བོད་ཀྱི་ཡིག་གཟུགས་བྱུང་འཕེལ་གྱི།། ངོ་མཚར་ལྟད་མོ་འདི་ན་སྣང་།།

        2016-10-17

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།
༡སྟག་གཟིག་སྤུངས་ཡིག

སྟག་གཟིག་སྤུངས་ཡིག་ནི་གངས་ལྗོངས་སུ་ལོ་ངོ་བཞི་སྟོང་གི་སྔོན་རོལ་ནས་བོད་མིས་བེད་སྤྱོད་བཏང་བའི་ཡི་གེ་ཞིག་ཡིན།མཁས་དབང་རྣམ་པས་ཡུན་རིང་ཞིབ་འཇུག་གནང་བར་གཞིགས་ན་བོད་ཡིག་འདི་རྒྱ་གར་གནའ་བོའི་ཡི་གེ་ལཉྫ་དང་ཤིན་ཏུ་འདྲ།ཡིག་གཟུགས་འདི་ནི་མངའ་རིས་ས་ཁུལ་རྩ་མདའ་རྫོང་ཁོངས་ཀྱི་ཨེམ་ཆི་དཔལ་ལྡན་ཡེ་ཤེས་ལགས་ཀྱིས་ཡུན་རིང་ཉར་ཚགས་གནང་བའི་བོན་ཡིག་སུམ་རྟགས་པར་པོད་ལས་འདྲ་བཤུས་ཞུས།།བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

༢  སྨར་ཡིག

སྨར་ཡིག་ལ་སྨར་ཆེན་དང་སྨར་ཆུང་ཞེས་ཡིག་གཟུགས་མི་འདྲ་བ་ཁག་གཉིས་ཡོད་པ་དེ་ནི་གཡང་དྲུང་བོན་གྱི་སྟོན་པ་གཤེན་རབ་ཀྱིས་སྟག་གཟིག་སྤུངས་ཡིག་ལ་དཔེ་མཛད་དེ་གསར་གཏོད་གནང་།ད་བར་ལོ་སུམ་སྟོང་ཙམ་གྱི་ལོ་རྒྱུས་ལྡན།སྨར་ཡིག་ནི་ཐོག་མར་ཞང་ཞུང་རྒྱལ་ཕྲན་ལ་དར་བའི་ཡི་གེ་ཡིན་རུང་།སྤྱི་ལོའི་གོང་གི་དུས་རབས་གཉིས་པའི་ནང་གཉའ་ཁྲི་བཙན་པོས་བཙན་པོའི་རྒྱལ་རབས་བཙུགས་གནང་མཛད་རྗེས་སྨར་ཡིག་དེ་བཙན་པོའི་རྒྱལ་རབས་ཀྱི་རྒྱུན་སྤྱོད་ཡི་གེར་གྱུར། ཡིག་གཟུགས་འདི་ནི་མངའ་རིས་ས་ཁུལ་རྩ་མདའ་རྫོང་ཁོངས་ཀྱི་ཨེམ་ཆི་དཔལ་ལྡན་ཡེ་ཤེས་ལགས་ཀྱིས་ཡུན་རིང་ཉར་ཚགས་གནང་བའི་བོན་ཡིག་སུམ་རྟགས་པར་པོད་ལས་འདྲ་བཤུས་ཞུས།།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

༣   གཟི་ཡིག

གཟི་ཡིག་ནི་གནའ་རབས་ཞང་ཞུང་ཁུལ་དུ་དར་བའི་མཛེས་རྩལ་ཡིག་གཟུགས་ཀྱི་རིགས་གཅིག་ཡིན་ཞིང་།དེའི་དབྱིབས་ནི་གངས་ཅན་བོད་མིའི་མཛེས་རྒྱན་དུ་གྱུར་བའི་གཟི་ཁྲ་ལྟ་བུ་ལྟ་ན་སྡུག་པ་ཞིག་ཡོད།ཡིག་གཟུགས་འདི་ནི་མངའ་རིས་ས་ཁུལ་རྩ་མདའ་རྫོང་ཁོངས་ཀྱི་ཨེམ་ཆི་དཔལ་ལྡན་ཡེ་ཤེས་ལགས་ཀྱིས་ཡུན་རིང་ཉར་ཚགས་གནང་བའི་བོན་ཡིག་སུམ་རྟགས་པར་པོད་ལས་འདྲ་བཤུས་ཞུས།།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

༤   ལྷ་བབ་ཡི་གེ།

ལྷ་བབ་ཡི་གེ་ནི་ཞང་ཞུང་གི་དུས་སུ་དར་བའི་ཡི་གེ་ཞིག་ཡིན་ལ།ཉམས་འགྱུར་མི་འདྲ་བའི་སྨར་ཡིག་གི་ཡིག་གཟུགས་གསར་པའམ་ཡང་ན་སྨར་ཡིག་གི་མཛེས་རྩལ་ཡིག་གཟུགས་ལ་ངོས་འཛིན་བྱེད་ཆོགཡིག་གཟུགས་འདི་ནི་མངའ་རིས་ས་ཁུལ་རྩ་མདའ་རྫོང་ཁོངས་ཀྱི་ཨེམ་ཆི་དཔལ་ལྡན་ཡེ་ཤེས་ལགས་ཀྱིས་ཡུན་རིང་ཉར་ཚགས་གནང་བའི་བོན་ཡིག་སུམ་རྟགས་པར་པོད་ལས་འདྲ་བཤུས་ཞུས།།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

