡོད། ཧ་ཅང་འཁྲུག་པོ་འདུག ཁྱིམ་ཚང་མང་པོའི་གསོལ་སྟོན་ལས་ཁྱིམ་ཚང་ཆུང་ཆུང་མང་པོ་འཆམ་མཐུན་གྱི་ཁྱིམ་ཚང་ཆེན་པོར་གྱུར་ཡོད”ཅེས་ཧ་སག་རིགས་ཀྱི་གྲོང་མི་ཡེར་ཁེན·ཝུའུ་ཤན་གྱིས་བརྗོད།

“ཁྱིམ་ཚང་མང་པོའི་གསོལ་སྟོན”ཕུད། དེ་དང་འདྲ་བའི་བྱེད་སྒོ་རྟག་ཏུ་སྡེ་ཁུལ་དུ་གཉེར་གྱི་ཡོད། མི་རིགས་ཁག་གི་གྲོང་མི་ཕན་ཚུན་འགྲོ་འོང་དང་། སྤེལ་རེས། མཉམ་འདྲེས་བཅས་བྱེད་རིང་འབྲེལ་བ་དང་བརྩེ་དུང་ཟབ་ཏུ་ཕྱིན་ནས། ཐུན་མོང་ཐོག་ཞི་མཐུན་མཉམ་འདྲེས་ཀྱི་མཛེས་སྡུག་ལྡན་པའི་རྣམ་པ་གཏོད་བཞིན་ཡོད།

（པ་ཚེས་བསྒྱུར། པ་ཚེ་དང་བུ་ཁྲིད་ཀྱིས་ཞུས།）