བསམ་བློའི་དར་ཆས་ཁ་ཕྱོགས་སྣེ་ཁྲིད་བྱས།། གཞུང་ལུགས་འོད་ཀྱིས་རྒྱང་སྐྱོད་ལམ་བུ་གསལ།། དཀར་མཛེས་ཁུལ་གྱིས་ལྟེ་བའི་ཚོགས་ཆུང་གི་སློབ་སྦྱོང་དཔེ་སྟོན་ལ་ཤུགས་རྒྱག་རྒྱུ་སྣེ་ཁྲིད་བྱས་པ་དང་། ཚད་གཞི་མཐོ་བ་དང་སྤུས་ཚད་མཐོ་བའི་སྒོ་ནས་ཁུལ་རིམ་པའི་འགོ་ཁྲིད་ལས་བྱེད་པའི་ཆེད་དོན་དཔེ་ཀློག་འཛིན་གྲྭ་དང་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཆེད་དོན་སློབ་སྦྱོང་ཚོགས་འདུ་སོགས་གཉེར་ནས། སློབ་སྦྱོང་དང་ཞིབ་བསྡུར་བྱས་ཏེ་གཞི་རིམ་གྱི་རིགས་པའི་གཞུང་ལུགས་སྒྲོག་འགྲེལ་གྱི་རྣམ་པ་གསར་གཏོད་བྱས་པ་དང་། སྒྲོག་འགྲེལ་ལས་སྟེགས་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་བཏང་ནས་རིགས་པའི་གཞུང་ལུགས་ཞིབ་འཇུག་དང་འཆད་འགྲེལ་ལ་ཤུགས་བརྒྱབ། ལོ་ཧྲིལ་པོར་རིགས་པའི་གཞུང་ལུགས་སློབ་སྦྱོང་དང་སྒྲོག་འགྲེལ་བྱེད་སྒོ་སྤེལ་བར་གྲུབ་འབྲས་མངོན་གསལ་དོད་པོ་ཐོབ་ནས་འཕེལ་རྒྱས་སྤུས་ཚད་མཐོན་པོའི་ཆེད་དུ་བསམ་བློའི་རྨང་གཞི་བརྟན་དུ་བཏང་ཡོད།

    འཕེལ་རྒྱས་ཀྱི་དུས་མཚམས་གསར་པར་གཞི་ཚུགས། དཀར་མཛེས་ཁུལ་གྱིས་ཞིང་ཆེན་ཏང་ཨུའི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བདུན་པ་དང་བརྒྱད་པའི་སྙིང་དོན་མཛུབ་ཁྲིད་དང་། ཁུལ་ཨུའི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་དགུ་པ་དང་བཅུ་པའི་ཐབས་ཇུས་བཀོད་སྒྲིག་གཅིག་འདོམས་སུ་བྱས་ཏེ"ལོ་ལྔའི་འཆར་འགོད་བཅུ་བཞི་པ"མཇུག་འགྲིལ་རྒྱུར་ཁྱོན་ཡོངས་ནས་སྐུལ་འདེད་བཏང་བ་དང་།"ལོ་ལྔའི་འཆར་འགོད་བཅོ་ལྔ་པའི"གོ་སྐབས་དམ་འཛིན་བྱས་ནས་འཆར་འགོད་སྤུས་ཚད་མཐོན་པོ་དང་། དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་ལེན་བསྟར་བའི་ཞིང་ཆེན་ཏང་ཨུའི"ཅན་བཞི་གོམ་སྟབས་གཅིག་མཚུངས་དང་། གྲོང་ཡུལ་མཉམ་འདྲེས། ཁུལ་ལྔ་མཉམ་དར"བཅས་ཀྱི་འཐབ་ཇུས་ནང་ཧུར་ཐག་ཞུགས་པ་དང་། ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཆང་རྒྱུ་གཙོ་རྐང་དུ་བྱས་ཏེ"དཔེ་སྟོན་ཁུལ་གཉིས་དང་གནས་ཡུལ་གསུམ"འཛུགས་སྐྲུན་ཤུགས་ཆེན་བྱེད་པ་དང་།"སྒུལ་ཤུགས་ཆེན་པོ་བཞི"སྐྱེད་སྲིང་བྱེད་པ།"འཐབ་ཇུས་ཆེན་པོ་ལྔ"ལག་ལེན་བསྟར་བ། བོད་བརྟན་བོད་བདེ་དང་སྐྱེ་ཁམས་སྲུང་ཡོལ། ནང་སྐྱེས་རང་བརྟེན་བཅས་ཀྱི"འགན་འཁྲི་ཆེན་པོ་གསུམ"ཁུར་བ། དམངས་སེམས་དང་སྲ་ཆས། སྙི་ཆས་བཅས་ཀྱི"རྨང་གཞི་ཆེན་པོ་གསུམ"བརྟན་དུ་བཏང་། རིག་གནས་ཡུལ་སྐོར་ཁུལ་དང་། ནུས་ཁུངས་ཁུལ། སྐྱེ་ལྡན་ཁུལ་བཅས་ཀྱི་འཕེལ་རྒྱས་འཆར་གཞི་ལག་ལེན་བསྟར་རོ།།