གཟུངས་འབུམ་ཐར། དགེ་རྒན་ཆེན་མོ།    1962ལོའི་ཟླ8པར་མཚོ་སྔོན་ཞིང་ཆེན་མཚོ་ལྷོ་ཁུལ་དུ་སྐྱེས། 1989ལོར་ནུབ་བྱང་མི་རིགས་སློབ་གྲྭ་ཆེན་མོ་ནས་སློབ་མཐར་ཕྱིན་ཞིང་། བོད་ཀྱི་རྩོམ་རིག་རབ་འབྱམས་པའི་མིང་རྟགས་བླངས། ད་ལྟ་མཚོ་སྔོན་མི་རིགས་དགེ་ཐོན་སློབ་གྲྭ་ཆེན་མོའི་མི་རིགས་དགེ་འོས་སློབ་གླིང་བོད་ཡིག་སྡེ་ཁག་གི་དགེ་རྒན་ཆེན་མོ་དང་མི་ཆོས་སློབ་གླིང་གི་དགེ་རྒན་ཆེན་མོ། ཞིབ་འཇུག་སློབ་མའི་མཛུབ་སྟོན་སློབ་དཔོན་ཆེན་མོའི་འགན་གཅིག་ལྕོགས་སུ་བཞེས་ཡོད། ཁོང་གིས་སྔ་གཞུག་ཏུ་«ཀྲུང་གོའི་བོད་རིག་པ»དང་«བོད་ལྗོངས་ཞིབ་འཇུག»སོགས་རྒྱལ་ནང་གི་རིག་གཞུང་དུས་དེབ་སྟེང་དཔྱད་རྩོམ་ཉི་ཤུ་ལྷག་སྤེལ་མྱོང་བར་མ་ཟད། བོད་ཀྱི«རིག་གནས་སྤྱི་རྣམ་རིན་ཆེན་ཀུན་འདུས»དང«རྩོམ་རིག་སྐད་ཆའི་རིགས་དང་རྩོམ་འབྲི»སོགས་དཔེ་དེབ་བདུན་དཔེ་སྐྲུན་བྱས། དེ་མིན་ཁོང་རྒྱལ་ཁབ་རིམ་པའི་ཞིབ་འཇུག་བྱ་གཞི «བོད་ཡིག་རྩིས་འཁོར་ཕབ་གཞུང་ནང་འཇུག་བྱེད་ཐབས་ཞིབ་འཇུག»ཁྲོད་ཞུགས་ནས2004ལོར་རྒྱལ་ཁབ་ཚན་རྩལ་ཡར་ཐོན་གྱི་བྱ་དགའ་ཨང་གཉིས་པ་ཐོབ།