༥   ཞང་ཞུང་དམར་ཡིག

ཞང་ཞུང་དམར་ཡིག་ནི་གཡུང་དྲུང་བོན་ཆོས་གཏོད་པའི་དུས་སུ་ཞང་ཞུང་ཁུལ་དུ་དར།ང་ཚོས་སྔར་ཡིག་གཟུགས་དེ་འདྲ་ཞིག་དར་མྱོང་ཡོད་པ་ཤེས་པ་ཙམ་ལས་དེ་དང་འབྲེལ་ཡོད་ཀྱི་གནད་དོན་ཇི་སྙེད་རྟོགས་ཐབས་དཀའ་བས་ཕྱིས་འབྱུང་མཁས་དབང་རྣམ་པས་མུ་མཐུད་དེ་ཞིབ་དཔྱད་མཛད་རྒྱུ་རེ་བ་ཆེ།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།
༦   དབུ་ཅན།

དབུ་ཅན་གྱི་ཡིག་གཟུགས་དང་པོ་ནི་སྤྱི་ལོའི་དུས་རབས་བདུན་པར་ཐོན་མི་སམ་བྷོ་ཊས་ཡིག་ཕུད་དུ་འབྲི་གནང་མཛད་པའི་ཡི་གེ་དྲུག་མའི་གཟུངས་ལས་གྲུབ་པའི་སྦལ་ནག་བགྲད་འདྲ་ཞེས་པའི་ཡིག་གཟུགས་དེ་ཡིན།སྤྱི་ལོའི་དུས་རབས་བདུན་པ་དང་།བརྒྱད་པ།དགུ་པ་བཅས་སོ་སོར་ཡིག་མཁན་ཆེན་པོ་བརྒྱད་སྔ་རྗེས་སུ་བྱུང་སྟེ་ཁོང་རྣམ་པས་ཐོན་མིའི་དབུ་ཅན་ལ་དཔེ་བྱས་ཏེ་དབུ་ཅན་གྱི་ཡིག་གཟུགས་མི་འདྲ་བ་ཁག་བརྒྱད་གསར་གཏོད་མཛད།དུས་རབས་བཅུ་གསུམ་པའི་དུས་དཀྱིལ་ཏེ་བསྟན་པ་ཕྱི་དར་གྱི་དུས་མཇུག་ཙམ་དུ་ཁྱུང་པོ་གཡུ་ཁྲིས་སྔོན་བྱུང་དབུ་ཅན་གྱི་ཡིག་གཟུགས་མི་འདྲ་བ་སོ་སོའི་ལེགས་ཆ་རྣམས་ཕྱོགས་བསྡུས་ཀྱིས་དབུ་ཅན་གྱི་ཡིག་གཟུགས་ཚད་ལྡན་ཁྱུང་བྲིས་སུ་གྲགས་པ་དེ་ཐོག་མར་གཏན་ལ་ཕབ།

བོད་ཀྱི་ཡིག་གཟུགས་བྱུང་འཕེལ་གྱི།།  ངོ་མཚར་ལྟད་མོ་འདི་ན་སྣང་།།

༧  ཐུ་མིའི་ཡིག་ཕུད།

བཀའ་དྲིན་ཅན་གྱི་ཐུ་མི་སམ་བྷོ་ཊས་རང་རིགས་ཀྱི་བརྡ་སྤྲོད་གཞུང་དང་མཐུན་ཞིང་།རང་གི་སྐད་ཡིག་ཁྱད་ཆོས་དང་ཡོངས་སུ་འཚམས་པ།ཚན་རིག་དང་མཐུན་ལ་བེད་སྤྱོད་བདེ་བ།དབྱངས་གསལ་གྱི་མ་ཕྱི་ཉུང་ཞིང་མིང་ཚིག་བརྗོད་པ་གསལ་བར་སྟོན་ཐུབ་པ་བཅས་ཀྱི་བོད་ཡིག་འདི་གསར་གཏོད་མཛད།ཡི་གེ་དྲུག་མའི་གཟུངས་འདི་ཐུ་མིས་ཆོས་རྒྱལ་སྲོང་བཙན་ལ་ཡིག་ཕུད་དུ་ཕུལ།ཡིག་ཕུད་དེ་དེ་སྔ་ཕ་བོང་ཁའི་རིགས་གསུམ་ལྷ་ཁང་ནང་གི་བྲག་རྡོའི་ལྡེབས་ཁྲ་ལྷམ་མེར་དངོས་སུ་མཇལ་རྒྱུ་ཡོད་རུང་།རིག་གནས་གསར་བརྗེ་ཆེན་པོའི་ནང་གཏོར་བཤིག་ཏུ་སོང་།འདིར་བྲིས་པའི་མ་ཎི་ཡིག་དྲུག་འདི་ནི་ཐོན་མིའི་ཕྱག་རྒྱུན་སྦལ་ནག་བགྲད་འདྲའི་ཚུལ་དུ་རྨོངས་ཚོད་ཀྱིས་བྲིས་པའོ།།
༼གངས་ལྗོངས་ཡིག་གཟུགས་ཀུན་བཏུས་ཞལ་ཐང་ལས་དྲངས། མུ་འགོད།
  • ལེ་ཚན་སྔོན་མ།:སྡེ་ནང་ས་བྲིས་ཀྱི་སྐོར་གླེང་བ།
  • ལེ་ཚན་རྗེས་མ།:འདི་ན་ཡང་ཡིག་གཟུགས་ཀྱི་ལྟད་མོ་ཞིག་སྣང་།