འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

        2016-10-18

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༨  སོ་ཕག་གཤིབ་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་དང་པོ)སྤྱི་ལོའི་དུས་རབས་བདུན་པའི་དུས་མཇུག་ཙམ་དུ(བཙན་པོ་མང་སྲོང་མང་བཙན་གྱི་སྐབས)ཡིག་མཁན་ཆེན་པོ་ཆ་ངར་རིན་ཆེན་འབར་གྱིས་ཐོན་མིའི་དབུ་ཅན་སྦལ་ནག་བགྲད་འདྲ་ལ་དཔེ་མཛད་དེ་གསར་དུ་བཏོད་པ་ཞིག་ཡིན།ཡིག་གཟུགས་འདི་སོ་ཕག་སྙོམ་པོར་བསྒྲིགས་པ་ལྟ་བུ་ཡོད་པས་སོ་ཕག་གཤིབ་འདྲ་ཞེས་འབོད།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༩  བྱ་ཕོ་འཇོལ་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་གཉིས་པ)སྤྱི་ལོའི་དུས་རབས་བདུན་པའི་དུས་མཇུག་དང་བརྒྱད་པའི་དུས་འགོར(བཙན་པོ་འདུས་སྲོང་མང་པོ་རྗེའི་སྐབས)ཡིག་མཁན་ཆེན་པོ་ཆབ་དཀར་བེའུ་ཚེས་གསར་གཏོད་གནང་བ་ཞིག་ཡིན་ཞིང་།འདི་བྱ་ཕོའི་མགྲིན་པ་གཟེངས་སུ་བཏེགས་པ་དང་།གཤོག་པ་ཅུང་གཞོལ་བ་ལྟ་བུ་ཡོད་པས་བྱ་ཕོ་འཇོལ་འདྲ་ཞེས་འབོད།ལོ་རྒྱུས་ཀྱི་ཚད་ལྡན་ཡིག་ཆར་ཡིག་གཟུགས་འདིའི་མ་དཔེ་མེ་རིས་ཅན་གྱི་བྲག་རྩར་སྦས་ཞེས་བཀོད་ཀྱང་ད་བར་མཇལ་བའི་སྐབས་མ་རྙེད།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༠  ནས་སྔོན་ཕྱིང་དཀར་སྟེང་བཀྲམ་པ་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་གསུམ་པ)སྤྱི་ལོའི་དུས་རབས་བརྒྱད་པའི་དུས་དཀྱིལ་དུ་ཡིག་མཁན་ཆེན་པོ་དགེ་བསྙེན་དཀོན་མཆོག་དབང་གིས་གསར་གཏོད་གནང་བ་ཞིག་ཡིན་ཞིང་།ཡིག་གཟུགས་འདི་ནས་སྔོན་ཕྱིང་དཀར་སྟེང་དུ་བཀྲམ་པ་ལྟ་བུ་ཡོད་པས་དེ་ལྟར་འབོད།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༡  མུ་ཏིག་བསྟར་བརྒྱུས།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་བཞི་པ)སྤྱི་ལོའི་དུས་རབས་བརྒྱད་པའི་དུས་མཇུག་ཙམ་དུ(ཁྲི་སྲོང་ལྡེ་བཙན་གྱི་སྐབས)ཡིག་མཁན་ཆེན་པོ་བྷ་ཤོ་ཁྲམ་མམ་ཤྰཀྱ་དཀོར་གྱིས་གསར་གཏོད་གནང་བ་ཞིག་ཡིན།ཡིག་གཟུགས་འདི་མུ་ཏིག་སྟར་ལ་བརྒྱུས་པ་ལྟ་བུ་ཞིག་ཡོད་པས་དེ་ལྟར་འབོད།བསམ་ཡས་གཙུག་ལག་ཁང་གི་གཞུང་སྒོའི་ལྷོ་ངོས་ཀྱི་རྡོ་རིང་ཐོག་ཏུ་བརྐོས་པའི་བོད་ཡིག་དེ་ཡིག་གཟུགས་དེའི་གྲས་ཤིག་ཡིན།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༢  སྦུར་ནག་བགྲད་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་ལྔ་པ)སྤྱི་ལོའི་དུས་རབས་བརྒྱད་པའི་དུས་མཇུག་ཙམ་ནས་དགུ་པའི་དུས་འགོར(མུ་ནེ་བཙན་པོའི་སྐབས)ཡིག་མཁན་ཆེན་པོ་ཚེ་སྤོང་བྱང་ཆུབ་མདོ་སྨད་དུ་བཞུགས་སྐབས་གསར་གཏོད་གནང་བ་ཞིག་ཡིན།ཡིག་གཟུགས་འདི་མདོ་སྨད་ས་ཁུལ་དུ་ཤིན་ཏུ་དར་ཆེ་བས་ཁམས་རིས་ཀྱང་བརྗོད་སྲོལ་ཡོད།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༣  ཉ་མོ་ཆུ་ནང་ནས་ཕྱུང་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་དྲུག་པ)སྤྱི་ལོའི་དུས་རབས་དགུ་པའི་དུས་འགོར(མུ་ནེ་བཙན་པོའི་སྐབས)ཡིག་མཁན་ཆེན་པོ་འབྲེ་བ་ཡོན་ཏན་གྱིས་གསར་གཏོད་གནང་བའི་དབུ་ཅན་ཡིན།ཡིག་གཟུགས་འདི་ཉ་མོ་ཆུ་ནང་ནས་ཕྱུང་བ་ལྟ་བུ་ཞིག་ཡོད་སྟབས་དེ་ལྟར་འབོད།ལྷོ་ཁ་ས་ཁུལ་འཕྱོངས་རྒྱས་རྫོང་ཁོངས་སུ་གནས་པའི་བཙན་པོའི་བང་སོའི་རྡོ་རིང་ཐོག་བརྐོས་པའི་ཡི་གེ་དེ་ཡིག་གཟུགས་དེའི་གྲས་ཤིག་ཡིན།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༤  སེང་གེ་གནམ་ལ་འཕྱོངས་འདྲ།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་བདུན་པ)དུས་རབས་དགུ་པའི་དུས་དཀྱིལ་དུ(བཙན་པོ་ཁྲི་རལ་པ་ཅན་གྱི་སྐབས)ཡིག་མཁན་ཆེན་པོ་གྲ་ཤོད་རྣམ་གཉིས་ཀྱིས་གསར་གཏོད་གནང་བའི་དབུ་ཅན་གྱི་ཡིག་གཟུགས་གསར་པ་ཞིག་ཡིན།ཡིག་གཟུགས་འདི་སེང་གེ་གནམ་ལ་འཕྱོངས་པ་ལྟ་བུ་ཡོད་པས་དེ་ལྟར་འབོད།ལོ་རྒྱུས་ཀྱི་ཡིག་རིགས་ལས་ཡིག་གཟུགས་དེ་རིགས་དེ་སྔ་མལ་གྲོ་གུང་དཀར་རྫོང་ཁོངས་ཀྱི་ཞ་ལྷ་ཁང་གི་ལྡེབས་རིས་སུ་བཀོད་པའི་གནས་ཚུལ་བཀོད་ཡོད་ཀྱང་ད་བར་མཇལ་བའི་སྐལ་བ་མ་ཐོབ།

འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།

༡༥  ལེབ་ནི་གྲུ་བཞི་བདེ་ལེགས།

ཡིག་གཟུགས་འདི་ནི(དབུ་ཅན་གྱི་ཡིག་གཟུགས་གསར་པ་བརྒྱད་ཀྱི་རིགས་བརྒྱད་པ)བོད་ཀྱི་བསྟན་པ་ཕྱི་དར་གྱི་སྐབས་སུ་ཡིག་མཁན་ཆེན་པོ་ཀ་ཁྱུང་གིས་སོ་ཕག་གཤིབ་འདྲ་ལ་དཔེ་མཛད་ནས་གསར་གཏོད་གནང་བ་ཞིག་ཡིན།
༼ གངས་ལྗོངས་ཡིག་གཟུགས་ཀུན་བཏུས་ཞལ་ཐང ༽ལས་དྲངས།༼ མུ་འགོད། ༽

  • ལེ་ཚན་སྔོན་མ།:བོད་ཀྱི་ཡིག་གཟུགས་བྱུང་འཕེལ་གྱི།། ངོ་མཚར་ལྟད་མོ་འདི་ན་སྣང་།།
  • ལེ་ཚན་རྗེས་མ།:དཔལ་ཡུལ་ས་ངན་གྱི་ས་བྲིས་ལོ་རྒྱུས་རགས་བརྗོད།
  • རྩོམ་གསར། 10