འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པར་རྒྱལ་ཁབ་ནུས་རྒྱུ་ཅུས་ནས་ཤེས་རྟོགས་བྱུང་བར། ཟླ་8པར་སྤྱི་ཚོགས་ཡོངས་ཀྱི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་9649ཟིན་པ་དེ་དུས་མཚུངས་ལས་8.9%འཕར་ཡོད་པ་རེད།

    ཐོན་ལས་དབྱེ་ནས་བལྟས་ན། ཟླ་8པར་ཐོན་ལས་དང་པོའི་གློག་སྤྱོད་ཚད་ཆན་ཝ་ཆུ་ཚོད་དུང་ཕྱུར་149ཟིན་པ་དེ་དུས་མཚུངས་ལས་4.6%འཕར་བ་དང་། ཐོན་ལས་གཉིས་པའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་5679ཟིན་པ་དེ་དུས་མཚུངས་ལས་4%འཕར་བ། ཐོན་ལས་གསུམ་པའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་1903ཟིན་པ་དེ་དུས་མཚུངས་ལས་11.2%འཕར་བ། གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་1918ཟིན་པ་དེ་དུས་མཚུངས་ལས་23.7%འཕར་ཡོད་པ་རེད།

    ཟླ་དང་པོ་ནས་བརྒྱད་པའི་བར་སྤྱི་ཚོགས་ཡོངས་ཀྱི་གློག་སྤྱོད་ཚད་རིམ་རྩིས་བྱས་ན་ཆུ་ཚོད་ཆན་ཝ་དུང་ཕྱུར་65619ཟིན་པ་དེ་དུས་མཚུངས་ལས་7.9%འཕར་ཡོད། ཐོན་ལས་དབྱེ་ནས་བལྟས་ན། ཐོན་ལས་དང་པོ་དང་། གཉིས་པ། གསུམ་པ་བཅས་ཀྱི་གློག་སྤྱོད་ཚད་དུས་མཚུངས་ལས་7%དང་། 6.3% 11%བཅས་སོ་སོར་འཕར་བ་དང་། གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བའི་གློག་སྤྱོད་ཚད་དུས་མཚུངས་ལས་10.9%འཕར་ཡོད་པ་རེད།