སྐལ་བཟང་འགྱུར་མེད་ཀྱི་སྙན་ངག་བརྩམས་ཆོས་ལ《མི་རིགས་རྩོམ་རིག》གི་ལོ་འཁོར་བྱ་དགའ་ཐོབ་པར་རྟེན་འབྲེལ་ཞུས། 

   སྐལ་བཟང་འགྱུར་མེད་ནི་ཀྲུང་གོ་རྩོམ་པ་པོའི་མཐུན་ཚོགས་ཀྱི་ཚོགས་མི་ཡིན་ལ། ཁོང་གི་གསར་རྩོམ་གྱི་རྩོམ་ལུས་མང་བ་དང་། བརྩམས་སྒྲུང་རིང་གྲས《སྦས་པའི་བཞིན་རས།》《མུ་གེའི་ལོ་ཟླའི་ཨ་ཁུ་སྟོན་པའི་གཏམ་རྒྱུད》པར་སྐྲུན་བྱས་ཡོད། ལྷུག་རྩོམ་ཕྱོགས་བསྒྲིགས《ཁམས་ཀྱི་རང་མདངས་མངོན་པ》དང《ལྷ་ཡི་སྐྱེད་ཚལ》《གངས་དང་གྲོང་ཁྱེར་གྱི་འདབས་སུ་བསྐྱོད་པ》 སྒྲུང་ཐུང་ཕྱོགས་བསྒྲིགས《དུས་ཚོད་ཤོར་བའི་གྲོང་སྡེ》 དེ་བཞིན་མཚོ་བོད་རོལ་དབྱངས་ཁག་གསུམ་སྟེ《མཚོ་བོད་ཚིག་མཛོད》《མཚོ་བོད་དུས་ཚོད》《མཚོ་བོད་ནམ་མཁའ》སོགས་ལ་རྩོམ་རིག་གི་བྱ་དགའ་སྣ་ཚོགས་ཐོབ་ཡོད། སྒྲུང་རིང《སྦས་པའི་བཞིན་རས》དེ་དབྱིན་ཡིག་ཏུ་བསྒྱུར་ནས་པར་སྐྲུན་འགྲེམས་སྤེལ་བྱས་ཏེ་འཛམ་གླིང་ལ་གནས་མཆོག་དཀར་མཛེས་ཀྱི་ཐུན་མོང་མ་ཡིན་པའི་གཏམ་སྙན་བརྒྱུད་སྤྲོད་བྱས་ཡོད། 

   ད་ཐེངས་བྱ་དགའ་ཐོབ་པའི་སྙན་ངག《འདབ་པའི་གནམ་ས་མིའི་གླུ་དབྱངས》ནི་འདབ་པའི་ཕན་རོགས་གནའ་ཤུལ་གྱི་གནའ་སྔ་མོའི་ཤེས་དཔལ་དང་ཉི་སྟེན་གངས་རིའི་རང་བྱུང་མཛེས་ལྗོངས། དེ་བཞིན་རྒྱལ་ཁབ་ཀྱི་ཚན་རྩལ་རྨང་གཞིའི་སྒྲིག་བཀོད་གལ་ཆེན་གྱི་དེང་རབས་གནམ་དཔྱད་འཚོལ་ཞིབ་ཐབས་མཁས་ངང་སྙན་ངག་དང་མཉམ་འདྲེས་བྱས་ཏེ་ཡངས་ཤིང་རྒྱ་ཆེ་བའི་དུས་དང་བར་སྟོང་གི་སྲུང་ཚད་ཁྲོད་གནམ་དཔྱད་རིག་པའི་གནམ་ས་མིའི་སྙན་ངག་ལེགས་འགྲུབ་བྱུང་ཡོད། སྐལ་བཟང་འགྱུར་མེད་ཀྱི་སྙན་ངག་ཏུ་སྔོན་བྱོན་མེས་པོའི་བློ་གྲོས་དང་གངས་རིའི་བརྗིད་ཉམས། ཡངས་ཤིང་རྒྱ་ཆེ་བའི་འཇིག་རྟེན་གྱི་གསང་བ་གཞི་གཅིག་ཏུ་འདྲེས་ཡོད་ལ། ཀློག་པ་པོར་སྙན་ངག་གི་ཀློང་ནས་འདབ་པའི་ངོ་མཚར་བའི་སྣོད་བཅུད་ཀྱི་མཛེས་སྡུག་ལ་རོལ་མྱོང་ཐེངས་ཤིག་བྱེད་དུ་བཅུག་ཡོད།