ནང་བློན་འདན་མ་བྱང་ཁྲ།
བྲག་འགོ ཉི་མ་ནོར་བུས་བཤུས། 2010-11-18
གྲགས་སྙན་གྱི་དུང་སྒྲའི་རྦ་རླབས་འཕྱོ་བའི་དཔའ་བོ་ཁེར་རྒྱུག་གི་མདའ་རྩལ་འགྲན་ནས་རྒྱལ་ཁབ་ཐམས་ཅད་ཆམ་ལ་ཕབ།གཡུ་མདོག་གི་ཁྲབ་རྨོག་གསེབ་ན།འཛུམ་མདངས་ཀྱིས་ཕྱུག་པའི་སྐྱ་བོས་མཛེས་ཞལ།འདན་ཡུལ་ནས་སྐྱེས་པའི་འདབ་སྟོང་གི་མེ་ཏོག འདན་ཆུ་ནས་གྲག་པའི་གཡུ་འབྲུག་གི་ངར་སྒྲ།འདན་ཡུལ་ལས་འཁྲུངས་པའི་ཚ་ཞིང་གི་འདན་མ། ཁོ་རང་དང་པོ་གླིང་ཡུལ་དུ་ཡོང་སྐབས་སུ་ལམ་བར་ནས་བདུད་པོ་ཧ་ལ་མི་གཟན་གཙོས་བདུད་ཀྱི་གྲོང་ཚོ་ཆེན་པོ་ཞིག་མདའ་རྩལ་གྱི་དབང་གིས་བསྣུབ།ཡང་དགོས་སུ་ཧོར་གླིང་གཡུལ་འགྱེད་ཀྱི་སྐབས་སུ་དཔལ་བོ་ཁེར་རྒྱུག་གི་གཏང་མ་དང་པོ་དེ་ཤན་པའི་ཀླད་པོར་གཏོར།ཧོར་བདུད་ཀྱི་བླ་སྲོག་འཕྲེད་ནས་བཅོད།ཐུབ་བསྟན་གྱི་རྒྱལ་མཚན་དགུང་དུ་བསྒྲེངས།
ཡང་ཉིན་ཞིག་ལ་གངས་རི་ལ་དྭགས་རྒྱལ་པོས་གླིང་ལ་ཚུལ་འགེལ་བྱུང་ནས་ཚ་ཞང་འདན་མ་སྔོན་དུ་སོང་བདུད་ཕོ་ངོམ་བདུད་དཔུང་རིང་ཆམ་ལ་ཕབ།
དེའི་རྗེས་ཁོ་རང་ཞིང་བརྗེས་པའི་སྐབས་སུ་རྟ་ཕོ་དངུལ་ཕྲུག་ལྡན་པ་ལ་ལྟོ་ཆས་བཀལ་ནས་ལྷ་ཡུལ་དུ་ཆས་སོ།།